أهم الأخبار والمقالات
حميدتي: السياسة طلعت “زيتنا”، وأصبحنا نتسول العالم
دقلو: طعم الديموقراطية حلو جداً
جدّد نائب رئيس مجلس السيادة، الفريق أول محمد حمدان دقلو حميدتي، الدعوة لضرورة توحيد كلمة أهل السودان ونبذ الفرقة والشتات لبناء سودان قوي ومتحضر ومتقدم.
وانتقد دقلو، خلال كلمته في إفطار سلطنة دارفور بصالة دينار الملكية اليوم الاحد، الأوضاع في السودان متحسراً على إهدار العديد من الموارد بسبب الخلافات السياسية.
وتابع بالقول: “السياسة طلعت زيتنا وأصبحنا نتسول العالم لمساعدتنا”، مشيراً إلى أن السودان غني بموارده المختلفة وبقليل من الجهد سيصبح في مقدمة الدول التي نهضت.
وقطع دقلو بعدم حدوث انقلاب مجدداً مثلما يروج البعض، وشدد على أهمية تناسي الخلافات الحزبية والتخوين وإطلاق الاتهامات جزافاً، مطالباً بمحاكمة المفسدين والمجرمين.
وتابع: “لو حميدتي أفسد يدخل السجن ليلحق بالبشير”. مؤكداً على أهمية المضي بالبلاد قدماً وصولاً إلى انتخابات حرة ونزيهة يختار فيها الشعب من يمثله وأردف بالقول: “طعم الديموقراطية حلو جداً رأيناها في الشعوب الأخرى”.
وطالب حميدتي رجال الأعمال السودانيين بأداء دور فاعل للخروج من الضائقة الاقتصادية التي تأذى منها المواطن كثيراً.
وأضاف “رجال الأعمال مختفين و يجب أن يكون لهم دور”، متقدماً بالشكر للشعب الذي تحمل الكثير في سبيل التغيير نحو الأفضل.
ولفت إلى أن السودان الآن في المسار الصحيح بعد الخروج من العزلة الدولية بمساعدة الأصدقاء في الولايات المتحدة و(الترويكا) والأشقاء في الدول العربية، مشيداً بجهود الدول العربية والاتحاد الأوروبي وإسهامهم في خروج السودان من قائمة الدول الراعية للإرهاب.
من جانبه قال سلطان عموم دارفور، أحمد حسين علي دينار، إن السلطنة درجت على إقامة إفطار رمضاني سنوي لجمع كل قيادات البلاد وجمع الصف الوطني، مشيداً بجهود قائد قوات الدعم السريع الفريق أول محمد حمدان دقلو، في تحقيق السلام بالسودان.
قبل ماتمسكو الحكم الكيزان كانو ممشين البلد والحياة كانت أرخص مقارنه بعهدكم الحالي
فعلاً هوهوهوهو…. قلنا ليكم الجوع ولا الكيزان. إنتو بتفهمو ولا لأ؟!
وده بهَوْهِوْ مالو يا ناس؟
انبح ملئ فيك ايها الكلب لا احد يسمعك… فعلا انت كلب !!من غيركم دمر السودان وعذب وشرد وقتل اهل السودان؟!!!! من وراء الغلاء والبلاء المتفشي غيركم ايها اللعين؟ فعلا ان لم تستحي افعل ما تشاء
كنت تتسول انت ود هدية اللص
انا ماسمعت الكلام بس كنت اتمني اسمع منك الترويكا دي قلتها صح ولا غلط غيركم فى زول هرب ونهب موارد البلد تضجك على مين ياحميرتى
هههههههههههههههههههههههههههههه راعي إبل ومجرم جنجويدي يقول سياسة والله أنت لاتستطيع سياسة حمار أرجع لأصلك وأهلك التشاديين وأهل النيجر أنتم دخلاء وعملاء وصنيعة كيزانية وكل الملشيات الجنجويدية تأكل من عرق المواطن وكل المواد البترولية تذهب للجنجويد لإستخدامه في تهريب السلع والذهب يجب كنسكم أنتم وبرهان الأمارات !!!
التسول بفهم احسن من بيع المرتزقه والركوع ودفع الجزيه. مساعدة الجياع واللاجئين والنازحيين في السودان اهم من التفكير في البناء والتطور. اقبض لينا واحد من البخلقو الازمات عشان نقول عليك عادل يا سلطان دقلو. العايز الديمقراطيه فعلا بفكر في المساواة مش القبليه والمكوك والسلاطيين والشراتي والشيوخ لبناء دولة التخلف والغباء. حرام عليك السودانيين ازكى من كده. انت جربت فض الاعتصام
الشيطان يعظ
طيب الجابرك عليها شنو؟
ههههههههه… سؤالك منطقي الجابرو شنو ومين الضربو في يدو
ما انت تخصصك بقر وحمير ودا تخصص بطلع عرق وبس ، قمت زورت التخصص حقك و بقيت تشتغل في تخصص بطلع زيت والنتيجة كلنا دفقنا دم.
في ناس بفتكروا لحدي اليوم التعليم بس في المدارس والجامعات وقاعات المحاضرات وما بعرفوا غير الجعجعة والكلام الفاضي. المزارع البعزق الوطة عالم في مجالة، الراعي البصر البهايم عالم في محله، حبوبة البتضفر البرش عالمة في محلها ودي كلها ضرورات انسانية كلها بحتاجها الانسان. وفي كمان ناس الربنا اداهم اكتر من موهبة. اكان فلان كان بتاجر خيش ما ياهو بقي رأس مالي كبير الا ربنا يرحمه. وداك العنده عصاره زيت بجمل بقي اكبر تاجر زيوت وصاحب مصانع.وكان علي السلطة ما في ناس كانو الطيشه في مدارسهم حكموا البلد دي وحققوا فيها استقرار ولو نسبي – و ديل اخير من ناس عدوا نفسهم اولاد زوات دمروا البلد دي لمن وصلوها لاهاي. واذا حميدتي، جدد الدعوة لضرورة توحيد كلمة أهل السودان ونبذ الفرقة والشتات لبناء سودان قوي ومتحضر ومتقدم الكلام دا عيبه شنو ؟. ولا المسألة فيها ان…..
حميدتي من حقه يحكم مثله مثل اي سوداني لكن عبر صناديق الاقتراع وبالطرق المعروفة , لكن ليس عن طريق الابادة الجماعية والتطهير العرقي وفض الاعتصامات السلمية وفرض نفسه علينا بقوة السلاح!!! قل لي كيف حميدتي كيف اصبح فريق اول في الجيش وهو لم يمر حتي برتبة جندي نفر رسمية؟
حميدتي أمل الأمة… رجل بسيط و واضح وشاطر….. قال ليكم طعم الديمقراطية حلو جدا
حميرتي مجرم وقاتل وسارق موارد البلاد وهو صنيعة كيزانية لحماية الشاويش البشير وكيزانه والكلام ده واضح ومسجل وموثق ومافي داعي للغتغتة والتملق والمجرم يظل مجرماً حتى ينال جزاءه وأرجوك لا تلبس المجرم ثوب الملاك وكل الشعب السوداني والعالم يعلم من هو الشاويش الجديد حميرتي !!!
Forget abut ‘politics’ and tell us what do you think about the tow
Gongress men call for a ONE ARMED FORCES and liquidation of milicia forces?
هو صادق وشجاع وقال نحن فشلنا اذن العيب في نحن لأننا لم نأتي بالبديل بعد اعلان الفشل
آخ…تفوووووووووووو
على السياسة التى عرفتها انت ايها المجرم الجاهل
حميدتي دة اكبر مستكرد و مستهبل و محتال … حميدتي بعد ما حلب جبل عامر من الدهب و كرتة الدهب قام سلموا للحكومة الان تحول المنطقة سنقو دي كمان دهب و نحاس … ينقب و يهرب ….
كل هذا الحديث يسبق مؤتمر باريس ولسان حاله يقول أنا بفهم في السياسة خذوني باريس أعطوني مجالاً أنا هنا …
بسبب هذا الرجل والبرهان السودان كل السودان سوف يعاني وتتوقف عجلة التنمية ونماء الوطن … إلا……؟؟!!
هل ننتظر ثورة جديدة أم وجوه جديدة …؟؟ ولا أدري كيف صمت وكيف وقع أبناء دارفور على السلام ولا نرى سلاما ولا استقراراً حتى هذه اللحظة ، ومنذ 2003 م ناضلوا من أجل قتل وإبادة 300.000 نفس … هل انتهت مأساة دارفور بتسليم أبناء دارفور للمراكز الحيوية في الدولة ؟؟!!
الذين وقعوا على السلام حديثهم باهت وفاقد لروح الثورة ؟ هل صحيح حملة السلاح أصلهم كيزان أبناء الترابي؟؟!!
يا للعار إذا انقضت جذوة النضال في التوزير والكراسي ؟؟!
يا للعار وضياع حق المسحوقين والمقهورين والشهداء …
يا للعار ونحن نرى وطننا يباع ويسرق؟؟!!
هذا المدعو حميدتي … يستعبط على الشعب .. في كل لقاء يشتكي الحرامية للشعب … طيب يا نصاب الشعب فوضك للقضاء على لصوص المؤتمر الوطني . ليه بتشتكي للشعب.. لو ما قادر عليهم زح وورينا ليهم نحن بنقتص منهم … مش كل مرة تجي تتباكى وتشتكي للشعب الكلام ده يعتبر حماية منك للمفسدين