أخبار المنوعات 
بعد تهديده بالطرد من المنزل..الكاردينال يزور (بلوم الغرب) و يتبرع بمبلغ خمسة آلاف دولار
الخرطوم:محاسن احمد عبدالله
تبرع رئيس نادي الهلال اشرف سيد احمد الكاردينال بمبلغ مالي كبير للفنان عبدالرحمن عبدالله الشهير بـ(بلوم الغرب) و ذلك بعد الزيارة التي قام بها ظهر اليوم في منزله بامدرمان حي المهندسين للاطمئنان علي صحته بعد الوعكة الصحية التي المت به و تبرعه بمبلغ خمسة ألف دولار و التكفل باكمال علاجه بالقاهرة.
وكان برفقة الكاردينال في الزيارة الفنان عبدالقادر سالم و الشاعر التيجاني حاج موسي و ابو عبيدة البقاري و آخرين.
الجدير بالذكر أن صحيفة (السوداني) أجرت حوارا مع الفنان عبدالرحمن عبدالله بعد المبادرة التي اطلقها عالم الفلك د. انور عثمان حكي من خلاله (بلوم والغرب) معاناته الصحية و تهديده بالطرد من المنزل بسبب تعثره في دفع الايجار عدة أشهر.
ما قلتوا قاعد في مستشفى الابيض وما قادر يدفع الايجار وهسه طلع ليه بيت في المهندسين ولا مستأجر في المهندسين بالدولار؟؟!!
أنور هذا مستنكح كبير ولا عالم فلك ولا حاجة قاعد بس يلقط في الصور والتقارير الفلكية من زمن الجامعة ونحن عارفنو!!
صدقت… بتاع آداب كان و كذاب كبير و مدعي المعرفة
ووين دور وزارة الثقافة والإعلام وحكومة قحت ؟
الكيزان طلعوا اكثر انسانية واختمام ورعاية للفنانين من الحكومة الخايبة دي.
في زمنهم اي فنان غدر بيهو الزمن كانو بتكفلوا بيهو وامثلة كتيرة لذلكوالتاريخ يذكر لهم ذلك.. وردي ومحمود عبدالعزيز وغيرهم
يعني ياعادل نقول ياحليل الكيزان ولا شنو؟
هههههه كضاااااابة و جدادة الكترونية كيزانية خايبة و خايسة اديك قائمة المبدعين الماتوا زمن الكيزان من الأهمال ولا أحسن أسكت؟ شوف يا عادل من الاخر كدا روق فى علبك.
نسال الله له بالشفاء العاجل، لجميع مرضانا، طيب انا ما فنان و ما مشهور منو البيكورك لي عشان الحكومة تعالجني و الكاردينال يتكفل بعلاجي? انا الملاحظو لو زول مشهور مرض الناس كلها عووووك الحكومة سوت و ما سوت، طيب خلينا نجرد الفنان من شهرتهو و نحسبو انسان – كم انسان في السودان يعاني المرض و ما لاقي يتعالج حتي في قريتو خليك من يمش مستشفي الولاية و لا العاصمة و كم انسان مريض مات داخل مستشفي بون علاج عشان ما عندو قروش و ما في زول يبكي ليهم
حرامي بيدي شحات
أحسن من ناس نثرياتهم 20 مليون دولار ولا بيعطوا منها شىء لمسكين…نقدر نقول شىء احسن من لا شىء…لو كل حرامى كان بينفق كان تمام لكن كل واحد بياكل لحد التخمة و يقش خشمه.
افتكر انو الكيزان ماخدمو محمود في حاجة وزوجتو هي والقامت بالتكاليف من إيجار طيارة خاصة الي وفاته رحمه الله
لو كان قانون لحماية المصنفات الفنية لما جاع و تعب هذا الفنان و غيره من الفنانين الكبار ..الفنانين الشباب يسرقون اغاني الكبار و يعيشون بها