أهم الأخبار والمقالات 
عاجل..الحكومة: وفرة في العملة الاجنبية ستضمن التحكم في سعر الصرف
وزير المالية :قادرون علي معالجة الآثار التضخمية لقرار تعويم الجنيه
كشف وزير المالية جبريل ابراهيم عن ان الحكومة اتخذت قرار تعويم الجنيه بعد وضع تدابير مع بنك السودان المركزي ووزارة التجارة لضمان انخفاض الطلب علي العملات الاجنبية
واعلن الوزير خلال مؤتمر صحفي الآن في مجلس الوزراء ان الحكومة وضعت كل الترتيبات لعرض كافي من العملات الاجنبية للتحكم في سعر الصرف .
واقر ان هناك آثار تضخمية متوقعة الا انه انه أكد قدرتهم علي معالجة كل الاثار التضخمية
وتوقع الوزير حدوث استقرار كبير في سعر الصرف فضلا عن توقعاته بتدفقات لعملات أجنبية للسودان ،بالاضافة الي اعفاء ديون السودان .
وقال ( القرار اتخذ في ظرف اقليمي ودولي مهم وعلاقة موجبة سيساعدنا في استقرار اقتصادنا) .
بعد دا نجهز الكفن عشان نقبر السودان
قرار موفق وفد تأخر كثيرا.. حتى يستقر الاقتصاد وضرب المضاربين بالسلع والعملات.
شعب نصفه سماسره عقار وعمله
زول نصيحة انا اقول ليك دا اغبى قرار… ولن تستطيع هذه الحكومة البقاء أكثر من ٦ أشهر والزمن بيننا…
ما هو السبب الأساسي في انخفاض قيمة الجنيه السوداني؟
الكتلة النقدية الغير معروفة في السوق وذلك لعدة أسباب
١. الحكومة تطبع من غير سياسة لتنفق على نفسها..
٢. هنالك من يمتلك طباعة عملة من الكيزان..
٣. هنالك عملة مزورة في السوق وبكميات هائلة.
الهدف الأساسي في مضاربة العملة هو تحويل الدولار لخارج السودان… بطريقتين
١. تجنيب دولار الصادر
٢. تحويلات المغتربين
هذه حكومة منتحرة وسوف تسقط في وقت قصير.
شنو الحل من وجهة نظري
١. وقف الاستيراد والتصدير وأنشأ شركة حكومية للاستيراد والتصدير. كيف… قرار بس
٢. تغيير العملة و طباعة عملة جديدة بمواصفات فنية عالية وربط قيمتها بالذهب و شراء الذهب من المنتجين و الشركات بالسعر العالمي بالجنيه السوداني الجديد. كيف عندي خطة متكاملة..
٣. عمل قنوات لتحويلات المغتربين. كيف عندي خطة متكاملة…
٤. حكومة رقمية محورها المواطن للقضاء على المحسوبية والفساد المالي والإداري و تمكين وزارة المالية من الولاية علي المال العام.. كيف عندي خطة متكاملة…
٥. وقف التعامل بالكأس. شنو البديل؟ عندي البديل.
٦. تفعيل قانون من أين لك هذا عند إستبدال العملة..
٧. الصرف بذكاء على التنمية وزيادة الإنتاج والإنتاجية خاصة الإنتاج الحيوانى والمراعي وخلق القيمة المضافة لهذين القطاعين. عندي خطة متكاملة…
٨. الاهتمام بتنمية الريف السوداني حتى تعود الناس إلى قرآها لتساهم في التنمية والإنتاج. سهل وممكن
٩. توطين قطاع الاتصالات والصناعة وخلق فرص للشباب. ممكن وعندي خطة متكاملة..
١٠. العمل على إرجاع الضمير والأمانة التي دمرهمها الكيزان في الانسان السوداني. طريق طويل يحتاج إلى مجهود وزمن
كلام وزير الماليه دا( ان الحكومه اتخذت التدابير اللازمه قبل تعويم الجنيه) هل لا ابراهيم البدوى ولا حمدوك ولا الحكومه السابقه كانت عارفاه عشان تقررو؟ البركه ان حمدوك اخيرا و افق ان جبريل يتولّى وزارة الماليه(وما اصرّ على الرفض) يكونش جبربل هو سيف العبور والانتصار! بلد موش عارفه اولادا كيف وليه وامتى حتتعلّم!
كلام وزير الماليه دا( ان الحكومه اتخذت التدابير اللازمه قبل تعويم الجنيه) هل لا ابراهيم البدوى ولا حمدوك ولا الحكومه السابقه كانت عارفاه عشان تقررو؟ البركه ان حمدوك اخيرا و افق ان جبريل يتولّى وزارة الماليه(وما اصرّ على الرفض) يكونش جبربل هو سيف العبور والانتصار! بلد موش عارفه اولادا كيف وليه وامتى حتتعلّم! والله وتالله وبالله لم ارسل ليكم تعليق قبل كدا! هو جبريل دا متين صرّح بحكاية التعويم دى؟
بس الجنيه بتاعنا ضعيف شديد وماب يقدر ( يعوم) في الامواج العاتية والبحار الهايجة دي .. على كل حال اعتبروا الجنيه ( عام) وغرق ونزل في قاع البحر ووصل الى مقبرته الاخيرة …وربنا يستر …!!!؟؟؟
وبرضو على كدة نقول : ان شاء الله يكون الجنيه خلاص وصل الى ( مثواه) الاخير واستقر في مكان واحد .. لايتحرك يمين ولا شمال عشان الناس تعرف تشتغل ( مطامنة) .. والدولار كمان هو يا يستقر في مكان واحد او تعملوا ليهو ( خروج نهائي) ….!!!؟؟؟
تغيير العملة وين …
هذا الإجراء سيكون كارثيا اذا لم يتم التحكم في دولار الصادرات وطباعة عملة جديدة ومحاربة تزييف العملة والتهريب ووقف صادر الماشية والمحاصيل للمصريين الا بعد الدفع بالدولار وكفاية طيبة وهبل تحت مسمي الاستثمار والتكامل والتعاون .
في فيديو حايم في الواتسب يظهر شاحنات مصرية علي الحدود وهي محملة بالبهائم والمحاصيل الزراعية في طريقها لمصر واكيد تم شراءها بالعملة السودانية المزورة ،هل هناك اهدار للموارد اكثر من ذلك؟
ياحكومة اوقفوا هذا العبث ويستحسن وقف الصادر نهائيا حتي ترجع حلايب وشلاتين عشان تاني نشوف المصريين حياكلوا فول وسمسم ولحمة من وين ، تاكلوا السم ان شاء الله ، حاجة تغيظ .
تماااااام كده تماااااام
بعد ده ناس فووووق جد جد وناس عييييييك فى بئرا لا
قرار ليها ولا استقرار
اما أكان القوانين ما مظبوطه ومنفذه جد وصارم، الانفلات والفوضى بتضرب من الكبير للصغير
نتمنى ان يعود القرار على البلاد بالنفع
حيغتس ويبق كم يوم وبعد داك يظهر الجثمان فى السبلوقه … البركه فينا مقدما
ما هو الثمن يا جبريل؟
اتمنى ان تجاوب بدون غتغتة
ما هو ثمن هذه الأموال التي هبطت؟