الخرطوم : رحاب فريني
شكا عدد من المزارعين بولاية القضارف، من ندرة العمالة لحصاد محاصيل العروة الصيفية، وارتفاع أسعار العمالة، مناشدين بـ(السماح للاجئين الإثيوبيين) للعمل في المشاريع حتى يستطيع المزارعون إكمال عمليات الحصاد .
وأكد المزارع بولاية القضارف وليد حسن علي، وجود مشكلة في العمالة، وقال لـ(السوداني) ان العمال يطالبون المزارعين بمبالغ تفوق إنتاج المربوع إن تم حصاده، موضحا ان عددا من المزارعين أوقفوا عمليات الحصاد وهم في (حيرة من أمرهم.
وأضاف: “استمرار هذا الوضع سيؤدي إلى (فاقد بالإنتاج ليس بالقليل) ربما يلحق الضرر بالمزارع ويفقد الدولة ناتجا قوميا”،
وعزا المزارع بولاية القضارف معاوية الزين، ندرة العمالة الى الأحداث الأخيرة في منطقة (الفشقة والحروب) في الجارة اثيوبيا، مؤكدا ارتفاع أسعار العمالة، مضيفا ان هناك (غلاء طاحن) في اسعار الغذاء والوجبات التي يقدمها المزارع (مجانا للعمال) ، إضافة إلى أن تكلفة الحصاد تشكل (عبئا على المزارعين) ، مناشدا الجهات المختصة بالسماح للاجئين الاثيوبيين للعمل في المشاريع حتى يستطيع المزارعون إكمال حصاد محاصيلهم ، لافتا الى ان المزارعين لديهم التزامات مالية لجهات عدة، عليهم سدادها في نهاية الشهر الحالي.
فيما اشار المزارع بولاية القضارف احمد سعد، الى ان سوق (جنقرة) سوق العمال (لا توجد به عمالة) ، مناشدا بتشكيل لجنة لمتابعة فتح قلابات لعمال وفق الضوابط.
السوداني
يا جماعة الخـيـر انـتـو عائـشين وين ؟ ؟ الآن اصبحت الزراعة وتوابعها من اسهل الأعمال . حـيث تـوجـد ماكـينات لـفـلاحة الأرض وزراعة الـبـذور فى الأرض والقيام بعملية الحـصاد . باخـتصار كل مشروع الجـزيرة يمكن لـعشرة عـمال يقودون هذه الجـرارات باداء عملية فلاحة الأرض وزراعتها وحصادها فى فترة اسبوع بالـكـثير . ادخـلوا فى موقع الـيـوتـيـوب ” you tube ” وسوف تشاهدون العجب العجاب والفرق الكبير بين العالم ونحن . دلوقت مصنع سيارات ينتج خمسمائة سيارة فى اليوم ويـديره حوالى 10 عمال . خلاص انتهى عـهـد العـمل الـيـدوى . الآن اصبح كل شئ بالماكينات . اين دور البنك الزراعى ؟ ؟ لماذا لا يستورد هذه الجرارات ؟ ؟
السيد وليد حسن على كلامك ده ما تمام قبل شهرين كنتوا بتقولوا الحبش ديل محتلين اراضينا و عصابات الشفته تاعبننا خالص تخى هسع تقول عاوزنهم يحصدوا لينا المحصول لانه عمالنا بيكلفوا قروش كتيره و معاهم مافى ربح كلام بليد اها الحبشى اللاجئ من الحرب فى بلدوا حصد ليك المشروع بقروش شويه و إنت ربحت و مليت جيبك اها كده قول لينا العمال اولاد بلدك الطردتهم ديل يعملوا شنو مظاهرات و عصابات نقرز ولا يمشوا لى الدعم السريع مره مرتين صفا إنتباه لى حميدتى و يرجعوا ليك ينخسوك الليل و النهار .نوعكم ده المضيع سياده البلد
انتو رمم كالعادة والحكومة برضو ارمم منكم، عايزين اللاجئين الكانو بيسرقو وينهبو فيكم يحصدو ليكم؟ بعد شوية تعالو ابكو على ارضكم لما الإثيوبيين يقولو بقت ملكهم.