أكد الخبير الاقتصادي أستاذ الاقتصاد بالجامعات السودانية د. محمد الناير أهمية مؤتمر باريس، المنعقد فى الفترة من السابع الى الثامن عشر من مايو الجاري فى العاصمة الفرنسية باريس بالنسبة للاقتصاد السوداني.
وأعرب الناير فى تصريح ل (سونا) عن أمله في أن تكون الحكومة السودانية قد استعدت استعدادا يليق بأهمية هذا المؤتمر وذلك من خلال انتخاب مشروعات يحتاج اليها الاقتصاد السوداني بصفة أساسية خاصة مشروعات البنيات التحتية كالطاقة الكهربائية التي تأثر تأثيرا مباشرا في كافة الأنشطة الاقتصادية بالبلاد بجانب البنيات التحتية الأخرى التي تدعم مسيرة الإنتاج الزراعي والحيواني والصناعي كالطرق الجسور وغيرها وذلك لدفع عجلة الإنتاج إلى الامام.
وطالب المجتمع الدولي وشركاء السودان الدوليين بالوفاء بالتزاماتهم المالية تجاه السودان لجهة أن مخرجات المؤتمرات السابقة لدعم السودان كانت دون الطموح خاصة أن التحديات التي تواجه الاقتصاد السوداني كبيرة مستعرضا عددا من التحديات التي تواجه الاقتصاد السوداني والتي من بينها الاختلالات الهيكلية وارتفاع معدلا التضخم لمستويات قياسية وانخفاض اسعار صرف العملة الوطنية امام العملات الاخرى بجانب الضغوطات المعيشية التي يعاني منها إنسان السودان مؤكدا على أهمية اطلاق برنامج وطني في الداخل يتم تنفيذه بامكانيات وموارد البلاد المتاحة دون انتظار لهبات المجتمع الدولي وزاد وأي منح أو قروض ميسرة تأتي من الخارج تكون إضافة لهذا البرنامج الوطني الخالص.
وقلل الناير من أهمية الاعتماد على المجتمع الدولي لافتا الى ضرورة التركيز على الحلول الداخلية خاصة أن السودان دولة غنية بالموارد في شتى المجالات، منوها الى ضرورة تبني سياسات اقتصادية متوازنة من شأنها مخاطبة جذور المشكلة الاقتصادية السودانية بوضع الحلول الناجزة للتشوهات التي يعاني منها الاقتصاد السوداني داعيا الى إنشاء بورصة للذهب باعجل مايكون لتثبيت أسعار العملة الوطنية مع تحفيز المغتربين لجذب تحويلاتهم من خلال القنوات الرسمية بجانب تهيئة البيئة الاستثمارية لجذب رؤوس الأموال الداخلية والخارجية مع استنفار القطاع الخاص الوطني للقيام بدوره الطليعي في دفع مسيرة التنمية الاقتصادية بالبلاد.
سونا
انت اصلا لو مشيت بكلام نظري كتير ذي ده المؤتمر الخواجات ما بدوك حاجة لكن لو مشيت بتصورات لي مشاريع جاهزة في شكل بروبوزال proposals مكتوب وجاهز فيهو مكتوب فيهو اسم المشروع والأهداف خطة العمل ومدته ومؤشرات نجاح المشروع وم وميزانية المشروع بشكل تفصيلي. مثلا
1- ألمانيا ما حتحل ليك مشكلة الكهرباء لكن قدم بروبوزال لشركتهم شركة سيمنز هي شركة ربحية خليها تقدم هي البروبوزال مع التكلفة وخلي الميزانية يكونو ملزمين بدفعها المانحين الناس ديل مشغلين الخليج ده كلو بي مولدات حرارية تعمل بالنفط الخام ارخص وأنظمة تبريد هوائي عالية جدا تناسب ظروف الحر ومناخ البلد.
عندهم طواحين هوائين تحل ليك مشكلة دارفور والبحر الأحمر عندهم طاقة شمسية اعمل ليهم مصانع هنا الرملة راقدة اصنعو ليك الواح في سودانك ده واوصلوها ليك اي بقعة نائية. الكهرباء اساس الإنتاج والزراعة والصناعة واي حاجة ما حليتوها حقو ما تجو من باريس.
٢_ انت في فرنسا ومافي أجمل واحسن من شبكة مترو أنفاق للمواصلات العاصمة القومية تتبناهي الحكومة الفرنسية وده مشروع بتم في سنة واحدة بس اول حاجة هو مشروع ربحي بدخل قروش للدولة وبفتح وظائف للشباب وبقلل أزمة الوقود والصرف في دعم الوقود والمشهد القبيح لتجمع الناس متكابسين في الشوارع مع كرونا منتظرين المواصلات. وبرضو داير كهرباء طبعا. امشي بروبوزال جاهز الزم بيهو المانحين.
٣_لو الحاجات ما اتعملت بشكل صحيح وكان في خطتة وناس متخصصة ماشة موش شخصيات سياسية بدل وكرفتات وتصريحات ما حتعبر وما حتنتصر ويكون كلامكم ونسة وشغلكم طين في طين واستطواناتكم مشروخة.
متخصصون بدرجة امتياز في الشحتة والتسول ولا ينجزون شبئا.
يا الخبير الناير دايما اذكر زمن الانقاذ كلما اقرأ لك تحليل مقرون يصورتك فقد ظللت لعقود في كلام الهوا بتاعك ده يااخي شويه ريحنا وفكنا من نطك في حلقنا كلما الواحد يدور يقرا تحليل اقتصادي !! هو مافي غيركم في الخرطوم ؟؟ سبحان الله