الأمة ينتقد احتكار كوادر حزب البشير للسلك الدبلوماسي
الخرطوم: امتدح حزب الأمة القومي ،تعيين وزارة الخارجية لدبلوماسي مهني ليصبح ناطقاً باسم الدبلوماسية السودانية، وأعرب عن أمله في أن تكون الخطوة بداية لعودة المهنية والأهلية والكفاءة للعمل الدبلوماسي السوداني.
وأنتقد الحزب في بيان اصدره أمس، سياسات المؤتمر الوطني «الضالعة في الحزبية والأنانية التي جعلت السلك الدبلوماسي حكراً لكوادره ومنسوبيه ، مما أضر كثيراً بالمكانة الدبلوماسية للسودان وعزل البلاد إقليمياً ودولياً،مشيراً الى أن 70% من بعثات السودان العاملة في مجال العلاقات الثنائية ترأسها عناصر تابعة للمؤتمر الوطني.
وأعرب مساعد الأمين العام للعلاقات الخارجية ، السفير نجيب الخير عبد الوهاب ، عن أمله في أن يدرك المؤتمر الوطني أن السودان وعلاقاته الخارجية ليسا ملكاً له وأن سياسة أعطاء كل شيء لكوادره ومنسوبيه لن تترك للسودان وشعبه سوى العزلة والعدم.
الصحافة
يا حزب الامه هل الخارجيه بس ولا دا المكان البيمشو فيه ولاد المصارين البيوض ؟ ما كل الوظائف في الدوله محتكره ليهم. ديل العملوهو في البلد ربنا يجازيهم عليه
و هل وزارة الخارجية فقط هي التي يحتكر وظائفها حزب البشير ويا حزب الامة حزب البشير يحتكر كل الوظائف من الخفير للوزير بكل الوزارات تاركاً بعض الفتات لأحزاب الفكة
يا نجيب انت بالذات ماعندك حق الحديث فقد تلوثت باشتراكك وزير وسفير فى هذا النظام وهل كنت فى حالة غيبوبة لحظة المشاركة وانت احد الذين اطالوا عمر النظام وقد كنت تدافع عن سياسته الخارجية عندما كان جيبك تقيل وبامكانك الذهاب مرة اخرى واللحاق بجوغة نهار ومسار والزهاوى ومن لف لفهم من الانتهازيين عديمى الضمائر وذاكرة التاريخ لاتنسى ولاتغفر المواقف الانهزامية خاصة عندما تتعلق المسالة بمصير الامم والشعوب فقد خنتم الشعب وساعدتم فى اطالة عمر جلاديه واسباب شقائه.
بالله ناس حزب الامة ديل مابيخلو ..ده كلام .. امال التمكين ده شنو .. يااخى اين شرفاء الخدمة المدنية اين شرفاء القوات النظامية ..جيش..شرطة .. امن.. اين كل هؤلاء من سيف الصالح العام .. المهدي اخر من يتحدث عن ظلم الكيزان .. قبلها لمادا اختزل جيش الامة في ابنيه ليعيد احدهما للجيش برتبة عقيد والاخر برتبة ملازم بجهاز الامن وكل مهام الاخير بجهاز الامن هو العمل بمتجر الخدمات الاجتماعية بالجهاز .. يعني مفتكر الكيزان اكتر من كده يدوك شنو.. وبكرة تقوم القيامة تجي تقولينا انا داير اسقط النظام من الداخل ..
دي على شاكلة.
بشكيك علي شيخ الحلة.
رد عليه : شيخ الحلة أنا زاتو.
ما ذا تتوقعون من حزب الأمة غير الانشغال بسفاسف الأمور؟
المؤتمر الوطني من حقة ان يستحوذ علي كل وظائف الدولة لأنة الحرب الحاكم بشرعية صندوق الانتخابات و بإرادة الشعب فالمعني البسيط للديمقراطية هو الذي يفور يحكم الا لماذا الانتخابات؟؟ أوباما فاز فحكم الديمقراطيون هل سمعتوا احتجاج من الجمهورين ؟؟ ،، يا صادق يا مهدي اصمت و اقنع الشعب و احكم عن طريق الصدوق و استحوذ علي كل الوزارات بما فيها الخارجية.
الناس فى شنو وناس حزب اللقمة اقصد الامة فى شنو الشعب داير البشر ديل يرحلوا من سمانا عديل ولا يحتكروا ولا يحتكروناوقرفنا من حاجة اسمها حزب امة واتحادى وشعبى وكلام فارق بياعين المظاهرات الفاتت ورتنا حقيقتهم كلهم
نتمنى انو يجينا حزب جديد يمثل كل السودان بتعدديته وانشاء الله تعالى كل الاحزاب حاتمشى مزبله التاريخ
احزاب الفكة اسى هدفم من الكلام الكتير دة يتوظفوا سفراء
ويااااااريت عندهم دبلوماسية ديل كمسارية والاجر علي الله
لكن علي كرته طلع شفت ومقرم…عليك الله يا دفع الله-سفيرنا بنيو يورك- جنس ده بفكوه لي كرته حتي اكان عملك اوباما؟؟؟؟
هذه هي الحقيقة كل حزب يعتلى السلطة بيفرض سياسة التمكين. وخير دليل في الفترة التي كان السيد الصادق المهدي رئيس وزراء. مايفعله المؤتمر الوطني ليس بجديد في السودان.
يا دكتورة مريم هي فقط إنجصرت في وظائف الدبلومسسين ؟ أبحثي كيف يتم القبول في الكليات الحربية المختلفة وكليات الشرطة والسجون وغيرها وأفيدينا أفادك الله.
نجيب الخير يرجع عضو قاعدى فى حزب الأمة ما يخالف
أما يرجع قيادى دى مهزلة
هى بقت على السلك بس هو محتكرين السلك والخيط والابرة والحبل الدبلوماسى