الرياض: الراكوبة
اتفق رئيس الوزراء د. عبد الله حمدوك، مع ولي العهد السعودي محمد بن سلمان، على إطلاق تعاون استثماري تنموي بين البلدين بصورة فورية.
ومن المقرر انعقاد اجتماعات ثنائية بين وزراء المالية والزراعة والثروة الحيوانية ومحافظي البنك المركزي من البلدين لتسريع خطوات هذا التعاون الاقتصادي.
وأكّدَ اجتماع بين حمدوك وولي العهد السعودي، على حرص المملكة العربية السعودية الشقيقة على أمن واستقرار السودان بما يُعزَّز تحقيق تطلعات شعبه، واعتزاز الحكومة السودانية بمواقف المملكة وحرصها على أمن السودان واستقراره.
وعبَّرَ رئيس الوزراء عن تقديره وشُكره للدور المهم الذي اضطلعت به المملكة العربية السعودية في دعم عملية السلام بالبلاد، فضلاً عن استضافتهم لمؤتمر أصدقاء السودان الذي خُصص لدعم عملية السلام، كما وجَّهَ دعوة لولي العهد لزيارة السودان. من جانبه أعرب صاحب السمو الملكي ولي العهد عن اهتمامه الكبير بتعزيز مجالات التعاون بين البلدين، مُعبراً عن تفاؤله الكبير بحكومة الثورة الثانية التي تأتي عقب اتفاق سلام السودان، وأنها تأتي انعكاساً للتنوع الكبير الذي عُرف عن السودان.
وجرى خلال اللقاء الإجماع على عمق العلاقات بين الشعبين الشقيقين والروابط التاريخية والجغرافية العميقة التي تربطهم مما يُحتِّم على قيادة البلدين تعزيز التعاون الثنائي بما يخدم المصالح الاستراتيجية للدولتين في كافة المجالات، التنموية والاستثمارية والمتعلقة بأمن البحر الأحمر.
زيارة سيئة التوقيت وزي الزفت
خصوصا بعد ظهور حقيقة ابومنشار
السعوديين ماقصرو من زمان بدعمو السودان ربنا يزيدهم بس نتمني الدعم يوصل للشعب يعني حكومة السودان ماتبلع الدعم طوالي زي حكومة بشه خلو المواطن يرتاح شوية
ههههه قمة السخف، نفس تحركات ود هدية في الشحدة والتسول والإنبطاح، استثمار في شكله وفي مضمونه إستحمار، كيف للسعودية أن تستثمر وهي بلاد فقط للنفط منتجة وهي اصلاً شعوب مستهلكة.
الإستثمار يا كدروك ما رأسمال فقط، الإستثمار هو تأهيل ما هو موجود في السودان من فرص وموارد بشرية كبيرة تطور مقدرات الأمة السودانية وليس إستثمار في مراعي برسيم تستهلك موارد السودان المائية الجوفية، وليس مصانع سكر تصدر لصالح المستثمر الأجنبي قبل المواطن، وليس بنوك أجنبية قامت على أنقاض البنوك والمؤسسات و الشركات الحكومية.
لكن نقول شنو في من يتولون السلطة فهم عملاء سوى كان يقصدون أو لا يقصدون، لأن العمالة تبداء حينما تتسول.
كلامك انت هو قمة السخف يا المدعو ابو جلمبو … ومن الذي يستثمر ؟؟؟ من يملك المال هو الذي يستثمر .. انت تملك الارض والثروة ولا تستطيع ان تعمرها او تستخرج خيراتها لقلة او عدم وجود المال …
ياخي بالعربي كده ممكن السعودية تمول ليك شبكة السكة حديد او المترو او شبكات الصرف الصحي او المطارات أو أو أو أو ……
وكيف يكون تاهيل ما هو موجود ؟ أليس بالمال أم بالتنظير من امثالك …؟؟؟
امة جنكم تنظير لا بتشتغلوا ولا بتخلوا الزول العايز يصلح البلد يشتغل …
الاستثمارات السعودية في السودان الآن تقدر بحوالي ٦مليار دولار، في المرتبة الأولى. اتفاقية ترسيم الحدود البحرية بين مصر و السعودية لا علاقة لها بالاستثمار في السودان. كل دول العالم تبحث عن مصالحها و السعودية ليست استثناءا. هنالك متغيرات سياسية مهمة بعد وصول بايدن إلى البيت الأبيض. حكومة بايدن الآن داعمة للفترة الانتقالية و التحول الديمقراطي في السودان. و لذلك دول الخليج و حتى مصر ستتبنى الموقف الأمريكي شاءت ام ابت. المحور السعودي الإماراتي المصري حاول تغيير مسار الثورة لمصلحة العسكر و بمباركة من ترمب. فض الاعتصام بالقوة و الدماء التي سالت و خروج الشعب في مليونية ٣٠يونيو، أثبت لدول المحور و لأمريكا أن هذه البلاد ستتغير إلى الأبد.
لا عسكر و لا كيزان و لا شيوعيين حيحكموا البلد دي تاني.
نحن الآن عند مفترق طرق، أما ننهض كشعب واحد و نترك التنظير و الكسل و الحسد و العنصرية و الجهوية و اما أن يأكل بعضنا بعضا و يتفتت السودان إلى أشلاء فاشلة يحكمها و يتمتع بثرواتنا بارونات الحرب و تجار المعادن النفيسة و المخدرات.
قبل التعاون الإستثماري يجب أن بطالب السودان بإلغاء أتفاقية إعادة ترسيم الحدود البحرية الأخيرة الموقعة بين السعودية ومصر والتي إعتبرت مثلث حلايب جزء من الأراضي المصرية مما حدي بوزير الخارجية الأسبق غندور بمناهضة هذا الإتفاق وعدم أعتراف السودان بهذا الإتفاق لما فيه من إنتهاكات لسيادة السودان الوطنية .
هذا هو الكلام الصحيح السليم مصر الخبيثة علي استعداد لبيع شرفهم وكل شيء حتي وطنهم وكل شيء ولهذا أدخلت منطقة حلايب في اتفاقية ترسيم حدودها مع السعودية ويظن ويعتقد شعب مصر أن اتفاقيه مع السعودية ستسكت السودانيين حلايب ارضنا وحقها اذا سلم شعب مصر أرضه وبلادة كلها لأي كان فهذا شأنه اما نحن فلا يا مصريين بإحالة الشعوب. ياريت يامرواد الحقيقة كل السودانيين زيك ياريت
التركيز على توفير المشتقات البتروليه الدائمه من المملكه الى السودان وبناء البنيه التحتيه من طرق داخليه وقوميه وشبكات مياه وصرف صحى وشوارع وارصفه ومحطات طاقه شمسيه .وكذلك بناء المطارات التى تليق بمكانة البلد وموقعها المتميز .
استغرب
لماذا لا نتجه للدول الاوربيه
وانشاء المصانع التي تجعل لمواردنا قيمه مضافه
مثل المسالخ
مصانع الذيوت
تطوير الميناء
مصانع تعليب الخضر والفواكهه
وكل الصناعات
لا نريد استئجار الاراضي واقامه مشاريع زراعيه او صناعه تتبع دوله اخري في اراضينا
الاخت لبنى تحيه طيبه .أنا عايش فى اوروبا 30 سنه ويمكننى الاجابه على سؤالك .السبب إنو لاتوجد إتفاقيه تبادل تجارى بين الدول الافريقيه و الاتحاد الاوروبى الافارقه من إستقلال دولهم من الإستعمار بيطالبوا بى إتفاقيه للتبادل التجارى مع أوروبا لاكن الخواجات رافضين و بيقولوا إنتو تشتروا مننا بس نحنا ما ملزمين نشترى منكم شئ و كل دوله اوروبيه تشوف مصلحته تشترى من اى دوله أفريقيه بمفردها. فيه خضروات من مصر و المغرب و لبنان بتدخل اوروبا بس بكميات بسيطه تكفى الاجانب العايشين هنا . مره اشتريت كيس كركدى بيعمل جك واحد بس بسعر خمسه دولار قلت لى صاحب المحل ياخى اجيب ليك شوال بى خمسه دولار بيشترى قال لى لا ما بشترى ليه مابتشترى قال لى الكركدى ده مزروع فى اسبانيا و اليونان و نحنا الاوروبيين سياساتنا نساعد بعض قبل الغريب حتى ولو بالخساره عشان نوفر فرص العمل.
هنا ظهرت تفاهة الكيزان وتفاهة الشويعين ولو عاوزين السودان يمشى للامام علينا ان نتخلص من الكيزان امثال مرواد العفن وناس ابو جلمبو وعادل
حمدوك لن يتلتفت لشيوعى او لكوز وينظر فقط لمصالح وطنه السودان ومصالحنا مرتبطة بتوثيق عرى الصداقة مع جيراننا والسعودية الصديق وقت الضيق تأتى فى المركز الأول
وخلى الكلاب تنبح والجمل ماشى
الأوطان لا تقتلها الحروب وإنما تقتلها عمالة أبنائها . فالذي يريد ان يصبح شيوعي أو أخو مسلم أو بعثي أو اتحادي سمي ما شئت هذا لا يضير الوطن في شئ وانما الذي يضير الوطن هم العملاء الذين يقفون مع المحتل المصري الذي أستطاع ان يحتل مثلث حلايب الذي تساوي مساحته ضعف مساحة دولة لبنان . بدعم من العملاء والخونة والمتأمربن علي وحدة السودان.
انتم بتوع كلام بس .علي طول تشتموا في مصر .بلدكم فيها كل الخيرات .اشتغلوا بس سب مصر وشتيمتها لاء .عيب كده .المصريين يحبوا الخير لكم
يا بخيت انت مهندس انت؟ عرفنا جواسيس وعملاء وعلوق مصر أي هندسة تخليك تقول السعودية عايزة تطور السودان بدل أن تشتم مرواد الحقيقة وأظنك اما مصري أو عميل للاجلاف ادرس كيف تفكر سوداننا عايز خبرات ومعدات وأفكار وهذه عند أوروبا الصين أمريكا وانا مستعد اعطيهم ٧٠ في المائة من عائد منتجاتنا لكنهم يعطونا خبرات وطنية مؤهلة واراضي جاهزة ومنتجة ومتوفر لها كل شيء طرق كهرباء مصانع .
يا مهندس فهمت؟ وثانيا هل السعودية عندها هذه القدرات ؟ وثالثا هل تعرف الاجلاف عايزين شنو من شعبنا؟ نزرع برسيم ونركع لهم ونشحذهم بترولا ومالا. !
الوطنية تعرف وطنك
احترم شعب السودان إذا عايز تشحذ اشحد لحالك بلدنا عزيزة وعلاقتنا مع العالم المتحضر هو أساس بناء السودان.
الكلب يا باشمهندس لو زهج بيعضى عرقوب الجمل يا سياتوا ياخى السعوديه دئ دوله فاشله ياخى دى زاتو ما دوله دى مملكه فى زمنا ده فيه ملك و ولى عهد و أمراء بعدين فشلهم ده واضح ياخى يكون عندهم القروش دى كلها و لسع عايشين فى الجاهليه الحديثه . بإختصار ما أى قرش بساعد فيه قرش بيوديك التوج و السؤال ليه عاوزين يدخلوا البلد هسع عاوزين مرتزقه ؟ دهب؟ حفظ مويه وش بعد حادثه المنشار؟ ترضيه لى بايدن؟ تلميع ود سلمان فى نظر المجتمع الدولى. غايتوا إحتمال واحد أو إتنين صحيح ميه الميه
تعليقات سلبية تعبر عن نفسية كاتبيها!!!!؟؟؟
لدينا الأرض والماء والثروات حيوانية وغابية وزراعية وثروات في الأرض وفي باطن الأرض ولدينا القوة العاملة وينقصنا المال والتقانات الحديثة فلابد من التكامل والتشارك مع الآخرين ليعود النفع على الجميع
والمثل بقول (اليد الواحده ما بتصفق) يعنى التعاون مطلوب بين الدول والكل متساوى مثلما هم عندهم المال انحنا عندنا الارض والثروات والمياه يعنى بالعربى نحن افضل منهم لان ثرواتنا باقية وهم ثرواتهم ناضبة لا تحقروا انفسكم ولا ما بيدكم انتم الاعلون لو كنتم تعلمون .
لا سلبيه ولا حاجه و لو عشمان فى ناس جاهلين دى مصيبه ياخى حقيقه بلدنا دى فيها خيرات فوق و تحت الارص معروفه لكل العالم من زماااان و ضيف عليها البلد كان فيها إستقرار أكتر من العندك اليوم و جماعتك ديل ما عملوا حاجه طيب ليه هسع عيونهم فتحت بإختصار مافى ملك بيدور ديمقراطيه جنب مملكتوا هم عرفوا زمن عمل أو دعم إنقلاب إنتهى و كمان التدخل فى بلاد العباد عن طريق الاخوان ، الوهابيه، محاربه الشيوعيين الكفار، و… و….و.، إنتهى بقى ليهم السكه دى و لو ما فتحت عيونك و عملت دستور دايم ينظم عمل الأجنبى فى البلد و إلتزامه بسياسات البنك المركزى بيتحكموا فيك ما طمع فى قروش فقط حمايه للنظام الأسرى الملكى .
السعوديين لو عايزيين اغرقوا السودان بالمليارات والبترول كان عملوها ولكن اخر تصريح لحميدتي بثلاثه مليار من السعودية والإمارات قمح وبترول ونصفها وديعة. بعد فض الاعتصام لا توجد وديعه وليس لديهم رغبه في دعم حكومة الثوره خصوصا الاحتجاجات ضد هذا الدول لوقوفهم مع العسكر. وظلوا طوال هذه المده يتفرجون في الأزمات ويزيدونها. وكذلك مؤتمر برلين لدعم السودان كان دورهم مخجل. وطلعو بمؤتمرهم وكان برضوا اكثر خجلا. ورجوع بواخر الضأن مستمره. زيارة مجلس الوزراء الحالية مجرد روتين ولكن هم ما مستعدين اغيروا مبادئهم. دعموا السيسي الانقلابي بسخاء عشان مصالحهم ومحاربة الديمقراطيه. وفاتورة الجنود يتحصل عليها حميدتي. أما إذا حمدوك وقع لزيادة المرتزقه وعقد طويل المدى. غيرذلك فهذا عشم الكلب في موية الابريق
تعليقات تدل على وعي هذا الشعب ومعرفة صديقه من عدوه الحقيقي حتى لو خان السياسيون والعملاء بلادهم لن يضيع الحق ولن تموت ارادة شعب
الاستثمارات السعودية في السودان الآن تقدر بحوالي ٦مليار دولار، في المرتبة الأولى. اتفاقية ترسيم الحدود البحرية بين مصر و السعودية لا علاقة لها بالاستثمار في السودان. كل دول العالم تبحث عن مصالحها و السعودية ليست استثناءا. هنالك متغيرات سياسية مهمة بعد وصول بايدن إلى البيت الأبيض. حكومة بايدن الآن داعمة للفترة الانتقالية و التحول الديمقراطي في السودان. و لذلك دول الخليج و حتى مصر ستتبنى الموقف الأمريكي شاءت ام ابت. المحور السعودي الإماراتي المصري حاول تغيير مسار الثورة لمصلحة العسكر و بمباركة من ترمب. فض الاعتصام بالقوة و الدماء التي سالت و خروج الشعب في مليونية ٣٠يونيو، أثبت لدول المحور و لأمريكا أن هذه البلاد ستتغير إلى الأبد.
لا عسكر و لا كيزان و لا شيوعيين حيحكموا البلد دي تاني.
نحن الآن عند مفترق طرق، أما ننهض كشعب واحد و نترك التنظير و الكسل و الحسد و العنصرية و الجهوية و اما أن يأكل بعضنا بعضا و يتفتت السودان إلى أشلاء فاشلة يحكمها و يتمتع بثرواتنا بارونات الحرب و تجار المعادن النفيسة و المخدرات.
اتفاق ووعود على تعاون استثمارى مجرد طرح فضفاض ، من المفترض ان يكون هناك مشاريع مدروسة وجاهزة يودع على طاولة المستثمرين
والله في ناس جالسة في الفارغة …. عايز يحط السفة ويتكي على الحيطة ويشمت في الناس اليوم كلو … انت ما عايز تعمر أرضك البور ولا عايز الغير يعمروا ليك ……
قبل 20 سنة المملكة طلبت تعمير وتأهيل مطار دنقلا والكيزان رفضوا … شوف حال المطار الآن (خرابة) …. لا بترحمو ولا بتخلوا رحمة الله تنزل.
لا حول ولا قوة الا بالله
يا عابر سبيل تحياتى و ارجوك طول يالك معاى . ابو سفه المتكل على الحيطه لو ما عمر بلدوا بى يدوا أحسن ما تتعمر من الغريب لانه الغريب ما جاك إلا عشان يستغلك و يستفيد هو براهو بعدين اى نوع من الغريب العاوز يعمر البلد ده أبو منشار و كتال العيال فى اليمن ياخى ما ممكن يكون وراهوا خير . الانسان العندوا أخلاق و ضمير و حب عمل الخير واضح أما الدب الداشر ده مافى شر فى التاريخ الحديث ممكن نقارنوا بيهوا . مطار دنقلا الكانوا عاوزين يعمروهوا قبل عشرين سنه و البشير رفض طيب أسأل نفسك ليه رفض و بعدين تعمير مطار دنقلا الفايده منو شنو غير الحوامه الكتيره من غير إنتاج نرجع ليك لى الشيطان ود سلمان ياخى ده عباره عن كميه من الجهل و الظلم و الغباء و قاتل النفس من غير حق أحسن ليك تبعد منو و غير كده نهايتوا و نهايه سعوديتوا كلها قربت . بعد كلامى ده أرجوك التفرقه بين رحمه الله النازله و العمل مع الشيطان البطلع زيت البلد.
السودان محتاج لدخول الإستثمار الاجنبى لاكن بعد إستعداد جيد و محكم مكتوب فى الدستور و ملزم لكل الحكومات المختلفه من أهم الأشياء أن يكون لا تمليك للأرض و وجوب أتباع سياسه البنك المركزى و على الاقل نصف العماله و الكوادر من السودانيين. ده الكلام الحلو.