الخرطوم: الراكوبة
وافقت الغرفة المركزية المشتركة لطوارئ كورونا بولاية الخرطوم يوم الأربعاء، على توصية اللجنة الفنية المشتركة بين وزارتي الصحة والتربية والتعليم بخصوص إستئناف الدراسة لمرحلتي الاساس والثانوي إعتباراً من يوم الاثنين القادم الموافق الأول من فبراير وفق اشتراطات صحية مشددة.
في حين، أوضح مدير عام التعليم بالولاية محمد إبراهيم، أن الدراسة ستكو بنظام الدوامين لمرحلة الأساس حيث يتم تقسيمها الى حلقتين، الحلقة الأولى، وهم طلاب فصول الأول والثاني والثالث وتبدأ من السابعة صباحا وحتى العاشرة والنصف صباحا ويوزع التلاميذ على كل الصفوف لضمان التباعد الاجتماعي، الحلقة الثانية لطلاب فصول الرابع والخامس والسادس والسابع، وتبدأ من ١١ صباحا والى الساعة الثانية ظهرا بعدد ٦ حصص ويقسم التلاميذ على الفصول على ألا يتجاوز الصف عدد ٣٠ تلميذ وزمن الحصة ٣٠ دقيقة.
وأضاف أنه ستكون هناك توعية مستمرة بواسطة المعلمين الذين تم تدريب ٦ الاف منهم للقيام بهذه المهمة وسيتم تنزيل كل الاشتراطات للمدارس كما تم توفير (٣٣٠) ألف كمامة للتلاميذ.
وعزت اللجنة التأخير في إستئناف الدراسة لمزيد من الدراسات والتجويد لضمان سلامة الطلاب. ووجه الاجتماع وزارة الصحة بمراقبة الوضع في المدارس وفي حال حدوث أي طارئ على الوزارة اتخاذ قرار فوري بقفل المدرسة التي ظهرت فيها الحالة.
من جهة ثانية إستمعت اللجنة الى تقرير طوارئ كورونا لليوم الاربعاء قدمه مدير عام وزارة الصحة د. تاج السر منوفلي الذي أوضح أن الحالات الجديدة المسجلة خلال الـ ٢٤ ساعة الماضية (٦٨) حالة.
طيب ياالسيد مدير عام ولاية الخرطوم ما فكرته في الناس العندهم أطفال في الفصول الدنيا والعليا يرحلوهم كيف
يكون شغالين ترحيل كل اليوم ولا كيف
يمشو ٧ صباحا يجو ١٠ صباحا
تاني ايجو ١١ صباح ايجبو الكبار وتاني ايجو اسقوهم ٢ ظهر اها نشتغل بتين ناهيك عن باقي المشاكل البنزين العيش ……. الخ
غايتو الناس المسؤلين ديل بيجتمعو في شنو كل يوم بالساعات ما عارف الواحد ولا حتي بيسال نفسو عن قرارو ده فيهو اي مشاكل تترتب علي الناس ولا لا
الحيحصل انو كل الأطفال بيكونو في المدرسة لانو الناس ما بتقدر علي شغلة الترحيل اليوم كلو دي ولا حتي بتاع الترحيل الخاص بتقدر علي قصة الدوامين دي
وبعدين يا ناس الصحة اسي الناس مشكلتها في الكرونا بس ياخي شلل الأطفال المنتشر ده ما فكرتو فيه الأزمات الطاحنة في معاش الناس ما فكرتوا فيها ولا انتو ما عاشين معنا عايشين في كوكب اخر