أخبار مختارة

عقار يكشف المثير.. لهذه الأسباب تسبب المخلوع وعلى عثمان ونافع وهارون في تقسيم السودان

الخرطوم: الراكوبة

كشف رئيس الحركة الشعبية شمال مالك عقار, عن تفاصيل دقيقة بشأن حياكة الرئيس المخلوع عمر البشير ونائبه الأول الأسبق على عثمان محمد طه, والقيادي نافع علي نافع, والقيادي بالنظام البائد أحمد هارون لسيناريو رفض محكم, بشأن في تقسيم السودان وانفصال الجنوب.

وأعلن عقار, في برنامج “البناء الوطني” بالتلفزيون القومي مساء السبت, عن طلب لافت, بإجراء مناظرة امام الشعب, مع الأربعة لتبيين وقائع حقيقة ومثيرة حول تقسيم السودان بـ”الأدلة”.

وأضاف ” أريد مقابلة معهم أمام الشعب حول تقسيم السودان وبالأدلة”.

ونبه عقار, إلى أن أبرز الأدلة حول دورهم في القسيم حدثت على هامش اجتماعات للجمعية العمومية للأمم المتحدة سابقاً بعد جمع الرئيس سلفا كير ميارديت والنائب الأول على عثمان محمد طه.

واستكمل “جمعتهما لكيفية بحث ومعالجة الفترة الانتقالية, والوحدة, وتقسيم الثروة, وطورنا لجان للعمل سوياً, ووصضعنا برنامج اقتصادي وبرنامج للهوية وموضوع الدين والدولة”.

وأتم عقار” هذه البرامج كانت تتطلب تمديد الفترة الانتقالية”.

وذكر إن عقب ذلك, جلس مع الرئيس سلفا كير, وقيادات جنوبية, وقبلوا بالمشروع, وطالبوا بإعلان واحد عن من يلتزم بتنفيذه من الحكومة المركزية في الخرطوم انذاك.

وأضاف: ” كانوا يرغبون في في رد إيجابي وواضح حول الأمور تلك, كدنا ننجح فيها, كانوا يرغبون في الحصول على ردود إيجابية واضحة بشأن المشروع التنموي في الجنوب حتى يلحق بالشمال”.

ونوه عقار, إلى بعد 13 جولة تفاوض, عرض الأسئلة على الرئيس المخلوع والمجموعة في الخرطوم, وأجابني المخلوع: “سنديره نحن”.

وأضاف ” قلت له إن الموارد الجنوبية 52% كم ستمنح الجنوبيين منها, رد بإجابة سالبة وغير متوقعة, تالياً قلت له أطلب منهم تحديد نسبة بمكن منحها للمركز, افشلوا ذلك المخلوع وعلى وهارونو نافع”.   

في سياق آخر, قال عقار, إنه بذل مجهودا ضخما جدا مع القائد عبد العزيز الحلو, بشأن مطالبه حول تقرير المصير.

وتابع قائلاً” الحلو لديه مطالب نحن نختلف حولها, وموقفي واضح ومعلن بشأنها لكن بذلت مجهودا ضخما جدا معه”.

‫8 تعليقات

  1. الموضوع بسيط جدا نخط النقط على الحروف نحنا جينا من جهة الغرب المغرب من زمان في ناس طرش بحر طرشوهم ليكم هنا ومع رحلة الشتاء والصيف وكأس العالم سارت الأمور بالنسبة للعايزين يضمونا لمصر أصحاب الثقافة والناس القيافة هنا ما عندنا نيل بنشرب من البحر بالنسبة للحاقرين باللون. اللون من وين منكم لا فما ترجعوا لورا عندكم مصالح عايزين تتقاسموا الكعكة سالنكم لا ادينكم درس تاريخ وبس عشان لمن تجوا تتكلموا بعدين تكونوا حافظين التاريخ كويس لماذا غزا محمد علي باشا السودان من أجل الرجال وايه. دي نسيتها في حاجة تانية. المتذكرها الرجال. يعني البادي أظلم. نحن مغاربة لا أتراك لا مصريين لا حلب لا خواجات لا غيرو. مغاربة.
    عندكم في الجزيرة حلة المغاربة بتعرفوا المغاربة حق المعرفة واتزواجنا في السودان وانا شخصيا ما عندي اي أطماع بس باطمع في كرمكم التاريخ بعدين ما تلعبوا فيه. عشان عندنا سمعة. 🙂

    1. امريكا تضم مختلف الاعراق والأجناس،،سكانها من كل أصقاع الدنيا ،،والناس عايشة،،،،بالقانون،،،بعدين ياخ مناظرة شنو وقرف شنو ،،،،المخلوع وأتباعه ماض اسود كريه،،لا رغبة للناس في نبشه،،حتى محاكمتهم لا يشاهدها الشعب،،ولا يهتم بها ،،الناس عايزة تسمع تنفيذ أحكام،،واستعادة اموال،،وكدا،،من الاخر شيل السخف دا من دماغك ،،الحصل حصل ،،ركز في المستقبل..فكنا من السيرة النجسة.

  2. شوف التور ده انت عايزين يطلعوهم ليك من السجن عشان تناظرهم انت؟؟؟ وانت جملة مفيدة واحدة ما قادر تقولها بعدين تعال هنا يا عقار يا جنرال الحرب انت مش كنت بتفاوض في المجرمين ديل ايام الشباب بتموت وبتسحل في المظاهرات؟؟؟؟
    ما يعرف بسلام جوبا اكبر خازوق للثورة

  3. نعم المخلوع وهارون ونافع وعلي عثمان تسببوا في فصل الجنوب لكن ما دورك أنت يا عقار وعرمان ومنصور خالد والحلو في الحفاظ علي وحدة البلاد وأنتم جزء أصيل في الحركة الشعبية لماذا وافقتم علي انسحاب عرمان من الانتخابات لأن الانسحاب الذي كان صفقة بين الانفصاليين مع نظام المخلوع حتي ينفرد بالسلطة مقابل فصل جزء من البلاد لذلك الانفصاليين أستخدموكم لخدمة أجندتهم وأنتم كمبارس ليس الا والآن تريد أقناع الشعب السوداني ليس لكن دور سلبي في الانفصال ؟؟؟؟ انتم في الجرم والشعب السوداني ليس بهذه السزاجة حتي تفترضوا فيه الغباء؟؟؟؟؟؟؟؟؟؟

  4. ” أريد مقابلة معهم أمام الشعب حول تقسيم السودان وبالأدلة”.

    الثوريه عليك الف سلامه ” مساجين يعملوت مناظره , كيزان مجرمين قتله نعمل مصالحه , شيخ هالك وكذاب نمشي السجن وانت الي القصر يزوره بتاع العدل الشعبي ياناس الثوريه الشعب اوعي مماتظنون وانتم من العصر الحجري عايزين تاهيل

    و

  5. ” أريد مقابلة معهم أمام الشعب حول تقسيم السودان وبالأدلة”. لشنو يعني؟؟؟ ما الشعب عارف الموضوع ده،،، بل ان تقسيم السودان هو اقل جريمة ارتكبها هؤلاء الاوباش! خليك مستريح يا هناي ،،، لانك انت زاتك وبش معاهم ،،، الناس دي ما قادرة تلتحق بعقلية شباب الثورة الموضوع صعب يعني؟؟ نحن عاوزين سودان جديد، عقار و ياسر عرمان ما عارفهم كانوا مع جون قرنق كيف و ما تعلموا منه شئ ،،، لا تهادن يا رجل ،،، عبدالعزيز الحلو ارجل سوداني و عنده قضية و هو من سينتصر في الآخر.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..