خبير اوروبي يسخر من ضخامة الوفد السوداني لمؤتمر باريس

الزول ده كلامو صاح وعايزكم تستفيدو من الفرصة دي لا ومو شنو مية وخمسة نفر تكاليف سفر وإقامة وما فيهم ٥ في المية خبراء اعرضو حوجتهم شنو؟؟؟؟ الرسميين ما ازيدو من خمسة وما اتكلمو كتير واهدرو زمن الاجتماع بي كلام فارغ زول كل الناس هناك اصلا فاهمينو عشان كده دعوك عشان اساعدوك ما تكسبو لينا مواقف وتلمو لينا في شخصيات وهمية ده ما وكتو ولا بجيب دخل حسي باقي الزمن اكونو لناس فنيين عندهم بروبوزلات جاهزة اعرضو بشكل مختصر واسلم النسخ للمانحين واتابعو.

انت اصلا لو مشيت بكلام نظري كتير ذي ده المؤتمر الخواجات ما بدوك حاجة لكنو بعتبروك انت ذاتك ما عارف مشكلتك ولو ادوك قروش بتضيعها ساكت بالذات على خلفية اداءك الاقتصادي السئ في الفترة السابقة. بعدين الخواجة ده لو اداك قروش لي حاجة وانت صرفتها لحاجة تانية تاني ما بديك سنت واحد لو كسرته رقبتك بالذات لو ما اديتو فاينانشيل وبروقرس ربورت. بهتمو جدا بالمان ديت بتاع المشروع.. والمانحين كلام السياسة والحلم ما عندهم ليهو حاجة بخلوك تلعلع وبنومو في المؤتمر لو ما جاي بخطة عمل ومتابعة وميزانية جاهزة وما بدوك حاجة، والناس بتكون مستنياك هنا فاتحة خشمها ومترقبة لانوانت شحنتهم بانو باريس حتحل ليهو مشكلتهم وحيحبطو لمن القو واقعهم اسود.

الحل انك تمشي بتصورات لي مشاريع جاهزة بقائمة أولويات جاهزة.
في شكل بروبوزال proposals مكتوب وجاهز مكتوب فيهو اسم المشروع والأهداف خطة العمل ومدته ومؤشرات نجاح المشروع وم وميزانية المشروع بشكل تفصيلي. وعشان تكتب كلام ذي ده وتعرف ميزانية المحتاج ليهو لازم تكون اصلا اتصلته بالشركات العالمية الحتنجز المشروع ده واخدته منها الميزانية والخطة ومدة العمل والجدوي والموافقة المبدئية وكتبته الكلام ده وسلمتو للمؤتمر.

1- ألمانيا ما حتحل ليك مشكلة الكهرباء لكن قدم بروبوزال لشركتهم شركة سيمنز هي شركة ربحية، وعندها خط إنساني قدم البروبوزال مع التكلفة وخلي الميزانية يكونو ملزمين بدفعها المانحين مع الشركة وهم اقومو بكتابة الفانشيل ربورت، وبعداك انت تابع.
الناس ديل مشغلين الخليج ده كلو بي مولدات حرارية تعمل بالنفط الخام ارخص وأنظمة تبريد هوائي عالية جدا تناسب ظروف الحر ومناخ البلد.
عندهم طواحين هوائين تحل ليك مشكلة دارفور والبحر الأحمر عندهم طاقة شمسية اعمل ليهم مصانع هنا الرملة راقدة اصنعو ليك الواح في سودانك ده واوصلوها ليك اي بقعة نائية. الكهرباء اساس الإنتاج والزراعة والصناعة واي حاجة ما حليتوها حقو ما تجو من باريس.

٢_ انت في فرنسا ومافي أجمل واحسن من شبكة مترو أنفاق للمواصلات العاصمة القومية تتبناهي الحكومة الفرنسية وده مشروع بتم في سنة واحدة بس اول حاجة هو مشروع ربحي بدخل قروش للدولة وبفتح وظائف للشباب وبقلل أزمة الوقود والصرف في دعم الوقود والمشهد القبيح لتجمع الناس متكابسين في الشوارع مع كرونا منتظرين المواصلات. وبرضو داير كهرباء طبعا. امشي بروبوزال جاهز الزم بيهو المانحين.
٣_لو الحاجات ما اتعملت بشكل صحيح وكان في خطتة وناس متخصصة ماشة موش شخصيات سياسية بدل وكرفتات وتصريحات ما حتعبر وما حتنتصر ويكون كلامكم ونسة وشغلكم طين في طين واستطواناتكم مشروخة

مرتزقة الغرب سبب كل المشاكل و انهيار البلد

ظنوا انهم حكموا البلد.

ماشين يتفسحوا علي حساب دماء الشهداء

دي السبهللية والبلادة الوصلتنا للحال ده
وين الخبير الأممي حمدوك من كوميديا اب زهانة دي ؟
السفلة البجم ديل مستعدين يبيعو السودان شبر شبر