المقدّم حسن حسين عثمان قائد انقلاب 5 سبتمبر 1975م

يا ابو شرا حرام عليك الراجل من الابيض ومن قبيلة اسمها بني منصور واعرف شقيقته تسكن بامبدة من اين جئت بهذه المعلومة؟؟؟؟

يا اخوى دا من الابيض واخوه العميد عثمان حسين عثمان كان فى يوما ما مرشح لحاكم اقليم كردفان فهو كردفانى اصيل ربنا يرحمه.

يايحي ويا أبو شرا الراجل دا من الأبيض وقبيلتو إسمها جلابة هوارة وهو حفيد القاضي عربي المشهور في الابيض وعندهم مسجد القاضي عربي بالابيض وعلي ما اعتقد هم ابناء عمومة الأستاذ الجليل محمد عثمان الصلحي الذي درس الاجيال بالمتوسطة في ذلك الوقت وايضا الكاريكتارست الصلحي ووالدتة قبل سنين قلائل كانت عايشة بالأبيض ولكن توفيت مع إبنتها ببورتسودان وما زال بيتهم موجود بالأبيض الحي البريطاني المسمي بحي النصر الآن وهم من أعيان مدينة الأبيض وأعرق الأسر بها ويعتبر من الإسلامييين الأوائل ….. الا المحيرني لحد الآن ما كرموة ولا كرموا أسرتو في زمن الإنغاذ ليه؟ مع إنو إسلامي معروف ولايشق لة غبار..

أها رجعنا تاني دا من رفاعة ؟ لا دا من الأبيض ؟ لا دا من سقط لقط؟ لا دا من الواق واق ؟ لا دا من كافوري ؟؟ و الله حيرتونا يا ناس …
الإنقاذ اليومين دول مزنوقة شديد في مشكلتها مع الحركات التي دمرت ليها أكبر متحرك و بإشراف البشير و أو أبو ريالة شخصيا ؟؟ تم تدمير هذا المحرك الذي كان من المعول عليه القضاء علي الحركات و التمرد بصفة نهائية بنهاية العام المنصرم ؟؟ تجو تقولوا ما كرمت فلان و لا فلتنان ؟؟؟ الإنقاذ اليومين دول شبكتهم طاشة و خارج التغطية شوفو ليكم ليكم موضوع آخر إتسلوا بيهو حتي لو تفكروا في تدبير إعتصام أو عصيان مدني ؟؟؟؟
قوز دونقو 57

اسمه حسن حسين عثمان عربي , شقيقه الاكبر اللواء والسفير عثمان حسين مؤسس سلاح المدفعية بعطبرا وسفير السودان بالمغرب ويوغسلافيا وشقيقه الاخر هو الاداري محمود حسين (رحمهما الله) الذي كان محاقظا علي توريت الي عام 1972 عام توقيع اتفاقية اديس ايايا ومرشحا عن الحزب الاتحادي عام 1985 بالحاج يوسف وابن عم مولانا حسن اليمني عثمان قاضي قضاة السودان ايام ثورة اكتوبر 1964. جده القاضي عربي الكنين الهواري ابن بشير موسي ود البرد جد الهوارة الضكيراب ولهم مقابر تحمل اسمهم ( مفابر اولاد البرد بالابيض), قاضي سلطنة عموم دارفور وكردفان وله شارع عريض يسمي باسمه في مدينة الابيض كما له احكام شرعية مازالت تدرس في العديد من الجامعات وهو اول من بدا تعليم البنات في السودان فقد كانت حفيدته وتسمي ميمونة تقوم بتدريس بنات الامام المهدي ( راجع مذكرات بابكر بدري وعمود الاستاذة امال عباس بجريدة الصحافة )وقد شيد القاضي عربي مسجد الابيض العتيق عام 1793 فقد كان المسجد الحالي مسيدا له يدرس فيه القران والفقه والحديث ّ( راجع مجلد البروفسور عون الشريف قاسم الانساب والقبائل في السودان ) اما عن صلته بالطريقة الختمية فانه من قام بعقد نكاح مولانا محمد عثمان الميرغتي الاكبر علي الشريفة رقية بنت محمود ود جلاب من جهة بارا شمال الابيض وبذلك اصبح خليفة خلفاء الختمية بكردفان والجدير بالذكر ان احفاده ظلوا خلفاء للطريقة بكردفان الي عهد قريب وتوارثوا امامة المسجد العتيق الي العام 1976.ّ( جمعية احفاد القاضي عربي , الفيسبوك)
ابناء عمومة المقدم حسن حسين هم آل الصلحي عثمان بالعباسية ام درمان وآل مكي مدني بمدينة ود مدني وال احمد مهدي بالابيض وال عثمان عبدالله بالابيض ومازالت شقيقته الاستاذة آمنة تقيم بمنزل الاسرة بالابيض والجدير بالذكر ان للمقدم الشهيد قولة مشهورة فالها عندما كان يستجوب من قبل سلطات نميري فعندما سئل من معك؟ ومن وراء هذا الانقلاب ؟ رد الشهيد فائلا بلهجة سودانية ( كانوا معاي بنات ) فقال له الضابط المتحري ( ماعندك كلام احسن من كدا) رد عليه الشهيد ( لو هم عندهم رد او وصف احسن من كدا يقولوه)
و1764

بس نميري ارجلهم

راجل مؤدب رحمه الله قليل الكلام يقال له علاقه بالاسلاميين والده من الجلابه وامه من الحمر راجل خرطومى وله شجاعه نادره قام بالانقلاب ولم يقتل أحد يعنى انقلاب ابيض حكم عليه بالاعدام سلم ساعته للقاضى وقال ليهو اناجاهز للاعدام مشكلته الذين اشتركوا معه كلهم من الغرب سواء مدنيين اوعسكريين وهم عباس برشم-الاحيمر-شامبى مما سهل على النميرى لاتهامهم بالعنصريه القبليه وحكم على 27 ضابط بالاعدام منهم من شرد ورجع فى عهد الديمقراطيه ومنهم من قضى نحبه يعنى لو شكل الحكايه شويه كان موضوعو مشى والانقلاب سوف ينجح …رحمهم الله جميعا اصبحوا تاريخ

للذين يعرفون الرجل هل كانت له ميول “لجبهة الميثاق”

بيانه الأول حرَّم توتو كورة