أخبار السودان

الصادق المهدي: خروجي بعجلة من أم درمان إلى الخرطوم تسبّب في اعتقالي

قال رئيس حزب الأمة القومي الصادق المهدي عن أنّ خروجه من مخبئه بأم درمان لمنزل شقيقه بالخرطوم بـ”عجلة” أدّى إلى اعتقاله في الخامس من يوليو 1989 وترحيله لسجن كوبر.

وقال المهدي في تصريحاتٍ لصحيفة المواكب الصادرة اليوم”الأحد”، إنّ القوات التي وصلت إلى منزله بأم درمان طوّقت المكان”كأنما أغشي عليهم فلم يعترضني أحد”.

محتوى إعلاني

‫13 تعليقات

  1. يا بليد كانوا شايفنك والله بس عايزنك تهرب ويقبضوك تانى ويذلوك يقولوا ده رئيس الوزراء البقول شرعي هرب بكل جبن وانت بلعت الطعم يا بليد قال كأنما اغشي عليهم 😂😂😂😂😂😂نفس كذب جدك عايز تدعي المعجزات والكرامات

  2. اقتباس
    وقال المهدي في تصريحاتٍ لصحيفة المواكب الصادرة اليوم”الأحد”، إنّ القوات التي وصلت إلى منزله بأم درمان طوّقت المكان”كأنما أغشي عليهم فلم يعترضني أحد”.

    انا اصدقك CD الامام فانت ذو قدرات فوق قدرات البشر العاديين….(ناس قريعتى راحت زينا كده؟)
    محمى من الله تعالى……..
    البلد دى مافيها إختصاصيى علل بشرية ونفسانية يااااربى؟!

  3. قولها يالصادق صريحة انت قلت الكثير ما بقت على دي ((((( كأنما أغشي عليهم فلم يعترضني أحد)))))

  4. يا اريت لوكان قبضوك يا اخي بطل كذب انت عارف الانقلاب من الالف الي الياء.اسكت بلاش نفاق فاكر نفسك كان معاك ابوبكر الصديق وعلي كرم الله وجهه نايم في السرير انابة عنك. ياو الفحل وقف الكلام الفارغ الورثتوا من آل السراج.

  5. كان لا يقبضوك و لا شيء يعني كنت حتعمل شنو ما اهو طلعت من السودان و رجعت تشكر فيهم تاني و جلدنا ما بنجر فيهو الشوك و غيره و تم تكريمك من البشير و لف ليك الشال حول رقبتك بلا كلام فارغ معاك انت اكبر مصيبة حلت بالسودان في تاريخه ربنا ياخدك وونرتاح منك

    1. كلامك صاح ،،،، لم يحافظ علي الامانة الاعطاها ليهو الشعب السوداني بروحه و دمه لو وقف وقفة رجال ضد انقلاب نسيبو الهالك الترابي الحاصل الان في السودان دا كلو ما كان حصل ،،، ما وقف زي الليندي حتي الموت يدافع عن امانة الشعب التشيلي و لا وقف زي اردوغان حتي اسقط الانقلاب العسكري في تركيا ،،،، ياخي الصادق ود الفحل دا خازوق كبير ركب في الشعب السوداني ،،،، علي الشعب عدم تجريب المجرب و الا حاقت به الندامة ،،،، المرة دي ليوم يبعثون ،،،، الغريبة الان بتحالف مع بقايا نسيبه الهالك الموتمر الشغبي ،،،،

  6. ما انتوا الثلاثة متآمرين الترابي ذهب للسجن حبيساً و البشير ذهب للقصر رئيساً وانت اذهب لبيت شقيقك راكباً دراجة و حالق دقنك وشنبك. ثم يتم القبض عليك بعد ايام ثم يرسلوك في مسرحية تهتدون لكسر المعارضة.

  7. الصادق المهدي: خروجي بعجلة من أم درمان إلى الخرطوم تسبّب في اعتقالي؟؟؟؟ يعني ما جاك خبر عن الانقلاب قبل ايام من وقوعه هههههههه أفلام ود الفحل الهندية

  8. دي علي مين طبختوها … اسيبك الترابي الي السجن حبيسا.. والبشير الي القصر … وانت هربت بزينه وبوخة لزوم خدعه الشعب والدليل رجعوا ولدك و كرمك بدرع وروش دولاريه …يجب يضيفوك الي ناس الانقلاب خزلت الشعب الفوضك واتفقت ليلا مع الكيزان… واليوم انت متفق مع الكيزان وكثيرا صرحوا بان الامه وجه للكيزان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..