نهب 6 أشخاص تحت دعاوى تبعيتهم لجهة نظامية، من باحث أمريكي وصحفية فرنسية 35 ألف جنيه وهاتفًا بغابة السنط في الخرطوم.
وكشف الباحث الأمريكي الذي يعمل ضمن مجموعة منظمة نساء دارفور للشرطة بقسم الخرطوم شمال، أنّ الحادثة وقعت بغابة السنط بالخرطوم، أثناء قيامه والصحفية الفرنسية برفقة مترجمة سودانية بالتنزه في الغابة.
ووفق صحيفة الانتباهة الصادرة، الأثنين، فإنّ الباحث الأمريكي سرد للشرطة قيام 6 أشخاص بتوقيفهم وإبلاغهم بتبعيتهم لجهة نظامية ووجوب تفتيشهم.
وأضاف أنّ الأشخاص قاموا بأخذ المبلغ وهاتف خلوي يخصه.
شد حيلكم واقيف عدل ياناس الشرطة لما السفارات الامريكية والفرنسية تستدعى روؤاسئكم ومابتشوف الا النور .. البلد ماشى ام فكوا ساكت كل حد شايل مسدس يرهب بة الناس وكمان وصلت ارهاب ضيوفنا اتحرك ياناس الشرطة لان السؤال البتسلوة صعب الاجابة علية
قبيل شن قنا اهو الطير اكلنا ياحكومة اوجدي حلا لغياب الشرطة والا ٠٠٠٠٠٠ ماادري سيكون اوكان مالاتحمد عقباه الناس ديل(الشرطة ) كانت لهم سيادة وهيمنه شلتوها منهم شوفوا حل
سيادة شنو وهيمنة شنو ولا ناس الشرطة ديل غير ارهاب المواطنين ما كانو قايمين بشي
أختلط الحابل بالنابل .
أها يا وزير الداخليه، قولك شنو؟
كمان منتظرين دعم من فرنسا وأمريكا شوفو لو ما طبقتو حد الحرابة والقطع من خلاف وقطع الإيدى لن تنعموا بالامن
الصلب فى مكان عام
مفروض غابة الحكومة يكون فيها مركز شرطة لانها تعتبر منطقة سياحية وروادها كثر فما المانع يكون فيها حتى ولو كشك للمراقبة ومتابعة المجرمين والمتفلتين الذين يتوجدون فى الغابة ويرهبون فى الزوار ما المانع يا مدير الشرطة والمفروض يكون فيها كذا نقاط مراقبة حتى تكون منطقة آمنة للزوار والسواح .
كمان تتحدثوا عن جلب إستثمارات وشركات أجنبية في ظل مخاطر أمنية أنتو قايلنهم ما حيضعو كل هذه الأشياء في الحسبان عندما يريدون الإستثمار في بلد معيّن، بلد غير آمن ومصنّف الثامن بين الدول الأعلي فساداً.