قدم مدير الادارة العامة للاخبار والبرامج السياسية المكلف بالهيئة العامة للإذاعة والتلفزيون كافي البابو كافي اعتذاره للشعب السوداني بسبب عرض خارطة السودان بدون ظهور مثلث حلايب السودانية في خطأ غير مقصود في نشرة الأخبار بالتلفزيون.
وقال انه لاحظ ذلك أثناء بث التقرير على الهواء مباشرة وقام لحظتها بإغلاق التقرير اي عدم بثه في أي نشرة لاحقة واستدعى المحرر الذي أعد التقرير وتمت مواجهته بهذا الخطأ.
واكد انه تمت مناقشة ذلك الخطا ضمن أخطاء أخرى في الإجتماع اليومي الذي يعقد عقب انتهاء عرض أحداث اليوم ووعد بانه ستتم المحاسبة والالتزام بعرض الخارطة الصحيحة للسودان وهي مكتملة بمثلث حلايب مؤكدا ان حلايب سودانية.
وكانت (السوداني) قد عكست ردود الفعل تجاه عرض التلفزيون القومي خلال تقرير له حول «سد النهضة» في نشرة أخبار التاسعة الرئيسة أمس الخميس، خريطة السودان بدون مثلث «حلايب وشلاتين» الذي تحتله القوات المصرية منذ سنوات وتعمل على تمصيره بالكامل.
حلايب الفالقننا بيها دي مع المصريين ودوا ليها الدعم السريع ، ويحصل ما يحصل وأولاد بمبة نقطة ضعفهم الموية. الجنوبيون سمحوا لهم ببناء قاعدة قريبة من سد النهضة في جنوب السودان لضرب السد حسب تخطيطهم . السودان دق جرس بأن منسوب الموية قل في نقطة الديم بسبب بداية تعبية السد ، والحبش بقولوا المطر نزل … الأيام الجاية بتبين كل شي ء . من خلال متابعاتنا لتحليل الأخبار في قناة الجزيرة : المحللون المصريون مصرين أنو الموية خط أحمر ناسين ومتغابين حصة الموية المهدرة من نصيب السودان من زمان . السودان عندهم في عداد الأغبياء … ربنا يكضب الشينة .
التعليق ليس مكرر ياناس الراكوبة قولو ما قادرين تنزلوه
حلايب الفالقننا بيها دي مع المصريين ودوا ليها الدعم السريع ، ويحصل ما يحصل وأولاد بمبة نقطة ضعفهم الموية. الجنوبيون سمحوا لهم ببناء قاعدة قريبة من سد النهضة في جنوب السودان لضرب السد حسب تخطيطهم . السودان دق جرس بأن منسوب الموية قل في نقطة الديم بسبب بداية تعبية السد ، والحبش بقولوا المطر نزل … الأيام الجاية بتبين كل شي ء . من خلال متابعاتنا لتحليل الأخبار في قناة الجزيرة : المحللون المصريون مصرين أنو الموية خط أحمر ناسين ومتغابين حصة الموية المهدرة من نصيب السودان من زمان . السودان عندهم في عداد الأغبياء … ربنا يكضب الشينة .
ابحثوا عن الهوية السياسية لمحرر تلك النشرة ستجدونه قومي عربي زي محمد وداعة الذي يدافع عن مصر في موضوع سد النهضة او يكون ناصري
مستحيل ان يكون خطأ بهذا الحجم غير مقصود
خلوا شغل أم غُمُتّي دا، و رونا مين الأهبل العمل الحركة الغبية دي، و حاكموه ليننا علني، و الله أهديتوا لمصر هدية ما كان بيحلموا بيها، التقرير دا حيذيعوه كل يوم في القنوات المصرية و يقولوا أهو السودان نفسه معترف بانه حلايب مصرية، ردكم حيكون شنو؟؟؟
غالباً عدم تركيز وتدقيق،”لفح ليهو خريطة من حتة ولصقا”. هنالك تدهور مريع في الأداء واللغة ركيكة، والأخطاء الإملائية والنحوية. لا يُلام، الثلاثين سنة هذه قضت علي كل شئ.