(مبكبكة) تسابيح تعود فى العيد
كشف قيادى بقناة النيل الأزرق الفضائية ان الحلقة التى استضاف فيها الاستاذ جمال حسن سعيد فى برنامجه الذى يقدم مأكولات يصنعها مشاهير ونجوم ويخرجه سعيد حامد .
كشف ان الحلقة وجدت قبولا عريضا من شريحة المشاهدين والمهتمين بالاعلام ،وقدمت خلالها الاعلامية تسابيح خاطر جوانب اخرى من حياتها كإجادتها للطبخ وتمتعها بروح عفوية هى المفتاح السحري لنجوميتها.
وكانت تسابيح قد قدمت فى الحلقة التى بثت فى الاسبوع الاول من شهر رمضان طبق المبكبكة الليبى الذى يصنع من اللحوم والمكرونة وهو من الاكلات المعروفة فى المغرب العربى، واعادت الى الكثيرين الذين قضوا وقتا من حياتهم كمغتربين فى ليبيا ذكريات جميلة كما يقول الاستاذ هشام درديري المقيم بالسعودية،اذ يقول ان عدداً من السودانيين اجادوا صنع المبقبقة او المكبكبة على قول تسابيح واصبحوا يصنعونها بعد قدومهم للسودان لفائدتها الغذائية وسهل صناعتها،تسابيح من مواليد العام 1988 وعاشت جزءاً من طفولتها فى ليبيا ابان عمل والدها هناك فى الحقل الاعلامي .
القيادى كشف بان الحلقة سيعاد بثها بأمر المشاهدين فى برامج القناة يوم العيد ضمن البرامج المختارة والمتميزة التى بثت فى شهر رمضان الفضيل.
الراي العام
الموضوع محتاج قيادي ليقوم بكشفه.
مبببكة وليست مبكبكة …..!!!!!!
طيب ما الفائدة؟؟؟
دستور اسلامي
والله كان مبقبقة ما عارف
تسابيح عملت مبكبكة ونحنا عملنا كبكبة
تسابيح يا فنانة خايفين عليك من عيون الكيزان جنهم جداد ونسوان [بالمناسبة كلمة قيادي دي الكيزان ديل بدخلوها في اي حاجة معناه شنو!!
انت ما عندك موضوع ؟ والله لما طالعت كشف قيادي قلت خبر من العيار الثقيل .. اذا به كب… ايه؟
خلاص نسيب شغلنا و حياتنا و جامعاتنا و لو في مظاهرات ناجلها و لو البلد انقلبت مانطلع ومن هسي الناس تاحد اجازه و تحرس الحلقه بتاعت تسابيح و المبكبكه و بعدين البتاعه العاملين ليها قومه و قعده دي مكرونه و صلصه و بصلتين و ربع كيلو لحمه عجالي و لو مافي قروش جيبو لحم كلاب و كل سنه و انتو طيبين
.. خلاص مشاكل السودان اتحلت .. ؟! .. تهنئة مبكبكة حارة للقيادى الفايق و رايق ..!!
اللهم اني صائم مكبكبة حيييييي انا منك يا تسابيح
جنس قلوب رهيفه فى البلد دى. لو جينا للحلقات التى تستحق الاعادة فحلقة الدكتور ابوسن اخصائى جراحة الكلى فهى الاهم لما تحويه من نصائح طبية مفيدة وكذلك كشفت جانب مهم من حياة هذا الطبيب الرائع بطلوا بكا فى رمضان
عسل عسل
يكبكم في الشوك
الناس في شنو و الحسانيه في شنو
والله ما عندك موضوع وكمان فى كذب حاصل البت دفعة 99-2000 فى كلية العلوم معانا فى نفس الجامعة فجأة بقت مواليد 88 قول 82 او 81
*الفكرة مطروقة قبل كدة فى عدة قنوات مما افقدها عنصر الابهار والدهشة – وكان المفروض مخرج بقامة سعيد حامد ان يقدم فى ارضه كاول عمل ليه ما هو اكثر ابهارا رغم ان الراعي شركة انتاج مواد غذائية – واسى تسأل يقولوا ليك الراعى عايز كدة علما بان الراعى يفهم بس في المطبخ وكدة .
* ياجمال ويا سعيد كان ممكن تقدموا الاحسن كما عهدناكم.
* ولا انا غلتان ؟
والله السوانيين ديل ما عندهم كرامة بعد الاهانة اللقوهاالسودانيين في ليبيا دي مالكم و مال اكلهم و اي سوداني مشى ليبيا بيعرف تماما نظرة الليبيين للسوادنة زيمايقولو ما تتلموا بلا ياخدكم و احيوا تراثكم و ثقافتكم و اكلاتكم و احترموا مكانتكم عشان شعوب الارض تحترمكم احييييييييييييي انا من ذل السودانيين لليسوي و الما يسوى
انا غايتو بعرف أم بقبق .