14 حالة وفاة و87 اصابة جديدة بـ(كورونا) في السودان

انا بتزكر موضوع الصحفي زهير سراج لما جاب دراسة عن الكورونا من جهة بحثية بريطانية انو الاعداد في السودان ستفوق العشرة الاف اصابة ما لم تضع الحكومة خطة و اجراءات محكمة للتصدي للوباء و الوكت داك السودان مسجل اقل من مائتين و الصحفي قال الحكومة و المواطن ان ياخذو هذه الدراسة بجدية و نبني خطط التصدي بناءا عليها عندها صرخ الكثيرون ضده نكرو الدراسة و قالو اصلا ما في كورونا في السودان ولا حتجينا بلدنا سخنة و كدا يعني نجر بتاعت ناس ما عندها صلة بالموضوع و الصحفي رد ليهم يا جماعة دي دراسة و وضح ليهم من ياتو جهة و الموضوع ما نجر منو، و قال انا نقلت دراسة و الناس ما تاخدها موضوع شخصي او نجر صحفي.
و الحكومة عملت فيها اطرش و اعمي لا سمع ولا شاف الدراسة و ها نحن اليوم و كما توقعت الدراسة تجاوزناها و زايدين فيها.
الدول تتصدي لكل مشاكلها بالدراسات و البحوث و دا نحن ما عندنا في السودان
الناس و الحكومة يخلو حلحلة المشاكل بالنجر و النجر يعني حاجة ما فيهو اساس بس اللهم تقول و تطبظ في سبيل انا فاهم و كدا و تضيع البلد