أخبار السودان

مبارك أردول: ما حدث للجنرال كباشي مرفوض

استنكر الأستاذ مبارك أردول مدير الشركة السودانية للمعادن، الإساءات التي تم توجيها من قبل أحد الثوار للفريق شمس الدين الكباشي، لحظة خروجه من منزل الإعلامي التابع للمؤتمر الوطني “جمال عنقرة”.

وكتب اردول على حائطه بفيسبوك:

ما حدث للجنرال كباشي شي مرفوض جملة وتفصيلاً، فلا يعتقد أحد باسم الثورة أن يشتم احد بأمه ويطلق على نفسه لجان مقاومة.

لجان المقاومة الثورية التي حرست الثورة وخاضت المواكب كانت تقوده بشرف واخلاق عالية وسلوك أولاد ناس تربوا على الفضيلة والأخلاق السمحة…

‫29 تعليقات

  1. الاجتماعات في البيوت واللف علي الاعراس والبكيات نفس حركات الكيزان
    ومافي سبب واحد يخلي الكضباشي يمشي لواحد كوز في بيته ويعمل فيهو اجتماع

    1. اذا عجبك يا دلدول قال كباشى قال .واذا قليت ادبك انت بكرة سوف تلفى نفس الكلام الاتقال لكضباشى.بلاش تكثير ثلج يا ابو سلسلة انتبة

      1. ياخ انتو ما مربيين …وين الاخلاق…دة جيل فاقد تربوي..يمكن ان تعبر عن معارضتك بشكل يرضاه الله ورسوله . قلة الادب لزوما شنو . دة كلو عدم التربية ونقصىالدين.. اللهم احرنا

    2. يازول الكباشي كتل شباب في عمر الزهور واعترف هو بلسانه في التلفزيون ، هسه ياتو المفروض يلوموهو ? الكضباشي ولا ثوار الحتانة. غير النفاق ما تعرفوا شي يا خونة

  2. مبارك أردول:
    دى محاباة وعدم أمانة منك ما أكثر تخاف على الكباشى ما يجرحوا إحساسه بالهتاف ضده ؟!
    الكباش بعد إعترافه بفض الإعتصام وإستخفافه بأرواح راحت بسبب سلوكهم الحربى ضد عزل يطالبوا بحقهم فى حياة كريمة وعبارته الإستفزازية الشهيرة “حدس ما حدس”
    هل تفتكر أمهات الشهداء ديل ما إتسجموا بالحزن كما أى إنسان عنده ذرة من الإحساس

    الثورة والشهداء ديل بسببهم إنت معلق الوظيفة مع إسمك ما تنسى|

    1. اذا عجبك يا دلدول قال كباشى قال .واذا قليت ادبك انت بكرة سوف تلفى نفس الكلام الاتقال لكضباشى.بلاش تكثير ثلج يا ابو سلسلة انتبة قبل مانشيلك من التعدين

  3. طبعا الود أردول عنده ضعف ذاكرة حاد أو متلازمة ستوكهولم ، نفس الشخص اللي إسمه (الجنرال كباشي) ، اللي هو زعلان ليهو شدييييد كدا ..هو الشخص نفسه اللي اعتقل أردول و ياسر عرمان و جلاب ، و رماهم في الزنزانة ٢١ في موقف شندي في التلاجات ، و رحلهم و هم معصوبي الأعين لجهة غير معلومة ، اتبين بعد ساعات انه في طريقه للطرد من الوطن بأمر من المجلس العسكري ، الكان الكباشي الناطق الرسمي بإسمه …

    يعني الكباشي انتهك حق الود اردول كمواطن سوداني و طرده في تصرف ينم عن مدى اجرام و حقارة و لؤم الكباشي و كل المجلس العسكري …

    الكباشي هو من اعلن لأمهات الشهداء بكل صلف إنه مقتل ابنائهم و بناتهم ، كان بتخطيط منه و بقية عصابة المجرمين زملاؤه ، وقد حدس ما حدس …

    كباشي ظل مع عدد من اعضاء اللجنة الأمنية يضع العراقيل و يتسبب في صراعات لا تنتهي لحكومة الفترة الإنتقالية …

    دا كلوووووووووو الود اردول ما شايفو سلوك ما بتاع اولاد ناس من الكباشي ، لكن قادر يشوف انه شخص شايف القاتل طليق أمامه و شتمه مع اننا ضد الشتم ، شايف انه دا سلوك مش بتاع اولاد ناس وكمان يسارع في شيطنة لجان المقاومة …

    وهو معذور بجهله و يبدو إنه نسى حتى يستفيد من ايامه مع أنصار السنة في تذكر قوله تعالى: فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُمْ {البقرة: 194}.

    و الحالة إنه الشباب ديل ما اعتدوا عليه و كانوا بهتفوا سلمية ، نفس الشباب ديل هم الفيهم شهيد و جريح ، و بدمائهم و غضبهم ، جابوك في منصبك اللي انت قاعد فيهو بدون مؤهل دا …
    و ساكتين على محاصصاتكم ، و تقاتلكم على المناصب ، في سلوك برضو ما بشبه سلوك المناضلين او أولاد الناس، او الثوار …

    و المواقف دي بتكشف للناس حقيقة أدعياء الثورة و النضال ، و الرويبضات ، فهلا سكت الود اردول قبل أن نبدأ في الحديث عنه من جديد .. ؟؟؟

    عشان يحافظ على صورة ود الناس العاملة لنفسو دي ..

  4. خلاص يعني خايف على كباشي يا حقير يا اردول ولما ربوكم انت وعرمان وسبوكم وجدعوكم في مكزن الخرفان ورموكم في حوبا كنت يا مرتزق تقول ليهم ما تسبوني بامي؟؟؟ كباشي مجرم قاتل وزنت مرتزق والعنصرية جارية في دمكم

  5. ياسيد اردول مافيش زول نبذ زول لا كباشى او غير كباشى حسب شهادة الحضور الغير كيزان المحايدين ارجو ان تنظر شهادة السيد عبدالرسول النور .. وبعدين هو عنقرة ده ململم الكيزان ديل بمناسبة شنو ؟؟ وحتى لو قلنا جو زيارة فهل صدفة يعنى ام بتدبير مسبق ؟؟ فلو أن شخصا يلام او ينصح ليعمل حسابو فهم الكيزان
    واشياعهم من المنافقين والمرتزقة من امثال بعض الصحافيين الذين كانوا حضورا فلينصحوا ويقللوا من الحركة وسط أماكن الثوار .. فاليوم ملاحقه بالهتاف ونخشى عليهم غدا من العقاب خارج نطاق القانون .. !!

  6. يا اردووووول

    بطل اللف والدوران وكسير التلج

    نحن اتخدعنا فييييك للاسف

    الكضباشى من قتلة معتصمى القيادة الذين اجلسك دمهم وارواحهم على هذا

    الكرسى لكى تاتى وتتشدق ناكرا ومستنكرا ماسميته إساءة للاسوأ الكضباشى!!

    الم يعترف ؟ الم تشاهد الفيديو؟ الم يحكوا لك عن الفيديو؟وحدس ماحدس (حدث)؟

    يخس…يا طلاب السلطة…..بئس انت ومن على شاكلتك

  7. وانت دخلك شنو يا اردول .
    هولاء الثوار اكتوا بكذب الكضباشي ونالهم ما نالهم او. بلغة الكباشي حدث ما حدث من ضرب وقتل واغتصاب في جريمة فض الاعتصام التي ارتكبها الكباشي مع لجنة البشير الامنيه..
    .
    هولاء هم الثوار سيقفون بالمرصاد ضد كل متأمر ضد الثوره ،اذا ما عجبك الكلام دا با اردول شيل بقجتك وارجع من حيث اتيت غير مأسوف عليك..

    تأتي المصائب جماعات في بلادنا من الفلول الكيزان لمرتزقة الثوريه. لامام البوخه،،وانضم لهم اردول..

    لك الله يا بلادي..

  8. يا اردول سيبك من الآمور الانصرافيه دى وابحث عن حقيقة إمتلاك الكباشي لقصر فى مدينة الطائف السودانيه وهو عضو بمجلس السياده بمبلغ مليون ومئتا الف دولار!!.

  9. اردول تصريحات قبل الوظيفة بتختلف من تصريحاتك بعد الوظيفة . هذا سلوك نفاقي ولا يستخق الاحترام

    1. عبارة”سجم امو “ما اظنها تحمل اية اساءة انما تعنى ان امه سوف تحزن لفقده وتعفر رأسها بالتراب او الرماد والسجم وربما تقابلها بالعربية “سوف تثكله امه “

  10. هذه لجان الفوضى والسب والشتائم عديمة الدين والأخلاق
    .
    لم يعد هناك دولة اصلا لذلك تتزايد كل يوم السلب والنهب والتفلتات والاعتداءات تحت عباءة لجان المقاومة وهي مجموعات تقودها كوادر الحزب الشيوعي تستغل المغفلين من الشباب

    1. عندك عين تتكلم يا كوز يا ورل …استحي على وشك ان كان عندك ذرة استحاء …اكتب عنوانك وخلي لجان المقاومة يجوا ينهبوك لو راجل

  11. جنرال كوز وزار كوز والزيارة منسق ومرطب لان عدد الحضور والغداء للعمل ومن واجب لجان المقاومه ان يقوم بالواجب
    شكرا لجنة مقاومه الحتانة

  12. ومن أنت حتي تتحكم في مايقوله أو يفعله الثوار…….هذا الكرسي الذي جلست عليه جاءك بعد دماء سالت غزيرةأسالها هذا الكباشي ورفاقه الخونة……قل خيرا أو فأصمت…..

  13. دا مين داأ ارادول .كرادول ولا متطبل زول؟ قال جنرال كباشي؟ ونحن نسمية كضباشي؟ طبعا بتخاف منو ؟ لانو رحلك الي جوبا ذي الطرد مع عرمان لكن شباب الثورة مابتخاف ؟جنرال دا ليك انت فهمت؟؟؟

  14. المناضل / مبارك أردول، قبيل تصريحك الأخير، الأغلبية كانوا – لحد ما – يكنون لك التقدير والاحترام، أخشى أن لا تفقد هذا التقدير والاحترام !

  15. جنرالك ذهب لمناسية اجتماعية يقدح فى مقصدها نوعية الحضور بدل يطعم و ينصرف بدا يلعب سياسة و فى ذاكرتنا تهديده للثوار عنما اطلق لسانه فى قحت فى كادوقلى امام حشد من الفلول و جاى تدافع عنه بس ما يكون من منطلق قبلية و كدا

  16. اردول زاتوا كوز او مخالط مليون حدث لعدة حالات ليه لم تقول رايك لو ما انت جزء من الهبوط الناعم هذا تنسيق للهبوط الناعم وبالصور الحضور ثانيا كباشي قاتل زول قاتل مجرم مفروض يرموا فيه احشاء الاضاحي

  17. يا اردول انتا اساساً مدير لشركة تعدين بتشجع لاستخدام الزئبق والسيانيد وبتدافع بشراسة لقيام هذه الشركات واستمراريتها… بل بتقيف ضد إرادة أهالي المناطق الرافضة لهذه الشركات التي تستخدم هذه المواد المحرمة دولياً وانت عارف وكلها في النهاية مواد قاتلة وضارة للإنسان… وعاجبك الشغل ده وقاتلت عشان ترجع للشركة بعد ما شالوك …
    عشان كده اكيد حتدافع لكباشي وغير كباشي .. ما خلاص بقيت منهم… وضربت بتاريخك النضالي عرض الحائط……
    شيء يشبهك تماماً دافعك عن الكباشي يا اردول

  18. عبدالعزيز الحلو كان على حق عندما رأى في عرمان و أردول انصاف ثوار متخازلين لا يمكن الاعتماد عليهم يلهثون لارضاء الكيزان ربما خشية و خوفا منهم.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..