تصدير 20 ألف رأس من الضأن إلى سلطنة عمان

يا جماعه ما قلتوا ما ح تصدروا خرفان احياء مره اخري و الفكري كانت من مكان تاييد و اشاده .
و نقول ليكم ليه ناس الخليج ديل بيستجدون السودان لتصدير اليها حيوانات احياء بدلًا بعد ذبحها ، و كل ذلك انهم يستفيدون من الحيوانات الأحياء عشرات الأضعاف ما يشترون به لحوم جاهزه ، و دا لانهم يصنعون من مصارين الخرفان ديل خيوط جراحيه يسموه الكروميك و الكاتقت و دي خيوط استهلاكها كبير في الجراحه و غاليه خالص و بجانب دا هم بيجمعوا دلافين كرعين البهايم ديل و قرونها و يصنعوا منها أزرار ملابس زاهية بجانب الجلود ليصنعوا منها احزمه و شنط نسائيه و جاكيتات جلديه شتويه و أحذية و غيرها ، و هم من الحاجات دي براها بيلقوا منها ملايين الدولارات و اللحوم بيطلع عندهم مجاني ساكت . يعني بالبلدي كدا بيستوردوا مننا البهايم و ببيعوا منتجات مخلفاتها بملايين الدولارات و بعشر الأرباح بيشتروا مننا بيها بهائم تانيه و اللحوم عبارة عن لحوم مجانيه ساكت ، يعني بيربحوا علي حسابنا أرباح خياليه .
و في دا كلوا و الشي اللي بيحير خالص انو نحن بنمشي الخليج و بنستورد منهم الخيوط الجراحية و ملتزمات نسائيه جلديه و ملابس دخلت فيها منتجات بهايمنا بملايين الدولارات سنويًا و بنستنزف ليها الدولارات اللي حصلناها منهم و نرجعها ليهم في بلاهه و غباء و نحن مبسوطين و ناس سوق العربي بتاع العملات شغالين نجر في الاقتصاد و بعدين بنتساءل البلد دي التصدير شغال و ليه الوضع ما دايره تتصلح و عارفين انو اللي دايره ثوره تغيير مش الإطاحة بالكيزان و بس و لكن الإطاحة بجميع طرق تفكيرنا القديمه و أساليب تعاملنا في هيئات التصدير و الاستيراد و التصنيع و التوزيع و اداره المنتجات و غيرها ، يعني بصراحه دايرين ثوره في تغيير المفاهيم و ابعاد ناس المصالح الضيغه في استمرار الواضع القديم في كل شي و نفس الناس هم اكثر الناس شتما للبلد ، حاجه تحير . .