الخرطوم: محاسن أحمد عبد الله
أعلن الفنان محمد ميرغني، الهجرة للخارج، بسبب المضايقات التي ظل يتعرض لها أهل الفن والموسيقى في السودان.
ونبه إلى حادثة القبض التي تعرض لها الفنان جمال فرفور في حفل تكريمه بمطعم “جوري” في العمارات.
وأضاف: “مايحدث للفنانين والموسيقيين من إذلال واهانة وصمة عار في جبين مجلس السيادة ووالي الخرطوم الذي يمارس سياسة الخيار والفقوس بقراراته تلك، والبلد جميعها مفتوحة والتجمعات في كل مكان”.
وأكمل: “ما حدث في حفل تكريمي بمداهمة الشرطة للمكان الحفل والقبض على الفنان جمال فرفور أثناء الغناء وعدد من أفراد الفرقة الموسيقية وفني الساوند، شئ مؤسف، وغير مشرف على الاطلاق هل يعقل بعد هذا العمر الطويل يتم اهانتنا بتلك الصورة والتعامل مع الفنان كأنهم مجرمين”.
واستكمل: “لذلك قررت الهجرة من هذه البلد التي لا تحترم الفن ولا الفنانين، ويكفي ماقدمته من تاريخ فني ناصع”.
المعروف انو العرب مافيهم زول بيستمع للغناء السودانى الا من باب السخريه والضحك …..انا مستغرب فى اعمامك ديل ماشين وين ؟
الغريبة ما فيهم ولا واحد فنان بحق وحقيقة لو افترضنا الفن قضية كلهم الذين يصرخون صفر على الشمال وشغلهم اكل عيش، بس الله يرحم مصطفى سيد احمد والعميري ويطول في عمر ابوعركي والقلة القليلة معه الذين يمسكون على جمر القضية، وان شملنا الشعر كفن ديل ما فيهم كلام كتيرين نساء ورجال ويملو العين وماشين في سكة يمدون في طريق العمالقة حميد ومحجوب شريف والتحية والتضامن مع الشاعر يوسف الدوش
احسنت واجدة الرد ،هؤلاء يغنون من أجل العيش فقط متى ما قطع عيشهم سخطوا.
الفنان محمد ميرغني عيش ايامك في موطنك كفاية غناء سن على وشك الزعامي جمال فرفور جهاز الأمن والبشر وصلاح قوش بح شوف ليك طبيله بتاعت نبق
ماشي حاجة كولن كولن
برنابا وليس برنابه٠ برنابا اسم معناه ابن الوعظ وابن العزاء. هو يهودي من سبط لاوي و هو أخو مريم أم مرقس و خال القديس مارمرقس٠ ثانيا ثقافتنا وعاداتنا وتقاليدنا نفتخر بها ثالثا الوان كثيرة من الغناء السوداني لن ولم تجدها في اي مكان في العالم٠ ثالثا السخرية والضحك من الغناء السوداني موجود في مخيلتك انت واشك في انك انسان عاقل واعتقد انك ناقص او مضطهد٠رابعا شعراء الاغنية السودانية اذا تحدثنا عن واحد منهم فقط نحتاج الي مجلدات ٠ اشك في انك سوداني اصيل وعلي فكرة نحن سلم موسيقي خماسي لايمت بصلة ولا صداقة للسلم السباعي الموسيقي العربي هنالك فرق كبير اين المسخرة والضحك في هذا
لانهم ما بيفهموا و لا يفرقوا بين الغث و السمين… مش ضروري يهاجر عشان ماشي يغني يكفيه الابتعاد عن بلد حكومتها تغض الطرف عن المجرمين و اللصوص و تطارد المبدعين و كل الشرفاء
هل يعقل بعد هذا العمر الطويل يتم اهانتنا بتلك الصورة والتعامل مع الفنان كأنهم مجرمين”.؟؟؟
********************************
في الحقيقة هؤلاء مجرمين وليسو فنانين الا كان احترموا القانون والنظم وتوجيهات الحكومة, ولكن طالما خرقوا القوانين فيجب القبض عليهم ومحاسبتهم في دولة العدل والحرية والمساواة الكل امام القانون سواء لا كبير علي القانون . اما موضوع هجرتك يا استاذ توكل علي الله وهاجر اصلا الجيل الذي يستمع اليك معظمهم يرحمهم الله قد رحلوا عن دنيانا والشي الثاني الانقاذ شردت المهندسين والاطباء والعلماء واساتذة الجامعات وبقي السودان حي يتنفس .. توكل وهاجر فهجرتك لن تؤثر في حياة الناس بشئ
يلا مع السلامه ان شاء الله قشه ما تعتر ليك وانت فى ارزل العمر يلا حصل ترباس ياهو شبهك
اتلهي يا طيره
احسنت يا صالح عام ديل مغنواتية لا الف اغنية ولا لحن ولا وزع موسيقى ولا رسم لوحة وحتى الاداء زي وشهم الاولاد الجدد بيغنوا اغانيهم احسن منهم ديل مغنواتية بيوت الاعراس يتعشوا ويستلموا العداد دي علاقتهم بالفن. والفن قضية وفي جميع نواحي الحياة من لا قضية له لا حياة ولا قيمة له ويا التاج المستعرب ده زمن تصحيح المفاهيم خلاص البلد دي فيها الكبير بعد الله كبير بالعطاء اما المتكبر ومفتكر نفسه مهم انتهى وسيد القوم خادمهم يرفعونه الناس بانفسهم مش الاعلام والعصابات الحكومية والاعلامية.
لا تترك البلد لعصابة حدث ما حدث.
حدس ما حدس
احترام القانون فوق الجميع ….
الفنان محمد ميرغني هو ترك الغناء بعد أن نشز صوته لكنه ما قادر يتخلى عن ماضيه الكيزاني . قرار إيقاف الحفلات دا قرار صحي بسبب الكورونا و لجنة إتحاد المهن الموسيقية اجتمعت بالمسؤولين و تفهمت الأمر إلي حين رفع طوارئ الكورونا
الاستاذ الفنان محمد ميرغني لا شك أنه من أميز الفنانين السودانيين ، إلا أن قراره هذا لا يتوقع من معلم قبل أن يكون فنانا ، فهو استاذ ومربي أجيال فكان حري به إن يحترم دولة القانون التي بزغ فجرها ، والعالم كله يشهد إغلاقا الما لأماكن التجمعات فلماذا يكون الفن والجمهوراستثناء ، المتوقع أن يكون الفن في المقدمة مع الجيش الأبيض وفي تباعد خلف الميكروفون باستثناء العازل الصوتي ، لماذا يا ميرغني تجاري رجل أمن البشير ” فرفور ” وترباس بتاع ” هبت ثورة الإنقاذ ” وتخلي ” اشتقت ليك ” شوق السحابة الراحلة ؟؟؟؟!!!!
بلادك حلوة ارجع ليها … دار الغربة ما يترحم
ياتى بلد بتسمح اليومين ديل بتجمعات الغنائيه لا امريكا ولا اروبا حتى شاد ممنوع فيها التجمعات انتم بلدكم ماعيزين تحترموا القوانيين فيه ياتى بلد بتقبل بيكم ” تعملوا فيها فوضه ” وهناك الغرامه بالدولار “$$$$$$” وهنا تستكتب اقرار وتروح
بعدين فرفور دا كادر امن يعنى عارف البيعمل فيه مخالف للقوانين ولكن بدعم الزحف الاخضر ” يعنى مقصوده بس انت بتقرد خارج السرب بان الفن مقصود ” انت لو عارف دى حكومه الفن والهجيج والشعب معترف بانها حكومه مايعه ونتمنى من الله هدايه الجميع لما يرضى ويحب”
This is the law Man?
في السعودية لو ما لابس كمامة غرامة 1000 ريال وايام الحظر اذا وجد الشخص خارج المنزل الغرامة تصل لــ 10000 عشرة آلاف ريال
الغرامات في السودان لا تساوي شيء مقارنة بباقي بلدان العالم…
استاذ محمد ميرغني لك الاحترام .
لو دافعت عن فنان حقيقي كان ممكن نؤيدك؟ لكن فرفور كوز وضابط أمن وهو لا ينكر ذلك وقال درس قانون
قانون يا الما بتعرف تغني ليه ما بتحترم القانون….فرفور أظن إنك تحمل اقامة في اكثر من بلد خليجي … اتخذ القرار المفرح واتخارج من السودان…قشة ما تعتر ليك انت والغوغائيين تبع اغاني واغاني….. سفر البن…….
معقول بس
محمد مرغنى بتاع المجلس الاوطنى بتاع الكيزان
وفرفور جهاز الامن الكيزانى والتعذيب وبيوت الاشباح ؟
فى ستين داهية
الفنان محمد ميرغني ربنا يعطيك الصحة والعافية وطول العمر وأنا من المعجبين بك لكن اسمح لي أن اختلف معك في حكاية انو البلد ما بتحترم الفن والفناني دي؟ . قرار حظر التجمعات هذا ليس عداء للفن والفنانين هو اجراء فرضته ظروف الكرونا في كل العالم . يعني انت عاوز الجهات المسؤولة تتحاوز القانون عشان الحفل يخص تكريم الفنان محمد ميغني؟ . انت لو كنت قلبك على البلد والوطن من انتشار هذا الوباء لكنت اعتذرت للمنظمين لهذا الحفل عن اقامته في هذا الوقت حفاظا على الصحة الجميع .
الفنانين بقوا زي العسكريين اي واحد يقول ليك انو البلد ما بتحترم الفن . كان الاوفق ان يعتقل كل المشاركين في هذا الحفل ومحاكمتهم بما فيهم انت نفسك لأن هذا تجاوز للقانون لانهم كلهم يعتبرون مشاركين في حرق القانون بحضورهم لهذا الحفل
انتم تعالوا كل فنان يواجة مضايقات من امن البلد ارفع يده ويقول بهاجر من السودان ،،،، يا اخي لم نعهد من فناني السودان من قبل نبرة الهجرة بسبب بسيط وهو منعه من الغناء لان دخله واكله وشربه من حفلاته بالله معقول في فنان معتمد الغناء مصدر رزقه والله إلا اكون فنان حيوان وجاهل ولا عقل له الفن ما يوما مصدر رزق لاحد إلا في هذا العهد .. بالامس ترباس عمره كله ياكل ما لذا وطاب ولما وقفت الحفلات رفع صوته وقال انا جعان بالله اذا كان امثال ترباس بقول كدا ماذا يقول اهلنا البسطاء في الخلاء والفيافي ؟؟؟
وفي النهاية ترباس قال ح يهاجر امش اعيش في مصر خيبة عليك يااخي وعلى امثالك عشان جعت يوم او يومين تهاجر وتترك بلدك والله لا وطنية لك ولا مثالك مثل محمد مرغني الفنان الذي تبعك اخواني ترباس ومحمد مرغني انتم جهلاء كنا فاكرين انكم ناس اولاد ناس ورجال فرسان لكن طلعتم اي اكلام فاذهبوا وغادروا البلد ونحن لسنا في حاجة لناس لا يعرفون وطنية وعزة لهذا الوطن .
وانتم جهلاء .
روح يا شيخ قشة ما تعتر ليك
صراحةً كنت عايز أعلّق على الموضوع ،، لكن لم تتركوا لي ما أقوله ..
والله ياخ إنتو فعلاً شعب فاهم وبمنتهى الظرافة ،
وأقلامكم حادة في الحق كحد السيف ..
برنابة – المانجلوك – أبو العز – صالح عام – التاج عربي – يااااابلاااادي – جلباق – أبو موسى و Sudanese
كفيتو و وفيتو .. وما بعد قولكم قول ..
تحية احترام ..
وشكراً لمنبر الراكوبة
اغانيك ماتنساها
مع السلامة قشة ماتعتر ليك
شي مخجل تكون راجل في السبعينات من العمر و تكون كوز
سبعينات شنو ؟ داخل على تسعينات ،، محمد مرغني تجاوز التاسعة والثمانين بشهور
تسعينات و كمان كوز !!!!! دي حاجة شينة عديللللل
ليه الفنان دايما داير يدلعوهو؟ في حد يدلعوهو في شغلو و اكل عيشو؟ ليه يوم ما سمعنا مكنيكي او بتاع ورنيش او غسال او بتاع بقالة و لا بتاع خضار و….الخ قال للملأ لا في تلفزيون و لا اذاعة و لا جريدة انا البلد دا ما يحترم مهنتي و قررت ارحل؟ كلنا اصحاب مهن سواء في المجال الخاص او العام بعداك انت و تقديراتك عايز تهاجر و لا تترزع .
الفنانين بايخين خلاص لو الواحد مرض عوووك عاااااك و الدولة ما وقفت و عووووك انت قدمت شنو للدولة؟ القدمو للدولة معروفين و حتي لو قدمت دا واجب ما دين عشن تتطالب بيهو لما تتزنق و هم و لا يوم غنو مجان لي زول .
باختصار اي فنان قدر وضب امورو و لقي بلد تاني يعيش فيهو يتخارج طوالي الليلة قبل ما الشمس تتطلع بس ريحونا من حتة الدولة ما محترم الفن دي و نحنا برضو ما نحترم فنان ما يحترم قوانين البلد.
يا أخوي أمسك لك سبحة بعد دا … كفاية زمنك وزمن ترباس وغيرهم ولى
تهاجر وين يااستاذ بعد العمر دا خليك مع الاهل وترباس برضو قال داير يهاجر.. ماف زول بهينكم لكن الزمن تغير والانسان ممكن يعيش من غير فنانين ولكن مابعيش من غير لقمة العيش ومع حكومة الافندية ديل الناس اهتمامهم بالخبز والدواء والبنزين لانو الدولة الفيها جيش من “الخبراء” ماقادرين يوفرو العيش للناس في بلد زي السودان وياللعجب..الفشل دا يتحملو اي بني ادم ينتمي لبلد اسمو السودان حكومة فاشلة لانهم جزء من الشعب دا زاتو ماجو واقعين من السما والشعب يتحمل جزء من الفشل لانه غير منتج ومتبطح من ضل شجرة لضل شجرة ودي حقيقة والله نحن شعب غير منتج واتكالي وجننا نقة وتنظير في الفاضي
أنا والأشواق في بعدك بقينا أكتر من قرايب ..
لك تاريخ فني جميل وثر ..
لكن القانون يسري على الجميل ,لا حجة بأن ناس هناي عملوا حفلة وما جاتم الكشة ..
لعمرك ما ضاقت بلاد بأهلها ولكن أخلاق الرجال تضيق ..
تريث قليلا وهدي من روعك فلا معنى لهجرة في خريف العمر ..
السودان بلد منكوب بأبنائه بجيرانه وبالعالم ما وراء البحار ، التخطيط البريطاني الماسوني كان دائماً وراء كل المحن التي ألمت بالسودان بلداً وشعباً، والعالم الشرقي المسلم مستهدف من الماسونية العالمية التي تتحكم فيها المافيا اليهودية وتدير العالم في الخفاء وأكبر دليل انتشار جائحة كرونا المصنعة معملياً لتخريب العالم وتقليل نسبة سكانه إلى 500 مليون شخص حسب تخطيطهم الذي إن شاء الله مصيره الفشل لأن هذا العالم ليس ملكاً لهم بل له خالق هو سبحانه من يسير هذا الكون، لو رجعنا لموضوع السودان البلد الذي تحت المجهر منذ قيام محمد أحمد الفحل بثورة وطنية درويشية خلط فيها بين فهم شرعي غير صحيح ومنهج وطني لاستقطاب الشعب لمحاربة الاتراك ومن وراءهم المستعمر البريطاني، وصولاً إلى الاستقلال ورفض السودان أن يكون ضمن دول الكومن ويلث التي تحت رعاية المملكة المتحدة، والانجليز لا بارك الله فيهم لهم سياسة خبيثة جداً مع جميع الدول، المقام الأول فيها أن تكون الدولة تحت الجزمة البريطانية عن طريق الحكام العملاء، المقام الثاني صناعة المشاكل طويلة الأجل في كل دولة احتلتها بريطانيا، بث مفاهيم حياتية لا تسهم في نهضة البلد ومنها التحكم في المناهج التعليمية بطريقة تخريج الأفندية فقط، كل هذه الأساليب استخدمت في السودان فخرج الأنجليز والدولة مهيأة تماماً لنجاح الفشل فكان أن تم الفشل بنجاح كامل، وها نحن الأجيال اللاحقة تحصد الثمار المرة بغفلة من تركهم لنا المستعمر البريطاني حكام وأحزاب صناعة بريطانية صرفة، أضف إلى ذلك الجوار السيء من الشمال الذي لا زال يرى أن السودان حديقة خلفية خرجت من طوعه في غفلة من الزمن ولابد من العودة لبيت الطاعة بكل الأساليب الخبيثة وغيرها. ويمكن إضافة إلى ذلك الحديث عن الجوار الاقليمي الطامع في خيرات السودان ويرى أن قعود السودان يصب في مصالحهم الضيقة التي لا تعرف التعاون المثمر لخير الجميع، لأن تلك الدول أصلاً هي صناعة غربية إلى هذا اليوم والريموت كنترول شغال بنسبة 100% .
إذن نحن أمام معضلة كبيرة تحتاج إلى إعادة صياغة العقل السوداني بدءً من وضع مناهج تعليمية جادة تقدس الوطن والعمل من مرحلة التعليم الابتدائي وحتى أعلى المراحل للخروج بميثاق عمل نهضوي جاد تقوم به نخبة من عقلاء وعلماء البلد المتجردين، لكن الذي يلوح في الأفق حالياً غير مبشر في ظل التسابق الاقليمي والدولي على خيرات البلد ومصها وتركه جثة هامدة تبحث عن الشبع من رغيف الخبر ، وإذا لم تقوم نخبة وطنية مخلصة يتزعمها راجل شارب لبن أمه باجتثاث العملاء من هذا البلد وتطبيق المنهج الوطني الذي يعمل على مصلحة السودان أولاً وثانياً وثالثاً فلن ينهض البتة، وستظل ساقية حجا تشيل من البحر وتصب في البحر، والله المستعان.
اوجزت فأصبت الحقيقة …
للهجرة شروط، هل دول المهجر حتقبلك بعد العمر دا ؟ أحسن خليك مع المرارة وأم فتت !
في ستين الف داهية …… ورينا تاريخك الفني ….. هو أنت قدمت حاجه ..
القانون فوق الجميع واحترام قرارات الدولة واجبة التنفيذ
وأنت حر تهاجر تجلس من حقك وما بخصنا فاهم ؟؟
يا أخواني دا من مواليد 1945 يعني عمرو فوق ال 75 سنة (بقى ما عندو سنون) المفروض يكون قاعد يستغفر في مسجد بدل ما يلم في فرفور وكركور ولسة عايز يغني تاني …. شوف جيلك كلهم تحت التراب (رحمهم الله).
*درب السلامة ما تنسى البقجة*
حرام والله عليكم ايها المعلقين محمد ميرغني قامة فنيه يستحق الإشادة والتكريم من الدولة ومن الشعب الذي ينتج في القونات مثل قرد الجبل وقرد الشجرة ودابي الطين ودابي الرملة وشلة الجهلاء الذين يرمون مال السحت على أصحاب المؤخرات المصنعه
فلك التحية الاستاذ القامة محمد ميرغني فنحن في زمن أصبح فية الكديس فارا والفار اسدا
انت ي ميرغني وكمال ترباس وسمية حسن ،، كلهكم ادعيتم ان سبب هجرتكم سوء الاوضاع وعدم احترام الفنانين ولكن انتم في الحقيقة انقطع عيشكم في السودان وذلك لان الغناء الهابط ما اداكم فرقة من قونات وغيرو وكلام فاضي .. وهذا ليس وقت الفن ولا الفنانين هذا وقت اعمار وليس لكم مكان فيه .
اولست انت الذي غنى الرد بالسد؟
رغم ذلك غفرناها لك، وتجيب بعد داك الامنجي فرفور عشان يكرمك؟
اذهب اين ما شئت
هههههههه
الكوامر المهاجرة
طالما أنكم لم تقومو ا بانقلاب عسكري ناجح – وكالعادة- تعطلوا الدستور والقوانين فانتم مطالبين للاذعان إلى راهن القوانين والإجراءات ، فالسؤال هل حصلتم على تصديق قيام الحفل وتم التنكر له ؟ عشان نفهم حاجة يا اهلي !!!
للأسف غالبية المتداخلين عكسوا الأزمة التي نعيشها والتي اعتبرها أزمة شعب وليس أزمة حكم..!!!.
غالبية المتداخلين جهلة ومتنطعين ومتخلفين..
اعتقد ان هذا النوع من المتداخلين هو السبب الحقيقي في ما نعاني منه كثرة الجهلة في المجتمع السوداني.
نعم الاستاذ محمد مرغني لم يوفق في القرار الذي اتخذه كما لم يوفق في التصريح الذي بدر منه.
وهذا لا يعني أن نشتمه ونقلل من عطاءه الذي قاربت على 4 عقود من الزمان.
فعلا نحن شعب غريب.يشتم مبدعيه ومخلصيه شعب لا يتقدم..
ياحبيب هل الابداع محصور فى الغناء
هنالك معلم مبدع
مهندس
دكتور
صيدلى
نجار
صياد سمك
وهلم جرا
.
.
.
.
لماذا الولولة من المغنواتية فقط
وهو ماكثرهم ثم ثانيا اسهل مهنة يمش واحد ويظهرو خمسمية مغنى
يا ريت لو بتعاملوا تجار العملات وسماسرتها بنفس هذه الروح…
يا ريت لو بتعاملوا المفسدين هكذا
ويا ريت لو بتعاملوا المهربين والمحتكرين والمغتصبين والكذابين هكذا
كانت البلد تكون بخير وعافيه
ولكن
ولكن واه من لا كن
البلد تحكمها راسماليه طفيليه ليس الا
يا محمد ميرغني انت سنونك وقعت غناء شنو وفن شنو..
استغرب الواحد رجله والقبر ولسه بفكر يغني ولا يفكر في حسن الخاتمه.
فرفور امنجي خدم الرقاص زعلان عليهو في شنو….ثم الفن الذي تتحدث عنه أصبح قونان من زماااان وفوضى وتلوث سمعي وبصري…
ارحمونا قال غناء. الناس في شنو وانتو في شنو..
الحصه وطن لا شفناكم في ثوره لا في مظاهرات لا اعتصامات…
قطر عجيب قد بس بدون تباكي وارعاج
فلتذهب وأمثالك غير مأسوفاً عليك … ويبقى الوطن
قطر عجيب يودي ما يجيب !
في كل نكتشف مدى تغلغل الكيزان في مفاصل وأربطة البلد .. اتحفنا فناني الأغنية الواحدة ” الفرمالة ” ترباس وطرطور وزرزور وسالم بالنحيب والجعير على سوء الحال! كرونا داء اقعد كل العالم وعطل الجميع ما ممكن عدادكم على حساب الشعب