بسبب منع زوجها لتدخينها..امرأة تشرع فى الانتحار بتناول كمية من (السنر)
شرعت امرأة فى العقد الثاني من العمر فى الانتحار بتناولها لكميات كبيرة من مادة كحول (السنر) قاصدة التخلص من حياتها عقب نقاش دار بينها وبين زوجها بسبب الشيشة وبحسب المصادر فإن المرأة أدمنت تدخين الشيشة الأمر الذى أزعج زوجها كثيراً ويوم أمس تحدث الزوج مع زوجته مانعاً إياها من تدخين الشيشة إلا أنها أصرت على تدخينها وتمسكت بها ليدور نقاش بينها وبين زوجها قامت على إثره الزوجة بتناول السنر قاصدة التخلص من حياتها إلا أنها وعقب دخولها فى حالة مرضية نقلت للمستشفى حيث أجريت لها الإسعافات اللازمة ودون فى مواجهتها بلاغ تحت المادة 133 ق ج الشروع فى الانتحار وشرعت الشرطة فى التحري معها.
السوداني
وهاااااك المشروع الحضاري دا !!!
زمن الانقاذ ضياع الاخلاق والدين والقيم
وضياع البلد
ضيعكم الله في الدنيا والاخرة
حليل زمن الرجاله – اما انك راجل خايب تستاهل يضربوك في مؤخرتك- من الاول ليه سمحت ليها تشربه والله انك راجل دلدول ساي
خليها تشرب الشيشة أهون من السنر….. وبعد دا لو قالت عاوزة تشرب سنر برضو خليها طوالي … أحسن مما تشرب ليك صبغة ولا زرنيخ عديل
في العقد الثاني وادمنت الشيشية..يعني بدأت تدخين الشيشة وعمرها كم سنة كدا… والغريب انها دايرة تنتحر بالله شوف المنطق الغريب دا(ياجماعة نحنا زاتنا في الدلع دلعنا بتاع عوارة] ياكافي البلاء
الشيشه اولا والبقية في الطريق في عهد الانقاذ كل شيء جائز
رجال باطلين اكان تنتحر انتا احسن وقت خليتها تشرب الشيشه من اول وكمان بتحنسها والله ياجماعه الزول بقا ياسف لحال بعض الرجال الزمن ده تلقى المره طالعه من البيت لابسه البنطلون اسكيني ضييق والبلوزه المحزقه والطرحه مشحتفه مامغطيه شعرها ومكبرته وممكيجه والراجل يعاين ليها وهي مارقه تحتك بالمئات وهو فرحان يقول لروحو مرتي سمحه وعندها جنس مؤهلات
زمان المرأة الكانت بدخن منهن المشاطة , ونوع سجارتها البرنجي فقط والرجا ل كانوا بيدخنوا البينسون أند هدجس وارد بريطانيا, وهن من أمثال بت مجذوب في رواية موسم الهجرة الي الشمال, يعني امرأة كبيرة ومتحررة وبتقول الكلام الفي رأسها دون حياء, لكن الآن التأثير بالعولمة وبالأخص بالشوام واضح والبنات الصغار أصبحن يدخن في محلات راقية ونوع التدخين كمان شيء ما معروف للناس كلهم, وبنات وأولاد أثرياء الغفلة هم رواده هذه الأمكنة وبعض المتشبهين بيهم من البرجوازية الصغيرة.
من ملاحظات العصفورة: كانت هناك طالبة جامعية صغيرة تأتي لمحل بشارع الجمهورية بعربة في الصباح لتناول نسكافى من ذلك المحل بعيدا عن أعين الناس قبل أن تذهب لجامعتها المشهورة.
السؤال: ما الذي يقدمه مثل هذا المحل ولا يوجد في جامعتها؟ الإجابة متروكة لك أخي القارئ
لاشك ان الخلل الاجتماعى الذى احدثته الانقاذ فى البلد هوالسبب المباشرلمثل هذه الحالات فسياسات التمكين التى قلبت الموازين الاجتماعيه راسا على عقب فقدجاءت بالجهله وانصاف المتعلمين وشذوذالافاق من قاع المجتمع الى قمة الهرم الاجتماعى فأختل شكل الطبقات فأفرز اخلاقيات شاذه تحاكى اشياء غريبه على المجتمع هن افرازات الانقاذ
..تدخين الشيشة مرة واحدة بيعادل 10 سيجارات حمراء,وبيضر الرحم والحمل للمرأة,وبعدين نقول للزوج كان تتكلم معاها براحة لانو النسوان بحبو الكلام البراحة,كان ممكن تقول ليها يا حبيبتى بدل الشيشة دى هاك علبة البرنجى دى لانو الدخان بتاع شيشتك مشى للجيران وح يجيب لينا الكلام,وبعدين تشوف ليها دخان تانى اقل نيكوتين واقل ضرر عشان الاعراض الانسحابية والتدرج حتى الاقلاع , وممكن برضو تغريها بالخروج والفسحة واكل فول ولا سمك برة البيت او سينما غاغة الصداغة فى حالة تركت التدخين لمدة اطول , وبكدة تكون تركتوا عادة قبيحة , واكتسبتوا عادة جميلة والتقرب من بعض والمحبة والعيش فى سبات ونبات,,,واستغفر الله لى ولكم.
أخخخيي بالتنر كان تأكل رجلة بالكسرة وتموت من الحرقان..
حولتن
دايرة تموت كااااافرة كماااان!!
واااضح انها شهادة عربية ولا أجنبية
نسأل الله الستر والعفو والعافية للجميع.
كان اكتر ليها من الجراك عشان اتخلص منهابسلام
هي الشيشة دي شربتها امبارح ؟؟؟؟ انت كنت وين من زمان اول مابدت تشرب الشيشة ؟ أشباه الرجال ولارجال . الشيشة دي عايزة زمن عشان تتخلص منها وبمساعدة مستشفى ابقى راجل وتابع معاها العلاج لانك انت السبب . مانهرتها من اول مره ينهرك النهار .والله انا محروق عليك انته موعليها هي انت قاعد ساكت دلدول .
أما الشيشه ولا الانتحار ,, أو الرز ولابيت أبوى
هى ماتشرب الصبغه لانها سريعه وما بتتلحق ,, عالم كرووووووور ناس ما لاقيه تأكل وناس بتشرب شيشه !!!!