اشتباكات بين الطلاب والشرطة باستاد المريخ..وفاة شخص وإصابة «100» آخرين.
الخرطوم : سلمي ادم :
توفي شخص على الاقل ، واصيب نحو (100) اخرين، نتيجة تدافع المواطنين اثناء احتفالات تخريج طلاب عزة السودان (15) باستاد المريخ عصر امس، ونقل المصابون على الفور الى مستشفى ام درمان بينما نقل القتيل الى المشرحة لمعرفة اسباب الوفاة.
وابلغت مصادر (الصحافة) بوقوع اشتباكات، بين الطلاب وشرطة العمليات امام مبانى الاستاد، استخدمت فيها الشرطة الغاز المسيل للدموع لتفريغ جموع الطلاب.
واغلقت السلطات استاد المريخ امام المواطنين بعد ان امتلأت مدرجاته بأسر طلاب عزة السودان (15)، ما ادى الى حدوث اشتباكات راح ضحيتها مواطن يبلغ من العمر(22) عاما بينما اصيب حوالى (100) اخرين، بمن فيهم ضباط فى الشرطة وعدد من النساء.واضافت المصادر ان المصابين تم نقلهم الى مستشفى ام درمان لتلقى العلاج، فيما نقل القتيل الى المشرحة، وان الشرطة شرعت في فتح بلاغات.
من ناحيتها، قالت شرطة ولاية الخرطوم انها احتوت احداث شغب محدودة اثناء الاحتفال بتخريج طلاب عزة السودان باستاد المريخ نتج عن ذلك وفاة احد المواطنين جراء تدافعهم خارج الاستاد .
وافاد مدير دائرة الجنايات بشرطة الولاية، اللواء محمد احمد علي ،بحسب المكتب الصحفي، ان اسباب الاحداث تعود الى الاكتظاظ الكبير للمواطنين والطلاب وقيام مجموعة من الطلاب كانت متمركزة في الجزء الجنوبي الشرقي للاستاد بإثارة الفوضى وحصب المواطنين والشرطة بالحجارة، مما دعا قوة العمليات المتمركزة خارج الاستاد لاستخدام القوة اللازمة للسيطرة على هذا السلوك غيرالمنضبط، وتلافي حدوث اية اصابات وسط المواطنين ،كما حدث في المواسم السابقة ، الامر الذي ادى لتدافع المواطنين خارج الاستاد في وقت واحد نتج عنه حدوث عدد من حالات الاغماء التي تم اسعافها للمستشفى.
واوضح اللواء علي،ان الشرطة اتخذت كافة الاجراءات الادارية والقانونية اللازمة.
الصحافة
وين عزة السودان بعد انفصال الجنوب خلو الشعب الفضل يعيش ايامه التعيسة يا سارقين
في كل يوم نصبح علي اخبار تصيبنا بالاحباط والحزن من الحالة التي وصلنا اليها. ومن التردئ المريع في كل النواحي .ولا ندري الي اين نتجه وماذا يحدث غدا. ربنا يلطف. اللهم ارحم المتوفين برحمتك وتقبلهم قبولا حسنا. وعاجل الشفاء للمرضي
اكيد من القى الحجارة على المواطنين هم مجموعة من متعاطي حبوب الهلوسة (( زي ما قال القذافي )))) وبعض منهم خارجون عن القانون ومدعومين من الخارج ((( مثل ما يقول الزلمة ((( بشار الاسد )))
وبكل تاكيد لابد ان يمر هذا الحدث مرور الكرام ((( كغيره من الاحداث )))….. وان نقبل بالرواية الرسمية للشرطة ((( ما هم عارفين اي حاجة )))
ولتكتمل الصورة فقد اشارت بيانات الشرطة عن اصابة ضابط شرطة ((( تطابق تام مع رواية الزلمة بشار الاسد ))) فقد تم استهداف رجال الامن من الجماعات الخارجة …..
الحاجة الوحيدة المختلفة في الرواية انو عندنا ممنوع المظاهرات السلمية او غير السلمية …. ودا ليهو مبرراته فالبلد في حالة طوارئ ….. ورفع الواري عاوز قانون …… والقانون عند البرلمان ….. والبرلمان عنده لجان …… واللجان عاوزة تسيير … والتسيير عاوز فلوس … والفلوس عند السلطان والسلطان عاوز عروس … والعروس عاوزة منديل , و و و و 0000000000000000000
نسال الله الرحمة والمغفرة لشهيدنا الشاب ولاهله الصبر وحسن العزاء
يعني العساكر ديل لو كان في يدهم سلاح كان رشو الناس دي عادي كويس انو بس
معاهم بمبان
الاذكياء ما بعرفو يفرقو كيفية التصرف مع شغب وسطو نساء وأطفال وشغب جماهير
الكورة … كورة الهلال والأفريقي رغم الشغب الجماهيري وحالة الفوضى في تونس ما
شفنا بمبان وفرقو الجموع بكل سهولة رغم انهم عنيدين جداً وعنيفين
فليق العساكر وجمبهم المواطنين غلط وعيب وجبن كمان لكن علاجو من العساكر غلط أكبر
السؤال المحيرني الناس بتجي بكميات كده لتخريج الإلزامية عشان شنو ؟
لمتين يا بلد ؟؟؟!!!
,والله دا كلام خطير:lool:
حسب صحيفة حريات , فانّ السبب الحقيقي لتدخل الشرطة هو انّ الجماهير اطلقت صيحات احتجاجية ضد هذه الحكومة الفاسدة ..
عزة شنو!!!
وتخريج شنو!! متخلو الاولاد يقرو ويشوفو ليهم رقشة يسقوها!!! طبعا دي من الانجازات لدولة الاعجازات !!ان صارت الرقشه تتطلب بكلاريوس !!! الايكفي العسكر العندنا ام هي الانصرافية!! وذي مابيقولوا عميان مسكو عكاز!!ما خلاص الجنوب وانفصل!! تاني شنو اللملمة!!!ديل محتاجين واحد يصحيهم!! ويقوليهم الله ياجيركم!! خلو الشباب في حالو!!وبلاش كنكشة في امور هم انفسهم غير مقتنعيين بيها!!وبعدين اذا لم يكن في الامر بربقندا كان المفترض يتم التخريج في اي مكان من اماكن التدريب ويشتت الحميع بحثا عما يفيدنا!! لربما علم ينفع في جامعات العجب!! او حتي زراعة تنتج بصلا او ليمونا يوقف طوفان الغثيان الذي نعيشه!!!
يا جماعة الخير فرقو بين السبب والشرطه الزول ده قالو ليكم مات نتيجه للازدحام ولو ما فكو بمبان عشان اتفرقو كانو ماتو 100 نفر والفهم قسم صحي
وبعدين تعالو اسئلكم تخريج شنو البجو فيهو مليون نفر ده وعشان شنو ؟ صحي عدم الشقله بعلم المشاط
هرمنا ;(
اللوم على القائمين على أمر تنظيم الإحتفال يعني أنا عندي ألف طالب متخرج وعارف إن إي طالب بيحضر معاه أسرته التي تتكون من سبعة أشخاص أو قل عشرة ومعروف أن سعة إستاد المريخ ، من أين أتى هذا الإذدحام والسؤال هنا موجهه للسيد / عبد القادر محمد زين
ده كلو بسبب اسحق فضل ا ل…. ت ى بتاع ساحات الفداء وصاحب عمود قطار الليل بسجم الانباهة فقد اكد شهود عيان كتار انو كان واقف بره شغال صاجات ساكات السبب الخلى الناس تتدافر وتحاول الزوغة منو