الحكومة: علاقتنا مع إسرائيل ما زالت خاضعة للنقاش و”سنفعل ما تمليه علينا مصالحنا”

التطبيع رفع الدعم إزالة السودان من قائمة الإرهاب شبعنا أعذار و مبرارت تلقى المسؤلية على الغير والظروف هروبا من غياب برنامج واضح لحكومة الفترة الانتقالية. الحل في استجلاب خبراء اجانب من الخارج لإدارة البلاد بعد ما قنعنا من خيرا في قدرات السودانيين على حكم البلاد ومن الأفضل يشوفو ليهم شغلة تانية. ولا يفتحون المجال أمام السودانيين يشوفو ليهم بلد تانية بدل هذه المقبرة المسمى دولة. وجعتو قلبنا يا وهم.

اللف و الدوران فى شنو يا حكومه حمدوك…؟؟
قال علاقتنا مع إسرائيل ما زالت خاضعه للنقاش …. يا زول اسمع الكلام ده انحنا ما عبط و ما بنفهم … وين النقاش ده وين مؤتمر ولا ندوه ولا كلام مسؤول فيهو حبه نقاش شنو الافكار المطروحه للنقاش وهو فيه غير خيار وقع ولا ما توقع

بعدين عاملين فيها حريفين ندوخ الشعب ده نودى كده و كده لانه قبل يومين حميدتى قال مافى تطبيع فيه علاقات بس ..طيب يبقى واحد فيكم كضاب . ولو زنقناك اكتر من كده حتقول حميدتى ده ما إختصاصوا و رغم كده فيه نقاش فى الموضوع.

الموضوع واضح لو السودان قال للعرب يا جماعه يلا نحاربم حيقولوا ليك اليوم خمر و غدا أمر تجيهم تانى يوم يقولو ليك انتظر نحنا لسع ما سكرنا كويس. يعنى بالبلدى الناس ديل عملوا هانداب زماااان . يبقى العاوزين يحاربوا بنى يعقوب هم الاخوان المسلمين و توابعهم من الدواعش و السلفيين و من ناحيه اخرى حزب الله .اها ديل عاوز تجرى وراهم يا سودان ده هو مربط الفرس بين الرفع من قائمه الارهاب و التطبيع او زى ما قال حميدتى علاقات مع اسرائيل عشان كده سياتك ما تعمل لينا مسرحيه عدم ربط ده بى ده .

يا حكومه حمدوك خليكم على قدر المسؤليه شويه الشعب ده ما الشعب بتاع الستينات غير كده البلد دى بتروح فى ستين داهيه.