أهم الأخبار والمقالات 
البرهان: سيأتي يوم سترفع فيه القوات المسلحة علم السودان في الفشقة وحلايب وجودة الفخار
قال القائد العام للقوات المسلحة عبد الفتاح البرهان، إن القوات المسلحة لن تفرط في “شبر” واحد من أراضي السودان .
و أوضح البرهان أن هنالك جهات تسعى للنيل من وحدة البلاد جاء ذلك في خطاب له صباح اليوم بمنطقة وادي سيدنا العسكرية و أشار إلى أنهم لن يتركوا حقهم و لن ينسوه .
وأرسل البرهان تحياته للجنود في كل حدود السودان و أضاف مخاطباً القوات “نحن معاكم لغاية ما يجي زول يوم من القوات المسلحة يرفع علم السودان في الفشقة الكبرى والصغرى وحلايب وجودة الفخار في كل مكان فيه مشكلة وسوداننا فارض سيطرته على كل أصقاع السودان” .
الجيش اذا كان جيش حقيقي و وطني اول شييي كان يمشي تفاوض المرحلة الاولي تفاوض حقيقي في الاراضي المتحلة ((في الشقة وحلايب )) قبل كل شييي علشان الشعب يقف معه قبل كل شييي الجلوس علي تفاوض في سد النهضة هذه هي الحقيقة التي يعرفها كل الشعب السوداني
غير كدا مافي اتفاقات تبرم مع الأشقاء الاثيويبين او المصريين
هذا الكلام موجه للقادة العامة القوات المسلحة
الاراضي محتله والشعب جيعان والكل يعلم هذا ياسيد البرهان
كمان!!!!!!!!!!! يعني في منطقة اسمها جودة الفخار محتلة؟؟؟، يا ربي دي الاحتلها منو كمان؟؟؟ اوع تشاد ولا افريقيا الوسطى ولا جنوب السودان ياهم جيرانا الفاضلين وما احتلوا ليهم مكان يلحقوا يحتلوا لانو عندنا حيش بتاع حرامية بكابسوا في القروش والاستثمارات ويكذبوا علنا وفلاحتهم علي شعبهم العزل فقط اما الجنجويد فبدوهم تعظيم سلام واما المحتلين فبرضو تعظيم سلام تعظيم برهان للسيسي سيدو
خلينا من جودة الفخار دي ما اتخدت بالقوة و الجنوب كلو راح. خلينا في حلايب بس و نحن أولاد الليلة.
يا زول انت فاكة منك؟ ماشفت الزول المحتل حلايب اخد التحية العسكرية؟
وانتو ما رجال!؟ والا عندكم حيض؟
سلام يا أبو جلمبو
كنداكة واحدة ولا كل الجيوش القاتلة أمام قيادتهم
واضح انك لا تعنى الاساءة للنساء لكن العبارة الانت كتبتها فيها تحقير للمرأة
منتظرين شنو يا برهان ؟ و اليوم ده متين ؟ و لا هو كلام و السلام…ده شغلكم و شغل الفاقد التربوى العايشين على دم الشعب السودانى ……دافعوا عن الوطن البيتاكل من اطرافو بدل الشعارات الفارغه دى….انتو فاضين من التجاره و السياسه…و لا فاضين من التامر على شعب السودان يا رمم.
تحت قيادتك سوف ترفع مصر علمها في ربك والدمازين وبابنوسة
طالما عينتك دي موجوده هذا حلم صعب المنال…أنتم تجار يا سيد برهان ، لا دخل لكم بالجندية فهي تضحية و فداء ، أين أنتم من التضحية و الفداء…إذهب إلى رفقائك عمر زين العابدين و ميرغني إدريس (كان بنفعوك) ، أو أقول ليك إنتظر شوية عشان تعرف باقي التعليمات من بن زايد و دحلان.
بالجد يا حليل الجيش السوداني
السواي ما حداث
يجي زول يوم يرفع علم القوات المسلحه؟؟؟؟؟
يعني ما انت؟؟؟؟
🤣🤣🤣🤣🤣🤣🤣🤣
السلاح راجين بيه يوم ادروب الاسود؟
طيب منتظرين شنو سعادتك
خلينا من اللحوم والدقيق وركز لينا سعادةك في موضوع استرداد الاراضى المحتلة
انشالله ذلك على الله هين.. يحيا الوطن
خلينا من الكلام الكثير الذى اديلتبه يا برهان بس خلينا فى نقطتين فقط .اولا حلايب والفشقة وانكم سوف ترفعون العلم السودانى .يا اخى للاسف كلامك مردود عليك والله فى عهدكم لن يتم ذلك واخشى ما اخشى ان نفقد مدن اخرى مادمت تتاجرون فى الدقيق والسكر والمواد البتروليه .واعتقد المؤسسه العسكريه فقدت هيبتها .
النقطة الثانية . انت قلت فشلنا او مجلس الوزاء وللاسف انت رئيس المجلس السيادى وللاسف انت عنوان الفشل باعتبارك رئيس المجلس السيادى
سلم ال 88% من الشركات التى بعهده الاجهزة الامنية لوزارة المالية . اما قصه تانى انقلاب على الثوره اعتقد هذا من سابع المستحيلات فدع التاريخ يذكرك انك كنت ايجابى اما ان نتحدث عن بطولات زائفة هذا الوقت انتهى يا عزيزى البرهان
مهما استخدمت من عبارات مهيجة للعواطف، فإن دورك المعوق للانتقال حكم مدني وفي ازالة التمكين ظاهر وبين، لكن عليك أن تعلم أنه لا عودة لحكم الكيزان أو حكم عسكر، فقد قالت الثورة كلمتها وستستمر شعلتها متقدة تحرق وتكتسح كل المعوقات أمامها.
الذي تتحدث عنه من تحرير هذه المناطق، حتى جودة التي لم نسمع عنها من قبل، هو من صميم واجبات أي جيش وطني وليس جيشا تاجرا ينهب أموال ومقدرات البلاد لصالح حزب الكيزان.
# هههههه…وكان نائما ثم جلس..وقام وقال:- نحن بتاعين البيزنس…اما حلايب وشلاتين..والفشقة..وجودة الفخار.. ما فاضي ليهم…ومنتظرين لغاية ما يجي زول من القوات المسلحة ويرفع العلم فيهم!!!
# لاول مرة يصدق البرطمان…ويظهر حقيقة خداع المكون العسكري!!!
# اصحي يا ترس…انكشف المستور..لم تسقط بعد!!!
حلايب و شلاتين لن ترجع مثلها زي حلفا القديمة. .المصريين عمروا حلايب و شلاتين ليها ووصلوا ليها الكهرباء من الطاقة الشمسية دا غير المزارع و المصانع و المدارس و المطار و الطرق المرصوفة و أدوا السكان بطاقات هويه مصرية و عندهم نائب في مجلس الشعب. .نحن بصراحة شعب كسول بتاع كلام و بس ..حنبنيهوا و ح نرفع العلم و غيرها من الخزعبلات..ليس لدينا حس وطني و لا استقرار سياسي ..أحزاب فاشلة لا هم لها المكايدة لبعضها البعض و اللهث وراء الكراسي و جيش مسيس غير وطني هو الآخر يكيد للحكومة الانتقالية و يصفها بالفاشلة و هو شريك فيها بالنص..و حركات مسلحة غير وطنية و أنانية غير مبالية باوجاع و هموم من تدعي أنها تمثلهم. .و في ظل هذا الانشغال بتوافه الامور يتسلل أعداء الوطن ليسرقوا الوطن و نحن ننظر إليهم..ثوبوا الي رشدكم أيها السودانيين و توحدوا علي كلمة سواء لينصلح حالنا و نلحق بركب الأمم
لمن تحرروها ان دا حصل يكون المصريين ما خلوها فيها معادن
كذاب هاديك حلايب والفشقة حرروها ياتجار الدولار؟ انت عارف شباب الثور ة لو ذهبو للفشقة وحلايب سيحروها بس ادونا الاسلحه يااصحاب الكروش ذي الحوامل؟؟؟؟
من هم الفاشلون يابرهان, أنت عنوان الفشل, لانك وصلت لاعلي في الجيش وأنت غير ملم باساسيات قواعد تفتيش حرس الشرف, يوم أن أشار عليك الرئيس الالماني للسير معه امام حرس الشرف وليس خلفه, كيف تخريجك كضابط من الكليه الحربيه وأصغر جندي في جيشنا يعرف قواعد تفتيش حرس الشرف , والله صحيح رمتني بدائها وانسلت.
دا كلام قائد؟ لحدي ما يجي زول يوم يحرر حلايب و الشفقة (و التالتة الظهرت لينا الليلة دي، لسة ما عرفنا اسمها كويس)؟ يعني انت ما فيك عشم؟ خسئت يا رجل!!!