الخرطوم: عبد الله ــ نجدة
كشف عضو المجلس السيادي محمد حسن التعايشي، عن وجود (196) مؤسسة بالبلاد تابعة للرئيس السابق عمر البشير.
وقال خلال مخاطبته ندوة نظمها صحافيو دارفور بقاعة الصداقة أمس، إنهم جاءوا للقصر الجمهوري، واكتشفوا وجود (196) مؤسسة تابعة للبشير، وإن هنالك مركزاً للدراسات فقط يضم نحو (170) موظفاً و(70) عربة للخدمات.
وأكد التعايشي أنه لا يمكن بناء دولة مدنية ديمقراطية إلا بمعالجة مشكلة الحرب والسلام، وأوضح أن إعلان جوبا أوصل الشركاء الموقعين من الحكومة والحركات المسلحة للقناعة بإمكانية تحقيق السلام، وقال “لم نتفق على مسارات التفاوض الآن، بل تركنا الترتيبات للجان”. وقطع بأن السلام سيكتمل في الفترة من 14 أكتوبر إلى 14 ديسمبر.
وكشف عن السماح لكافة المنظمات الأجنبية والإنسانية التي تم طردها سابقاً والتي ترغب في تقديم الدعم اللوجستي لمناطق النزاعات، بالعودة شريطة التزام الإجراءات.
الصيحة
طيب نستفيد شنو نحن من الونسة دي ما ياهو يا تتخذوا أجرائات قانونية بالخصوص ده يا تنقطونا بي سكاتكم
الانتظار كالشفق لا يلبث ان يكسوه السواد .. ماذا تريدنا ان نعمل بمثل هذه التصريحات ؟؟ لقد ادينا دورنا .. شربنا أطنانا من البومبان .. والهبت السيطان ظهورنا .. وزُج بنا في اقبية جهاز الامن سيئة السمعة .. فينا من جُرح .. وفينا من فقد عينه وأطراف أصابعه وفينا من فقد حياته ودحرنا الطاغيه وسلمناها لكم .. الكره الان في ملعبكم .. وكفانا تصريحات .. نريد انجازا .. نريد فعلا لا قولا.
نحن مستعدین نعمل میة ثوره والکیزان جرابیع وکذابین ..اسقطناهم وتانی نسقطهم . والکدیس الرقاص ده یتحاکم هنا ونشوفوا یتجرس وناسوا یبکوا علیهو .. بلاش کلام فارغ .. شدوا حیلکم وخلیکم قدر المدنیه ولو ماقادرین علیها کلمونا والبدیل موجود
يا التعايشي بطل فلسفة و ونسة
وين القرارات التي بموجبها يتم تفكيك
الدولة العميقة وين القرارات وين القرارات
كلهم طلعتوا نمور من ورق ساكت
طلعوا قرارات ثورية أولا ثم بعد ذلك
أظهروا على المنابر
اوجعتم قلوبنا و ضعيتم أعظم ثورة
في التاريخ بضعفكم و جبنكم من مواجهة
المؤتمر الوطني الذي يمد لسانه طويلا
عليكم و علينا …..
يا تشتغلوا حسب كتاب الثورة
يا اتركوا المناصب لمن هو أشجع منكم
– يظهر الجماعة ديل مصابين بفيروس المايكروفون المُزمِن الذي لا شفاء منه الا بالانقلاب !
– من ضحاياه الساقط الناعم المهدي !
يا جماعة الخير صبركم شوية علي الحكومة ..لازم ندعوا و نصبر عليها فخراب ثلاثون عاما لا يمكن إصلاحه في شهر
طيب يا التعايشى بعد عرفتوا ال196 مؤسسه دى
عملتوا شنو عشان تصححوا الوضع دا
ولى شغل ونسه سااااااااااى ودايرين يجى زول يعالج الموضوع دا
كان مابتعرفوا الشغل ، زحوا بعيد وقدموا إستقالاتكم ، الشعب السودانى فيهو كفاءات حقيقيه وعندهم قوه شخصيه ومصادمين وممكن يعالجوا المشاكل دى أول بأول ونحس بيها نحنا كمواطنين فى حياتنا المعيشيه اليوميه
خلو النضمى ياعضو مجلس السياده وقوموا شوفوا شغلكم
اللهم طولك يا روح