وجه مجلس السيادة، الإثنين، تحذيرا قويا لجهة حزبية وبؤر “تتربص بالسودان وتسعى لزعزعة استقراره”.
وقال عضو مجلس السيادة؛ الفريق ركن ياسر العطا “لن نسمح لأي جهة حزبية أو أي بؤر أن تتربص بالسودان أو تسعى لتدمير وزعزعة وحدته السياسية والأمنية”.
وواجه العطا، هتافات ضده من لجان المقاومة في عطبرة غداة احتفال اقيم الأحد.
وأكد العطا في حديث لضباط وضباط صف وجنود المدفعية بولاية نهر النيل “قدرة القوات المسلحة على حماية الأرض والمحافظة على أمن ووحدة البلاد ومكتسباتها من المتربصين بها”.
وأضاف عضو مجلس السيادة أن القوات المسلحة تعمل على تحقيق خيارات الشعب لتنعم البلاد بالأمن والاستقرار، مؤكدا أنها “ستظل سنداََ وعضداََ للشعب”.
وأشاد العطا بـ”تضحيات منتسبي القوات المسلحة الذين قدموا أرواحهم رخيصةََ من أجل السودان وعزته وكرامته”، مؤكدا أن “القوات المسلحة ستقدم أرتالاً من الشهداء حتى ينعم السودان بالأمن والإستقرار والسلام”.
ياسر العطا عندما ينكشف الغطي.
متمني يوم واحد من هولاء ان يسمي الجهات (الحزبية و الاجنبية) التي تتربص بالسودان حتي ناخذ بالنا منها و نتربص بها نحن ايضا. اما الكلام العام البدون سند من مقررات عمر البشير و امثاله فلم يعد له مكان
الناس كرهتكم عشان اللف والدوان بتاعكم والكلام المغطغط وفاضي وعدم الشفافية وكل كلامكم حمال اوجه لا يصنع استقرار ويتسبب في مزيد من البلبلة كمسؤل يا تقول كلام واضح وصريح يا تصمت
والله الواحد ما يصدق انه واحد زيك يصبح رقم في السودان ويتحدث عن الحزبية والتربص … يا أخي التربص لو موجود فهو تربص العسكر … منطق القوة والسلاح الذي اشتريناه لكم من دم الغلابة لتذبحونا به
العسكر السودانيين هم طفليات تعتاش على دم الشعب السوداني منذ ان أسسها المًستعمر المرتزق غردون باشا.
يا ياسر العطا انا عايز اعرف مين الغبي الاشار عليكم تقربوا من الاعتصام وتقتلوا الشباب والله لو ارجعتم الفشقة وحلايب وشلاتين وطلعتم المريخ في يوم واحد لن تجدون حاضنة اجتماعية في السودان والشعب السوداني اصبح لايشوف فيكم غير يوم القيادة و دوس كرامته امام بوابات القيادة ده كوم والنكران واللف والدوران كوم تاني !!!!!!! ياخي انت والمجموعة المعاك عار على جبين الجيش والشعب السوداني و العملتوا بايدكم يغلب اجاويدكم
نصيحتي للعسكر
اذا اردتم حكم السودان فاعملوا ليكم مدرسة علوم سياسية في الكلية الحربية لان السياسة علم ولست جربندية والافعليكم بثكناتكم.
في هذا الزمن الحكم لمن يعلم وليس للاقوياء..
معروف المقصود
دا له علاقة بالزفة التي عملها له ابطال المقاومة في عطبرة
مسكين ماعارف ان كل الناس ضده وضد مجلسه العسكري منذ مذبحة فض الاعتصام
الشاعر يوسف الدوش
نفس الزول الكاتل ولدك.
حاكم بلدك
نفس الزول القاتل ولدك..
شال لي روحو الفاتحه وقلدك
حاكم بلدك
(رمز سيادة)
شال من ايد الكوز (السوط والسلطه) وجلدك
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
#مجزرة_القيادة_العامة
نفس جهاز الامن والخوف
هم بي أمرك (فضو قيادة)
وقامت ثورة
وحصدت لجنة.!
فاخر عيش الوزراء الجونا
بس في الغالب كعبة العجنة
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة
حصدت من ارواح اولادنا الطاهرة
#مجزره_القياده_العامه
#القصاص_ااشهداء