وزير البنى التحتية بولاية الخرطوم : ايران أوقفت تنفيذ مشروعات تنموية كبرى في السودان،

الحمد لله هذا خبر جميل

الشيعة الملاعين يستغلون المشاريع لنشر مذهبهم الفاسد وقد سمعت أنهم قد أمضواعشرة سنوات لرصف طريق طوله عشرة كيلومترات وبعد أنتهائه تم إكتشاف عدة حسينيات تم بناءها على جانبي الطريق

ما نخاف ناس الخليج بتمو ديل كسروا اليمن و حيبنوا تانى بس انتو صفو النية

طيب تمام حولو المشاريع دي للخليج طوالي

خليها تروح في ستين دهية

بلا ايران بلا بطيخ ..

ليها الف حل ان شاء الله ..

خلاص لقوا ليهم شماعة جديدة يعلقوا فيها رقاب الناس 10سنوات ……
ما خليتوا جهة ما استدنتوا منها كل الدول شرقية وغربية … اسلامية وشيعية ومسيحية وماركسية….. وانتظروا الصومال تطور وتمد لكم يدالعون …..

الاولو شرط اخرو نور
نحن عندناحكومة تعمل مشاريع بطريقتين فقط
1- كومشن فائدة العصاية
2- مشروع يعود انتاجه للعصابة
المثال الاول ادويه فاسدة و و و و
الثانى البترول لا تعرف امواله الى الان وين
ايران دولة متعددة الرؤساء ولذا هى متطورة
اما مسألة المرجعية الدينية فالازهر مرجعية وال الشيخ فى السعودية
بس الفرق منو الفوق ومنو التحت
ولكن ايران تتفوق عليهم فى توحيد السياسة وتغير بطانة الرئيس
مش واحد زي ابو ريالة و اخر بتاع بنقو قاعدين 25 عام
ديل فى ايران ولا يدخلوا حكومة ذاتو
ثانيا مافى حاجه اسمها انقلاب وتكبر ضباط
ايران فهمت سياسة السودان تماما والاخوان

كبري توتي و محطة مياه في أبوسعد هل هذه مشاريع تنموية كبرى في السودان؟

بالغت ايران لكن ههههههه

بهكذا عقلية يدار السودان من قبل الانقاذ من غير اي نظرة استراتيجية
هم من أوصلوا السودان الي هذا الوضع ان تكون مفعولاً بك حتي
في القرارات السيادية حسبنا الله ونعم الوكيل

مشروع تملق جديد لدول الخليج يعني اها موش ايران الجسم دي خليناها يا ناس السعودية بلا ادونا
لايزال الرجل يشحد ويشحد حتى اصبح ليس في وجهه قطعة لحم

لا.. ومستغربين كمان !!! غايتو يا(كيزان) لقيتو ليكم شعب مجرد من الاحساس ومتبلد وخانع وعرفتو ليهو تمام .. يلا استمتعو بخيرات البلد حلال عليكم والبيرفع راسو (بمبان) بس ونقوم جاريين ذي (الحمر المستنفرة) يعني مابتحتاجو حتي لي (مطاطي) واحلف ليكم الحبة مابتجيكم كان في السلطة ولاكان سبتوها !!!!

قبل ما،،،تشيدوا الكباري أعملوا
بنيه تحتيه ،لتصريف مياه الأمطار ا لخريف علي الأبواب .
ياوزير البنيه التحيه ،البلاد المتقدمه ليس لديها وزير ومطبلين
وزفة سيارات الحكومه بتطرح عطائات لشركات متخصصه في مجال
البنيه التحتيه بشروط جزائيه، وسقف زمني محدد .

الله ليك يابلدي ابسط الاشياء فيك الا يعملوها بالشحده والدين لكن الله غالب وكريم عليك وعلينا

بعيداً عن السياسة وتعقيداتها، والخطوة الإيرانية المبررة، يُفهم من سياق الخبر، أن إيران كانت تدفع للمقاول الإيراني دفعات في شكل مستخلصات عن كل مرحلة ينجزها، أي أن أموال القرض الإيراني لم تكن بيد الحكومة السودانية!!!! وهذه والله منقصة ما بعدها منقصة واتهام ضمني بخفة (يد) الحكومة السودانية وعدم الثقة فيها، وهي سمات أصبحت معروفة دولياً وأصبح العالم (كل العالم) يتعامل معنا على أساسها.
1. لو كانت هناك إرادة سياسية ووطنية خالصة، لتوجب أن تدفع الحكومة الإيرانية قيمة القرض نقداً للحكومة السودانية، وللحكومة السودانية اختيار المقاول الذي ترغبه سواء كان محلياً أو عالمياً، طالما أن القرض عبارة عن دين مستحق السداد، ولكن (حكومتنا) بالطبع كانت ترغب وتأمل في شطب هذا الدين في المستقبل.

2- يجب على الجانب الخليجي إدراك الخسائر المادية (البسيطة) التي لحقت بالسودان جراء تغيير سياسته الخارجية والانتقال بها من المحور الإيراني إلى الخليج، بل وذهاب السودان إلى أبعد من ذلك بالمشاركة الفعلية في عاصفة الصحراء التي تجري الآن.

3- يجب أن أن تدرك الحكومة السودانية، أن كرامة المواطن السوداني أهم وأعلى من أي مكتسبات مادية من أي دولة كانت، وأن قرار السودان السيادي يجب أن لا يُرتهن لأي قوة إقليمة أو دولية، وأنه لا يصح إلا الصحيح………… لا أفهم لماذا لم تزل الانقاذ تحبو في دهاليز السياسة الخارجية رغم تجاوز عمرها للثلاثين ربيعاً

جهل البشير وغباءه عليه اللعنة

بلد عايشة بالجرورة

اذا فى عام 2012 كانت بداية المشاريع والان2015 ولم يتم دق مسمار واحد يعنى اذا كان تقدير تكلفة محطة الموية 80 الف دولار تحتاج الى 3 سنوات ليبدء العمل يعنى حا تنتهى بتين ؟ واذا كانت ال80 الف دولار تعتبر مشاريع كبيرة فعلى السودان السلام مع العلم انو مرتب البشير فى حدود ال7الف دولار يعنى مرتبات البشير ل 11 شهر يمكن ان تعمل محطة موية ذى بتاعة المنارة او سوبا

وما فائدة كبري توتي اساساً البلد محتاج شغل استراتيجي يدفع البلد كلها لقدام شكلهم عندهم قيادات في مراكز النهب واللهط اهل توتي ديل

حكومة على الهبشة …زى الزول العندو أبو الشهيق ( هيق ..هيق)
وللا العربية الكربريتورها وسخان ( تاخ ..تاخ ) ومروة مافى ( طلعتوا عيننا بالدفر)
إنتو من زمان ما عارفين ال….بى كم ؟
وللا بس تاكلوا ساكت وقايلين مافى سفر

حكومة على الهبشة …زى الزول العندو أبو الشهيق ( هيق ..هيق)
وللا العربية الكربريتورها وسخان ( تاخ ..تاخ ) ومروة مافى ( طلعتوا عيننا بالدفر)
إنتو من زمان ما عارفين ال….بى كم ؟
وللا بس تاكلوا ساكت وقايلين مافى سفر