أهم الأخبار والمقالات

مجلس السيادة يعلق على رفض أعضاء المجلس الجدد 100 عربة “آكسنت”

الخرطوم: الراكوبة

نفي مجلس السيادة، يوم الاثنين، رفض أعضاء مجلس السيادة الجدد منحهم 100 عربة ماركة آكسنت.

وذكر المجلس في بيان تلقته “الراكوبة”: اوردت صحيفة الانتباهة في عددها رقم”٥١٧٧” الصادر صباح اليوم الاثنين الموافق الاول من مارس ٢٠٢١م ، خبرا بعنوان “أعضاء السيادي الجدد يرفضون ١٠٠ أكسنت ويطلبون لاندكروزرات ” وتناقلته عنها عدد من وسائط الإعلام، وتؤكد الامانة العامة لمجلس السيادة عدم صحة هذا الخبر ، وأن القصد منه إثارة الفتن والبلبلة ، وعكس صورة سالبة عن صناع السلام وقادته الذين بذلوا النفس والنفيس من اجل التوصل لاتفاق سلام عادل يرضي الجميع، وأكدوا عبر أروقة التفاوض بجوبا حرصهم على أمن واستقرار ووحدة السودان”.

وأضاف: “إن تاخير اعضاء مجلس السيادة الجدد عن أداء اليمين الدستورية يعزى لطوافهم بعدد من الولايات للتبشير باتفاق جوبا لسلام السودان وتهيئة البيئة المناسبة لانزالة لارض الواقع”.

وتابع: “إننا نأمل أن يسهم الإعلام ووسائطه المتعددة بدور فاعل وبناء في هذه المرحلة التي تمر بها البلاد والتي تتطلب تكاتف وتعاون الجميع لخدمة القضايا الوطنية وفي مقدمتها عملية بناء السلام وتحقيق الأمن والإستقرار للسودان وشعبه”.

‫18 تعليقات

  1. سيارة واحدة بوكس دبل كابينة مع الزامهم دفع فواتير الكهرباء والماء والموبايل والتلفون. ممنوع الخط العالمي.
    لا يعقل المواطن البسيط يدفع جميع الفواتير وهؤلاء العطالي يعيشون حياة رغدة ويصرف عليهم الشعب الفقير.
    معا لوضع حد للانتهازيين امثال التوم هجو ومناوي المدرس السابق بالمدارس التشادية

  2. هم فعلا ما اتنازلوا عن الاكسنتات مافي زول بيرفس نعمه بس هم طالبوا ايضا بعدد 3 لاندكروزر لكل واحد و توسان لمدراء مكاتبهم و خلو الاكسنتات لصغار الموظفين و تصريف شؤون منازلهم
    يعني فعلا ما اتنازلوا مساكين طالبوا بس بحقهم الامتيازي (ولا يمكن انتهازي)
    اولا هم من كانوا شركاء في حكم البشير و بعد ان مصوا دماء الدوله ورضعوا من شطر الانقاذ و بشه الله يهديهو قال لي عوض اقفل البلف حملوا السلاح و دخلوا الغابات
    المفروض ديل يدوهم امتيازات عباره عن عدد 3 ركشه لانهم جايين يصلحوا البلد مش يشيلوا منها
    خلوها تنعدل قبال تخموا و تجروا ولا شنو؟؟؟

  3. مفروض كل المسؤلين في الحكومة يركبو مواصلات عامة مدة عام منها يحسو بمعاناة الشعب ومنها تطبيق لشعار العدالة ( حرية ،سلام عدالة ) وبعدها يدوهم العربات

  4. واحنا ما مصدقين نفيكم يا مقطعين يا جبانين .. اتمني ان اجد واحد شجاع ولايخشي من قول حقيقة اعتقاده ويقوله بشجاعه ..

    مافي مويه من غير دخان،ثم ان من كثرة ما سمعنا بالطمع في السلطه والحسد، نكاد نجزم ان ما قيل حقيقه لايحتاج لنفي ..

    1. ديل مافيهم زول شريف وعندو ذمة وبحب اهلو وبلدو ديل ملقطين ماشفتو ريس وزراء هولندا بركب العجل لكي لايكلف بلدو صرف وقود وتلوث البيئة اماديل مستجدين نعمة ومصاصين دماء شعبهم وممكن ياكلولحمو كمان؟ في زول عندو وطنية يشوف شعب ماعندو حق الرغيفة وشفع مشردين علي الشوارع يطالب بلانكروزر؟ توووووووف عليكم؟؟؟

  5. { نفي مجلس السيادة }
    هل مجلس السيادة له لسان لينفي!؟
    اذا كانوا صادقين فلينف هذا الخبر شخص مكلف من مجلس السيادة
    بل يصدر امر لمعاقبة من يطلق الاشاعات بحق المجلس
    انا شخصيا لا اصدق ولا اثق هذا المجلس السيادة

  6. { نفي مجلس السيادة }
    هل مجلس السيادة له لسان لينفي!؟
    اذا كانوا صادقين فلينف هذا الخبر شخص مكلف من مجلس السيادة
    بل يصدر امر لمعاقبة من يطلق الاشاعات بحق المجلس
    انا شخصيا لا اصدق ولا اثق هذا المجلس السيادة

  7. المفروض رفع دعوى امام المحكمة بتهمة الكذب الضار وإلا سيُصبِح خبر الصحيفة صحيحاً مهما تم نفيه.

  8. درداقاااااات والله كتيرة فيهم ..
    عطالة ولقو جنينة وسيدهاااا نايم
    بلا يخمكم…فشلة بأمتياذ

  9. سؤال ليه مجلس السياده ده ما عمل بلاغ و تحقيق و رفع قضيه ضد الصحفى ناشر الخبر و لو ما عملوا كده يبقى الخبر صحيح بالمناسبه انا ما كوز و الحمد لله.انا عندى احساس بكره بيدوهم العربان دى يسوقوها و يقولوا ليك ما دى هديه من السعوديه ما دفعنا فيها ولا مليم الموضوع لازم يبقى تحت المجهر يا رواكيب.

  10. والله ياجماعة دى عالم زبالة يا اخي انتم لاشاركتم في ثورة ولا مات ليكم ولد وأخ وجايين للسلطة الله يلعنكم حسع بدل تجوا تقولوا عشان نخفف علي ميزانية الدولة كمان عايزين لاندكروزرات الله يقطع خيطكم يا ديل بشر الله لاكسبهم. والله انا لو من حمدوك تجوا بترحيل زي زمان زمن نميرى والله عندى عمى مدير مكتب الوزير بجئ بالترحيل ولكن كلهم من حمدوك والسيادى وطنية مافي. وطنية مافي. وطنية مافي. اللهم عليكم بهم واي مسؤول اكل مننا قرش بدون وجه حق نحن السودانيين ما عافينو ليهم ابدا ابدا ابدا. عليكم اللعنة.

  11. كل ما نريده من اعضاء مجلس السيادة ومجلس الوزراء وقادة الحركات وكل من يتولى منصب فى هذه الفترة الحرجة ان يراعى ضميره اولا وان يعرف ان هذه فترة حرجة كل الشعب يعانى ويتعب من اجل خبزاية يسد بها جوعه ومن اجل اصطوانة عاز لاجل ان يطبخ شئ لاطفالة والجيعان فنرجو منكم يا مسؤولينا ان تتقوا الله وتعلموا انكم محاسبون على هذه المناصب التى تقلدتوها فادوا حقها بما يرضى الله ورسوله حتى لاتقيفوا اما الله سبحانه وتعالى وانتم على محملون بالذنوب والخطيا بظلمكم لهذا الشعب المسكين .

    1. ياخوي ديل مابعرفو الله؟ ديل ممكن واحد منهم يقتل.يغتصب . ينهب ؟ والواحد لو بعرف بس يشوف الشعب بتعارك في المواصلات ماعندو حق الرغيف وتعبان وقرفان بس في الله؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..