أهم الأخبار والمقالات

إعادة (9) من منسوبي النظام البائد بقرار من وزير الوزارة الثروة الحيوانية في وظائف عليا

أصدر وزير الثروة الحيوانية، حافظ إبراهيم عبد النبي قراراً قضى بإعادة (9) من رموز النظام البائد في مناصب رفيعة بالوزارة، كان قد تم فصلهم بقرار من وزير سابق بعد الثورة.

وأعربت اللجنة التسييرية للعاملين بالوزارة بحسب صحيفة (الحراك السياسي) عن رفضها القاطع لقرار الوزير بإعادة تعيين منسوبي النظام البائد بالوزارة، واعتبرت الأمر تجريباً للمجرب.

ووصفت اللجنة المناصب التي تم فيها تعيين رموز النظام البائد (بالحساسة) علاوة على أنهم كانوا في قيادة الوزارة خلال الفترة الماضية وأشارت اللجنة إلى أن من أعاده السبب الأساسي في أزمة صادر الماشية.

وأعلنت اللجنة عن قيامها بخطوات تصعيدية في حالة لم يتراجع الوزير عن قراره ويقوم بفصل من تم تعيينهم من رموز النظام البائد.

‫20 تعليقات

  1. التخبط الحاصل دا شنو
    تخبط فى بنك السودان المركزى
    تخبط فى وزارة الزراعه
    وماخفى اعظم
    اللهم نسألك لطفك
    اللهم فرجها على اهل السودان اهل الكرم والجود
    اللهم انتقم لأهل السودان من كل من سرق مواردهم وخيراتهم
    اللهم فوضناك أمر اهل السودان ووكلناك امرهم
    فااااتيهم بفرج من عندك
    وكفيهم شر كيد الكائدين وحسد الحاسدين وتربص المتربصين

    1. أصدر وزير الثروة الحيوانية، حافظ إبراهيم عبد النبي قراراً قضى بإعادة (9)
      الأسد والنمر والزراف و ٦ ضفادع

    2. أصدر وزير الثروة الحيوانية، حافظ إبراهيم عبد النبي قراراً قضى بإعادة (9) من رموز النظام البائد في مناصب رفيعة بالوزارة، كان قد تم فصلهم بقرار من وزير سابق بعد الثورة. الوزير الجديد ده شايت وين ياجماعه ؟؟؟ لجنة التفكيك تعمل في شنو ووزير الخراف يعمل في شنو؟؟؟ عدم تنسيق وتناقض واضح بين المؤسسات الحكوميه … علي لجان التفكيك مراجعة ما يجري في الوزارات … هذا من صميم عملها حسب القانون، حتي لا تتعارض القرارات …

  2. غايتو السودانيين حسودين جنس حسادة!!!!!
    اي واحد عايز يضر التاني!!!!!
    لو فصلوا زول تلقى بقية زملانوا فرحانين شديييد!!!!
    يا شافي اشفي السودانيين من داء الحسد والحقد المتأصل في قلوبهم….اللهم آمين يارب العالمين

    1. الموضوع مش موضوع حسد يابنت الدويم ، الموضوع موضوع تمكين كيزاني ومحارية التمكين الكيزاني . السودانيون عانوا من التمكين لثلاثه عقود … و الممكنين لا يريدون الفطام من الثدي الذي يرضعون منه وصاروا يصرخون ويبكون … ما الحل برايك ؟؟؟ ان شاء الله ماتكوني كوزه كمان !!!

    2. بت الدويم .. شكلك من اخوات نسيبة وتبع المتعافن!!
      ارتقي لمستوى الكندكات وخليك واعية
      الكيزان لا دين لهم ولا اخلاق
      فهمتي حبيبة قلبي

  3. أصلا الوزير الجديد دة ما عندو اى مؤهلات غير انو كان حارس عمارة في أمريكا وانو من ضمن كوتة الحركات ،، علاقتو شنو بالثروة الحيوانية

  4. ياهو هو انت بتاع سينما انتو ما تكونوا واضحين عايزن ايه قطع الغيار قلتو مافي طيب عاوزين ايه فهمونا يا اولاد بومبا

  5. اى شخص فُصل بعد الثوره وقبل يرجع شغلو اعرفوه كوز 100٪ فالكوز لا كرامة له ولا عزة نفس وامشى ليكم ابعد من كده ده1000000٪ما سودانى فالسوداني معروف بعزة النفس وما بيتلاعب بكرامتو مهما قدمة له من المغريات!!.

  6. هو عليكم الله وزارة الثروة الحيوانية دي شغلهاشنو؟ والبلد قاعدة تستفيد منها شنو إذاكان الصادر برجع من السعودية وهي ذاتها ما قاعدة تدخل شي في الخزينة العامة بل الدولة بتصرف عليها والمواطن الغلبان اللحمة يتفرج فيها في الجزارات وما قادر يشتريها في بلد غني بالثروة الحيوانية وحتى اللبن ده ما قادرين يشتروه

  7. كل الحكومة الحالية بما فيها وزير الثروة الحيوانية الجديد هى حكومة محاصصة وترضيات عكس ماذكرته الوثيقة الدستورية * بتكوين حكومة كفات * . هذه الحكومة الحالية سيكون هدفها الأساسي تطبيق برنامج الهبوط الناعم *المعاكس لبرنامج الثورة … ولو علمنا إنه الوزير الجديد من حصة حميدتى وربطنا الحكاية بما يشاع بأن حميدتى اشترى بنك الثروة الحيوانية وكلنا يعلم الاستنزاف الحاصل على ثروتنا الحيوانية وارتباط ذلك بدول محور الخليج حانفهم أهمية هؤلاء الحثالات فى تنفيذ سياسة الإستنزاف وليه وزير حميدتى مصر برجعهم رغم قرار لجنة تفكيك التمكين .

  8. كل الحكومة بما فيها وزير الثروة الحيوانية الجديد هى حكومة محاصصة وترضيات عكس ماذكرته الوثيقة الدستورية * بتكوين حكومة كفات * . هذه الحكومة الحالية سيكون هدفها الأساسي تطبيق برنامج الهبوط الناعم *المعاكس لبرنامج الثورة … ولو علمنا إنه الوزير الجديد من حصة حميدتى وربطنا الحكاية بما يشاع بأن حميدتى اشترى بنك الثروة الحيوانية وكلنا يعلم الاستنزاف الحاصل على ثروتنا الحيوانية وارتباط ذلك بدول محور الخليج حانفهم أهمية هؤلاء الحثالات فى تنفيذ سياسة الإستنزاف وليه وزير حميدتى مصر برجعهم رغم قرار لجنة تفكيك التمكين .

  9. ما قلنا الشغلة بايظه واهو محافظ بنك السودان طلع معاهو واحد تانى والله يا حمدوك شغلتك الله يكون فى عونه تسدها من هنا تنقد ليك من هنا العالم شغالة ضد توجاها الثورة عينك عينك ما عاملين حساب لاى شئ كانو من جابم لهذه المقاعد ليسوا هم لثوار ولاشهداء ولاءهم الى الان الى الكيزان اعمل حسابك يا حمدوك ويا رئيس مجلس الوزراء امثال هؤلاء لايمكن الاستفادة منهم ويجب خلعهم مهما كانت حزابهم التى رشحتهم يجب ان لاتكون هناك مجاملات فى الثورة وميادئها التى قامت عليها مع امثال هؤلاء .

  10. النوع ده جابوا فزع بقى وجع… ممكن تمشي معاهم مافي وزير في رأسه ريشه تذكر من أتى بك إلى هذا المنصب دماء الشهداء والثوار والشارع.

  11. تخبط واضح و عدم تنسيق بين الجهات الحكومية. .و لا ما عارفين شغلهم ؟؟ المحاصصات و التعيين في الوظائف العليا علي اساس حزبي أو قبلي هو أساس المشكلة ..أي وزير يثبت عدم كفاءته يجب علي حمدوك استبداله كما يجب علي كل وزير معرفة حدود صلاحياته كما يجب أن يكون هناك تنسيق بين الوزارات المختلفة و ان يكون هناك اجتماع أسبوعي لمجلس الوزراء تناقش فيه أداء كل وزارة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..