عبد الله مسار يتهم البنك المركزي بإفلاس البنوك
البرلمان: مياده صلاح
هاجم برلمانيون سياسة بنك السودان المركزي واتهموه بإفلاس البنوك، وفيما طالبوا بإلغاء مجلس إدارة البنك وتحديد الأجور العالية التي يتقاضاها أعضاء المجلس؛ أيد آخرون ضرورة الإبقاء على مجلس الإدارة ليمارس سلطاته الرقابية على محافظ البنك ويحكم قبضته على تفلتات القطاع المصرفي والبنوك التجارية.
وطالب عضو البرلمان عبد الله مسار خلال مداولات مشروع تعديل قانون بنك السودان المركزي بإجراء تعديل جوهري في القانون حتى يواكب الأوضاع الاقتصادية الحالية واتهم إدارة البنك بإفلاس البنوك وقال: “في وجود بنك السودان أفلست البنوك وهو وصي عليها ” في إشارة الى بنك تنمية الصادرات وأضاف مسار أنه لابد من إجراء تعديلات جوهرية على القانون وإبداء “رأينا” في كثير من الممارسات التي أدت لانهيار الاقتصاد فيما دعا النائب محمد محمود لإلغاء مجلس إدراة بنك السودان لوضع حد للأجور العالية التي يتقاضها أعضاء المجلس لاسيما “ونحن في أمس الحاجة الى أي جنيه أو قرش ” واعترض على التعديلات المقترحة ووصفها بغير المبررة ، وشدد العضو علي أبرسي خلال جلسة الأمس على ضرورة إعادة النظر في عائد أرباح البنوك من قروض التمويل البالغ 15% وتصل بمصروفاتها الى 25% وقال “دا ما وكتا” لاسيما ونحن “مقبلون على زيادة أسعار السلع وسعر الصرف”
من جانبه أكد وزير العدل محمد بشارة دوسة عدم وجود تعارض بين التعديلات المقترحة على القانون وما ورد في الدستور وقال إن المادة “226” من الدستور تنص على إبعاد كل النصوص المتعلقة بالجنوب بعد الانفصال.
في السياق وافق البرلمان على إدخال تعديلات جديدة على القانون بعد إلغاء النظام المزدوج وانقضاء العلاقة بين البنك المركزي وفروعه في جنوب السودان حيث حذفت “عبارة رئاسة الجمهورية” واستبدلت برئيس الجمهورية وأضيفت فقرة جديدة تمنع تصدير الأوراق النقدية إلا بالقدر الذي يحدده البنك منعا للتهريب واستحدثت بندا يسمح للمحافظ بإصدار قرارات بتنفيذ أحكام القانون , وفيما أجاز البرلمان مشروع قانون تنظيم العمل المصرفي في مرحلة السمات العامة أعاد رئيس البرلمان مشروع قانون التعديلات المتنوعة “القوانين المتأثرة بانفصال جنوب السودان” للجنة التشريع والعدل بعد اعتراض النائب ابراهيم بحر الدين
السوداني
تانى يا مسار بقيت معارض كمان
للضرورة احكام
الحقيقه المشكله ما بنك السودان المشكله في ادارات البنوك البتدي التمويل دون ضمانات وفي شركات التقييم البتقيم الرهونات حسب رغبة عميل البنك بس كيف يدفع وبرضو البنوك بتفضل تدي المرابحات للديايرين مليارات ولمان يعجزوا عن السداد يدوهم تاني بدل ما يتخذوا ضدهم اجراءات
نرى أن الفلسة قد ضربت بنظام الانقاذ فى مقتل لاحل لمشكلة الاقتصاد السودانى المريض بعد الانفصال إلا بتقليص عدد الولايات وإعادة الادارة الاهلية أقل تكلفة وجعل حكومة مركزية واحدة فى الخرطوم نظام وزير واحد لكل السودان وعدد 2 مستشار لكل وزير وتقليص كل مخصصات النافذين فى الدولة وطرد الجيوش الجرارة من المسؤلين التنفيذين ودمجهم الى الخدمة العامة وعدم صرف مليم واحد حتى لو كان رئيس الجمهورية أفصلو العدالة الناجزة عن المؤتمر الوطنى تكون هيئة قضائية مستقلة يحاسب الجن الازرق إذا أعتدا على المال العام ودستور يحدد مسؤلية كل مسؤل وصلاحياته فى حدود ماتحدده الدستور والقانون إلا يتجاوز أى واحد على الدستور والقانون وعدم التدخل فى شؤن الوزارات الاخرى أو التأثير عليه لمصالح فردية ..كما الحكم فى الولايات المتحدة الامريكية الرئيس لايتخذ قرار مصيرى إلا بعد الرجوع للكنقرس ومجلس الشيوخ ..وتحديد عدد عربات الرئاسة وعربة واحدة للوزير وسائق عام من الوزارة لخدمة الوزير وحاجياته الخاصة. أم تتركو الامور لكل منتسب مؤتمر وطنى حكومة ونافذ له الصلاحيات حتى فى بيع الناس يكون كارثة كما حاصل الان حمان الله من شر النفس العمارة بالسوء بالطمع والجشع ..
لتجنب افلاس البنوك يجب على البنك المركزي السوداني البدأ بتطبيق بازل تحت اشراف قسم متخصص بادارة المخاطر لحساب كفاية راس المال ولتجنيب المخصصات المالية ويجب تقوية قسم ادارة المخاطرفي جميع البنوك(الائتمان,التشغيلية,السيولة ومخاطر السوق).
شوف ده شالو من وين وظهر لينا وين؟؟! اللهم اكفينا شر السرطان – امين.
الشغلان ما في بنك السودان وحدة الشغلانة فيكم انتوا زاتكم لابد من ان تغلصوا عددكم لانكم تمامة جرتق
بقيت اقصادي كمان اخرته حكم يا ناس**** الرجل الثرثار والباحث ديماللشهرة
بسم الله الرحمن الرحيم
السيد عبدالله علي مسار أن يذهب و يعمل مع حركة تحرير الضعين
والله يا مسار
عامل زي البتفاصحوا في السنترليق
دا بعرف يلعب وداك ما بيعرف
ولو أدوك الكورة ثابتة تجليها
وانا بتهم الانقاذ(الحركة الاسلاموية) بافلاس وخراب البلد!!!!!
الواحد في الوزارة يعرض ويرقص وكله حاجة تمام
بره الوزارة يقعد يجقلب
سكت دهراً ونطق كفراً.
هذا الكلام يكون مقبولاً إذا كان فبل الخلاف ( الطلاق ) يا سمسار
بسم لله الرحمن الرححيم
هوالزول العربيد ده لاليله ماداير يسيب الثرثرة!من الافضل ان تزهب لولايتك وتحل مشاكل اهلك لانهم اصابهم الجوع والعطش ووووو يعنى حياتهم فى خطر ياثرثار والله لو كنت رئيس جمهوريه حافصلك من المجلس الوطنى لانك مازول فاهم زول عربى سايت ودى مثل عند اهلنا العرب فى البلد(يعنى زول ماك فاهم شئ خرتيت)وبعد مافصلت من الوزارة جيت تانى تثرثر من جديد.والله لو كنت فى محلك لانتحرت لانك ماليك قيمهوكمان عامل فيها اقتصادى كمان وناس الاعلام زاتو ماعندهم شغله ؟مفترض يتكلمو بالاقتصادييين مش الخراتيت ؟؟8
المشكلة ما في بنك السودان انه يقوم بدوره على اكمل وجه وبه من الخبرات الاقتصادية والمهنية ما يكفي انتو عارفين المشكلة وين المشكلة الرئيسية فى امثال مسار هذا الراجل دا قبل شهر كان وزير الاعلام ولما تم اقالته طوالى على المجلس الوطنى وما بعيد يكون عملوهو رئيس لجنة الاعلام بالمجلس عشان خاطر المخصصات وكدا وزيو زي امثاله الاسمو الزبيرمحمد الحسن الكان وزير المالية بعد اعفائه طوالى صار رئيس اللجنة الاقتصاديةوالساقية مدورة وطبعا رؤساء اللجان مخصصاتهم بالملايين ولا تقدر تحسبها بالآلة الحاسبة طوالى الحاسبةتديك (Error)المشكلة في هؤلاءالمطبلاتية واذا استمر الحال على هذا المنوال فعلى الدنيا السلام وصقيرها حام
الكلام دا كان تقولو وكت كنت راكب الكامرى بتاعت الحكومة او بالاحرى بتاعت الشعب وبنزين الشعب بعد ما شالوها بديت تتذكر الحاجات دى وعيت يا دوب من بنج المكيف الإسبلت والفطور الما خمج يا بتاع الدبلوم البقيت وزير…. بالمناسبة مجلس الإدارة بجيبو ليه الفاقد التربوى الزيك ديل يعنى مفروض تحن على بنى جلدتك مش تجى تقدها ليهم نظام يا فيها يا نطفيها ولا شنو!!!!!!بالمناسبة مرتك لسه مديرة مكتب الوزير ولا مشت معاك البيت..
دي المواسير من الفاشر جات ياكلاب نايمين في العسل الاسود موفلسين في السياسة و الادارة والامن والمال انشاء الله الافلاس في بيتكم ياكلاب اخر الزمن
أضحكني عبد الدولار عبد الله مسار, إذا كان أحد يريد أن يسمع عاهرة تتكلم عن الشرف فليسمع الى عبد الدولار عبد الله مسار.
ديك المسالمة لسه بيعوعي !!!!!!!!!!
ماحبيتك يامتملق
ده شنو مسار ده ما كان وزير اعلام؟بقا عضو برلمان كيف في انتخابات؟انا داير اترشح
انت قايل بكلامك دة الناس ديل بخافو من لسانك ويعملوها ليك استراحة محارب كان كدة غلطان ديل اعفوك عشان مدير مؤسسة تابعة لوزارتك زمان انت واحد منتفع واصنج والاتنين ما بلمو مع بعض يا تكون منتفع وتقعد فى الوزارة وتطبطل تهبش فى الناس دى يا تكون اصنج وتقعد فى البيت وقالو الصقر كان وقع كترت البتابت عيب لن عينتك الجعجاعة دى ما بتعرف العيب مالو تطبيلك للبشير بعد لاهى ما نفعك