الخرطوم: آيات فضل
أقرّ المتهم أحمد الضي بشارة، ببث مقاطع فيديو وتسجيل صوتي، يواجه من خلالها تهماً تتعلق بتقويض النظام الدستوري وتعريض أمن البلاد ووحدتها للخطر وإشانة السمعة، بجانب مخالفته لمواد أخرى من القانون الجنائي.
ومثل المتهم الضي امس الأربعاء، أمام محكمة جنايات الخرطوم شمال، في الجلسة الثانية لمحاكمته في البلاغ المقيّد ضده بقسم شرطة الخرطوم شمال، أمام القاضي حامد صالح ويواجه المتهم تهماً تصل عقوبتها للإعدام أو السجن المؤبد والمتعلقة بتقويض النظام الدستوري بالبلاد، وإفشاء المعلومات العسكرية، والتحريض على الهروب من الخدمة العسكرية وإيواء الهاربين والتحريض على التمرد وإثارة الشعور بالتذمر وسط القوات النظامية والتحريض على ارتكاب ما يخل بالنظام.
واستمتعت المحكمة إلى إفادات المتحري في القضية ملازم أول شرطة نجم الدين الحسن، فيما أقر المتهم ببثه مقاطع الفيديو (لايفات) على صفحته بوسائط التواصل الاجتماعي، وقال إنه كان يهدف منها إلى النصح والإصلاح.
وطلبت ممثل الدفاع عن المتهم رنا عبد الغفار عبد الحليم، من المحكمة مشاهدة مقاطع الفيديو مثار الاتهام واستجابت لها المحكمة، قبل أن يطلب الاتهام انتداب خبير من الأدلة الجنائية لمشاهدة مقاطع الفيديو وعددها (14) مقطعا.
وكانت شرطة قسم المهندسين قد ألقت القبض على المتهم أحمد الضي بشارة، بعد أن أخفى نفسه منذ صدور أمر القبض عليه في البلاغات المقيّده ضده. ووافق القاضي على طلب الدفاع عن المتهم في الجلسة الأولى، بحضور ممثل لنيابة الجرائم الموجهة ضد الدولة، باعتبارها الجهة المختصة، حسب مواد الاتهام .
السوداني
🤣 الماعندو ضهر في البلد دي بتضرب في قفاه كبار عتاة الإجرام والاباده ونهب المال العام يأجلون في محاكماتهم منذ السنه الفائته بمليون حجه ويعاملون معاملة الملوك بينما هذا الضي تكال له التهم من كل اتجاه لم يدعوا تهمه الا وكالوها له لم يبقى الا تحريضه على الفتنه بين سكان كوكب المريخ والزهره. هذه السرعة الكبيره في المحاكمه تؤكد ان لايفاته أصابت اللحم الحي ومايحدث مجرد تشفي وانتقام وليس مسار لعداله
المسألةما مسألة ضهر .. وكل قضية لها ظروفها وتعقيداتها وادلتها وووالخ .. وقضية الواحد غير قضية المجموعة وقضية الزول الكبير وصاحب المنصب غير قضية الهمباتي العنقالي ساكت.. وصاحب المنصب بكون حريص وعارف دروب الزوغان من ساعة ارتكاب الجرم..
وصاحب المنصب بكون عامل جريمة وجناية من البداية وعامل حسابو .. اما زي اخونا احمد الضي بكون على نياته وقصده الاصلاح وبتكلم بحماس وثورية عشان كده بقع في الخطأ من غير ما يقصد يعنى ما عندو نية اجرام زي اصحابنا الذين يقتلون النفوس المؤودة ثم يخرجون منها زي الشعرةمن العجين.
لكن ان شاء الله اخونا احمد ا لضي نياته سوف يخرجنه من هذه القضية ..
ولو مؤسسات العدل ضعيفة ولم تستطيع القبض ومحاكمة المجرمين الكبار يتركون المجرمين الصغار ده منطق شنو ده العدالة التقدره تحاكموا اليوم تحاكمو والما تقدر تنظر الوقت المناسب زي ما فعلت مع الكيزان اللصوص الحرامية يعني مافي واحد ينجوا من الحساب طال الزمن او قصر
ولو مؤسسات العدل ضعيفة ولم تستطيع القبض ومحاكمة المجرمين الكبار يتركون المجرمين الصغار يسرحون ويمرحون ده منطق شنو ده العدالة التقدر عليه تحاكموا اليوم والما تقدر تنتظر الوقت المناسب زي ما فعلت مع الكيزان اللصوص الحرامية يعني مافي واحد ينجوا من الحساب طال الزمن او قصر وكل واحد له وقته المناسب.
بلا ضهر بلا قطر الزول ده بتاع فتن امشي شوف لايفاته. خلي يتأدب وبالقانون
الذين افشوا المعلومات العسكرية هم الذين سمحوا للمحتل بإقامة مناورات عسكرية علي الأراضي السودانية وهم مسبقا يدركون انه يحتل جزء عزيز من أرض الوطن .
وين المقاومة التحارب في المنطقة المحتلة ديل ما صدقوا ياكلوا في الدجاج والفراولة وتجارتهم ماشة المشكلة فينا نحن المرهونين لسا بالفاشلين أمثالكم دي ما حقيقة
العمالة الزيك هي المضيعة البلاد حلايب سودانية وسوف تظل سودانية في قلب كل شريف من أبناء هذا الوطن لأنها ملك لأجيال قادمة وليست لأمثالك.
المناورات العسكرية المشتركة دى فى العالم كلو , وكل الدول تعمل مناورات مشتركة , واخر مناورات كانت بين مصر والسعودية , وكانت فى مناورات سابقة بين مصر والامارات , وفى مناورات بين دول الخليج مشتركة سنوية , بس لانو عايزين طريقة تقدمواجرعات الاساءة للجيش وفق تعليمات العملاء وانتو شغالين ليهم بدون الواحد فيكم ما يشعر ..
ما هي هذه الأسرار العسكرية؟ هل كشف أو تصوير جنجويد يقتلون أو يضربون أو يغتصبون هو افشاء أسرار عسكرية؟
القانون على المسكين فقط،لماذا لم تحكمها على المجرمين الذين دمرته البلاد على اكملها!
القانون لايحمى المغفلين ولاتوجد فى القانون حاجه اسمها نياته وما كان يقصد ما كان يتحدث ويتفوه به احمد الضى جرم واضح ونوع من التحريض
واثارة الفتنه ضد الدوله والقوات النظاميه ان كان حديثه فى جلسات او على الشارع مع اصدقائه فلاحرج فى ذلك انا ان يتحدث فى منبر اعلامى على
الملاء ويشاهده كل العالم فهذا هو الجرم بعينه وهنا تقع المساءلة والقانون لايحمى هذه الجريمه
والله الموضوع ظاهر دا استهداف للثورة ولي الثوارة اي مقاطع بتكلمو عنها واي مساس بدولة وين هي الدولة
ديل م عندهم موضوع خلي يشوف الناس النهبو الدولة عديييييل عينك ي تاجر م مسوها ساي ديل اقتصبوها
اقتصاب في وضح النهار وامام الملا.
ي دنيا فيك السلام وعليك السلام.
احمد الضي بفتكر نفسه هو الذي فجر ثورة ديسمبر لوحده ويتكلم ويهاجم زي ماعايز وهذا خطأ لابد ان تقدر لرجلك موضعها حتي لاتقع في المحظور والنيه وحسن السجيه هذه الاشياء لايعتبرها القانون اداة دفاع لذلك حقو الواحد يوزن كلامه قبل ما يتكلم. وممكن تكون المعلومات غير صحيحة وممكن تكون صحيحة ولكن يلزم عدم الاباحة بها لذلك كان للاخ احمد الضي ان يوزن كلامه ويوزن مايقول.
المتهم احمد الضي بشاره لمن لا يعرفه
اول من جلس مع المجلس العسكري اللجنه الامنيه للمخلوع سابقا بعد فض الاعتصام باعتباره حاضنه بديله لقوى اعلان الحريه والتغير بعد تتصل العسكر من الاتفاق للتحول الديمقراطي…
اول من قاد موكب ضد الاتفاقية ومبادر ابي احمد للسفارة الاثيوبيه لخلف الفتنه.
اول من أشعل العنصريه والجهويه بحديثه عن الشريط النيلي والجلابه والزوقه والعروبه من مايو موثق.
مريض انتهازي متسلق. كان جزء ممن روج للادارات الاهليه كخاضنه بديله.
وأمثاله كثر..
القانون لا يخدم المغفلين..
سؤال بريء الزول ده دكتورا في الاقتصاد والعلوم السياسية ووووو. ام زول عنقالي كان كل طموحه كان ان ان يصبح معلق رياضي.
القانون ياخذ مجرأه حتى يتأدب
أحييك… عليك الله وريهم. يبدو أن الشعب السوداني ذاكرتو خربة ذي ما وصفو قبل كدة المقبور الترابي عليه لعنة الله.
اردم عفيت منك انت زول نصيحة جدجد
النيابة والادعاء الظاهر عندهم خلط في الشخصيات بين المدني الناشط السياسي احمد الضي والفريق طه عثمان الحسين اعتقد ان النيابة كانت تنوي ارسال مذكرة عبر الانتربول باسم الفريق طه عثمان الحسين وعندما لم تجد ظرف فارغ اعتقلت احمد الضي
نبدا بتاعت المالية الافشت سر النفق وتتحاكم بافشاء معلومات ولجنة تفكيك التمكين النسخو معلومات من مؤسسات السودان وودوها وين مامعروف وقال اتسرقت منهم ….وقيسو علي كدا
للاسف ما زالت عمليات التوظيف السياسي للقانون …مستمرة
ما هي الاسرار العسكرية التي افشاها ؟؟ طبعا لن يذكروها !!
من أين حصل على هذه اأسرار؟؟
ألم يقم حمدوك بافشاء أسرار للامم المتحدة لما طلب البعثة الاممية؟
وين مدير المخابرات لسابق , الذي يعيض الان في الخارج و معه كل الاسرار !!!!!!
في عسكري في السودان يقدر يعمل كدا نحن ناس الدفاع الشعبي هرمنا. شوفوا الوهابيين درسونا عن الحروب بس ومنعونا من النساء يعني لوايطة المصريين جابوا الإخوان المسلمين وجندوا الإعلام يعني متشككين وأهل ريبة الجيش السوداني عمل العليو تصرف بحكمة وتصرف. نحن ناس الدفاع الشعبي هرمنا بس ما بنحارب نحارب منو ولشنو وما بندعو ندعو منو ولشنو وعندنا شنو لمن نقول ان وزارة التربية والتعليم فيها خيانة ودا السبب الادا للحصول يعني وزارة التربية والتعليم خانت امشي شوفوا الأستاذة البيعرسوا وغير منطقة تفكيرهم وهمهم التومة وبس عشان كدا البيتو من جزاز ما يرمي الناس بالحجر ودا طرفي منكم
الرحاله ما فهمت حاجه !!!!!!!!!!!