أفصح الشاعر المرهف والمعروف حاتم حسن الدابي، عن أسرار الأغنية الشهيرة التي كتبها وترنم بها العملاق عبد القيوم الشريف، والتي تحمل اسم “ساري الليل”، وتقول في مطلع كلماتها (ما شفت عوض تابع النجمات فات لِقدام يا ساري الليل)، وقال حاتم حسن الدابي في سرده لقصة الأغنية: “طبعاً هي قصة حقيقية طفل اسمه عوض في المنطقة هناك زول محبوب لدى الجميع ومعروف عبارة عن معلم في الحلة، يلاقيك في اليوم 5 أو 6 مرات، اتفقد في أيام فيضان 88، أمه وأبوه كانوا في بورتسودان وهو كان قاعد مع حبوبتو، في البلد، كان أيام الدميرة والبحر مضايق الناس والناس فوق الجسور بيجي يقعد معاهم فوق الجسور لحدي ما المغرب يأذن يمشي يرجع لِحبوبتو في البيت، ففي أحد أيام الفيضانات ديك عوض ما رجع فجات حبوبتو تسأل منو بعد المغرب، تسأل الناس فوق الجسور يا أخوانا عوض ما جاكم بِجاي عوض ما شفتو بِجاي، فمن اليوم داك عوض ما اتوجد والناس فتشو كل المناطق، حتى الجثث الوجدوها في البحر عوض ما كان فيها، يعلم بيهو ربنا هو الآن وين، والزمن داك أنا كنت في دارفور في الفاشر وجيت إجازة حضرت أيام الفيضانات ورجعت لما جيت راجع في “89”، لقيت عوض ما اتلقى فكانت يا ساري الليل ما شفت عوض تابع النجمات فات لِقدام”.
المواكب
حاتم الدابي بتاع يا البشير فوقك مانا مفرطين. واحد ارزقي مهما قال من شعر جميل فإن تلك القصيدة فيك يا البشير مانا مفرطين نسفت كل تاريخه.
صحيح الفن قضية لا يعبروا عنه المرتزقة