أخبار مختارة

علي عثمان يتحدى لجنة إزالة التمكين

تحدى النائب الأول لرئيس الجمهورية السابق، علي عثمان محمد طه لجنة إزالة التمكين أن تبرز مستندات ووثائق صحيحة وقانونية تثبت صحة ادعائها الكاذب ضده، بتمويل بناء منزله من قبل جهاز الأمن والمخابرات، بستة ملايين دولار.

وقال “طه” في بيان مقتضب انتشر أمس الثلاثاء، حاولت اللجنة المذكورة تبرير ما أقدمت عليه من إخراج أسرتي من المنزل(رقم 135 -الجريف غرب)

مضيفاً: أقول -لتلك اللجنة -مباشرة وبوضوح تام أن عليها أن تبرز للرأي العام المستندات والوثائق التي تثبت صحة أدعائها الكاذب وأنني على يقين قاطع بأنها لن تفعل لأنها لاتستطيع إثبات كذب اليوم أوغد أو في أي وقت لاحق لأنها لاتملك دليلاً واحداً على صحة ما تدعيه -وهي تعلم ذلك.
التيار

أخبار ذات صلة:

جهاز الأمن يشيد فيلا فخمة لعلي عثمان تكلفتها 3 مليون دولار

جهاز الأمن يؤجر منزل في الرياض بـ10 آلاف جنيه شهرياً؛ يتركه خالياً، ويرفض دفع الإيجار لصاحبته الأرملة

 

 

‫26 تعليقات

  1. يللا هاتو الدليل الخاص بجهاز المخابرات أما الأرض فالافتراض أنها في اسم الحكومة من غير تسجيل فعلي وعبء الاثبات على الحرامي اللص المتنفذ اثبات كيفية أيلولتها له من الحكومة أو الارث أو الهبة أو الشراء (القلع ما معانا)!

  2. ونحن نتحداه أن يثبت هو من أين له قيمة هذا القصر الذي قدر تكلفة بناءه بـ 6 مليون دولار ، وحديثه في البرلمان عن مخصصاته كنائب لرئيس الجمهورية ليس ببعيد وبالصوت والصورة .

  3. اولا أيها الغبى الكاذب الضال المضل هل أنت أيها الكاذب الأشر هل أنت معترض على المبلغ أم معترض على الجهة التى مولت المنزل .. ؟؟ فإن كنت معترض على هذا المبلغ الضخم فقل لنا كم كلف أما إن كنت معترض على تمويل جهاز الأمن فوضح ذلك حتى يتبين الأمر .. !! ثم لاتنسى انك وبعضمة لسانك وفى ردهات مجلسكم النيابى عندما اوردت فى تمثيليتك الساذجه مرتبك ذكرت ضمن استقطاعات مرتبك إستقطاع ايجار المنزل الذى تسكنه واوضحت انك تسكن فى بيت حكومى ..!!
    وبعدين أنت لو صادق أبرز للناس مستندات ملكيتك لهذا البيت أما تمثيلية تصوير اسرتك فى الشارع فهذه بلاهة لاتليق بأسرة سودانية عندها قيم وأخلاق وإن كنتم قصدتم أن يتعاطف معكم الناس فتأكد ياعلى عثمان أن الشعب السودانى كله وعن بكرة أبيه قد كرهك أنت شخصيا .. انت بيت المزرعه وينو ..؟؟ ودى شنو الفضيحة السواها ولدك ده فى قناة الجزيرة .. مشش كان أحسن تربيه بدل ما تسمن فى الكتايب عشان تكتل ولاد الناس..!!

  4. فار الفحم دا في البرلمان بتاعهم الكيزانى قال مرتبو هو ١٠ الف جنية وهذا مبلغ زهيد جدا
    انحنا في نفس الوقت كان مرتباتنا ٣ الف جنية وبنشحد عشان نتم الشهر
    طيب هو عندو اسرة كبيرة ومصاريفو كتيرة فمن اين له ال٦ مليون دولار
    تبا للكيزان السراقين اينما حلو
    تبا لقتلة الانفس هؤلا
    اعلان الحركة الإسلامية حركة ارهابية مطلب شعبي

  5. كذب على عثمان هو مثال حي لنفاق وكذب الكيزان
    وكيف و قد ذهب شيخه للسجن حبيسا
    وهل هي مصادفة ان يكون علي عثمان و شيخه متزوجان
    من ال المهدي !!!!!!!

  6. والله جداد قحت الاكتروني لسه عنده نفس يتكلم..
    والله انتو معتوهين! الناس بتموت بالجوع وماسكين لي في تصفية حساباتكم واحقادكم حريقة في علي عثمان وفيكم..
    خلونا من بيت على عثمان ومن ما عارف ايه وقولوا لينا موصلننا وين.. قسما عظما في كثير من الاسر لايام لا يوقد في بيتها نار والاطفال جاعووووووووووووووا الكلام البتقولوا فيه دا كلنا اتخدعنا بيه قبل سنتين والليلة نقول يا حليل الاهبل عمر البشير لأنو بكل المقايس افضل منكم مليون مرررة، واقول ذلك بصدق، يا من سرقتم الثورة وعبرتم للمناصب عبر دماء الشهداء
    الاولاد الاستشهدوا ديل استشهدوا عشان وليداتنا الجيعانين ديل ما يجوعوا ولكن للاسف.

  7. الحل يكمن في نزع السلاح التام من كل المليشيات والدفاع الشعبي, على الا يسمح بغير القوات المسلخة السودانية من امتلاك السلاح. هذا يمكن لن يتم اذا توفرت الارادة السياسية والالتزام بالوثيقة الدستورية التي تنص على جيش واحد تحت امرة قائد عام , ولاؤها للوطن وليس الا.

  8. خلاص وقعتوا فى الشرك بجهلكم و الجماعه نجحوا يلهوكم بى سفاسف الإمور 6 مليون دولار نستكم ال60 مليار و موضوع حميدتى و تكوين مؤسسات الدوله و الما عندوا حيل للإمور دى جارى ورى الحله.
    موضوع فار الفحم ده خلاكم كدايس ما أكتر و لا أقل والبتفرجمع الشفع يوم الجمعه فلم طوم أند جيرى بيتفرج فى فلم قصه حياتوا من غير وعى . البلد باظت خلاص.

  9. فأر الفحم كان يشترك مع لصين اخرين أحدهما كان حديث عمل ببنك فيصل الإسلامي قبل 89 في سرقة السُكر من مخازن البنك في أثناء الليل، و من كان يقود لهم سيارة التكاسي هو من ذكر لي هذه الحقيقة و كان كل من هؤلاء اللصوص الثلاثة يتقاسمون مبلغ السرقة بعد بيع السُكر في سوق العُشرة بالخرطوم حينما كان يقيم فأر الفحم في بيت مُستأجر في امتداد الدرجة الثالثة بالخرطوم، اتحدى فأر الفحم ان ينكر هذه الحقيقة.

  10. فأر الفحم كان يشترك مع لصين آخرين (توفي احدهم الذي كان حديث عهد عمل ببنك إسلامي شهير كان هو من مهّد لدخول الكيزان في العمل التجاري بصورة عامة و من سن سنة إحتكار قوت الشعب السوداني بصورة خاصة)، كان هؤلاء اللصوص الثلاثة يمتطون سيارة أجرة صفراء قبل إستيلائهم في جُنح ظلام الليل و يسرقون عدد من حوالات السُكر من مخازن هذا البنك و من ثم يتقاسمون مبلغ بيع السُكر في سوق حي العُشرة بالخرطوم و هو ليس ببعيد من حي إمتداد الدرجة الثالثة حيث كان يقيم فأر الفحم في منزل مُستأجر.
    هل تتذكر إحدى مغامراتك الشيطانية هذه يا فأر الفحم؟، أم ان بريق و نعيم السلطة جعلك تمحو من ذاكرتك كل تفاصيل حياتك البائسة قبل 89 كما محوت حديقة الحيوان من شارع النيل؟!

  11. رحم الله السلف الصالح
    احدهم جاء مكلفا باداره ولايه وواول وصوله وقف فيهم مخاطبا (هذا حماري ومتاعي واذا خرجت منكم بغير هذا فاشهدوا اني سارق لكم)….
    وبعد انتهاء مهمته خرج منهم بنفس المتاع الذي جاء به

    اين انت من هذا المثال

  12. كنت اتمني لو استطيع ان اضع هنا صورة من مستند واحد من مستندات والدي (بعد اقالته للصالح العام في 1989و الذي كان يشغل منصب رفيع قبل مجيئكم) ظل يطالب فيه فقط بشهادة خبره لسنوات (من الوزارة التي انتمي اليها وخدم من خلالها بقاع كثيرة في السودان (المشاريع التي نفذها حتي الان لم ينفذ مثلها وتفتخر بها حكومتك الفاشله الظالمه) ولايوجد من يستجيب!!

    قال بيت قال! كان قلت ليك تبيت في الحراسه،فانت اصلا بايت فيها ولكن نسال الله ان تبيت في جهنم ونساله الله عز وجل ان ينتقم منكم اشد الانتقام وان يرينا فيكم كل الالم الذي عشناه ورايناه في وجه والدي وهو يسعي من اجل لقمة عيش كريمه ..

    اكتب هذا حتي يعلم ابناءكم ممكن يظن انه قد ظلم، بانكم كنتم اباليس في هذا البلد، وان ما يخدث لكم الان لايمثل ذرة مما فعلتموه لاسر ممتده كثيرة. ونحن لايرضينا ان تتم معاملتكم هكذا لان جميع كسبكم كان بسبب سلطتكم فينبغي اخذ كل اموالكم لانه بالمقابل لم يستطيع من حاربتمون ان يجمع من الاموال التي توفر له رغد العيش، ولكنه القانون الذي نحترم ونمتثل له.

  13. يا جهلول ططيب لو ما مولو ليك جهاز الامن يكون ايران او احد البنوك المحلية ولو عملتا عمرك كلو ما بتقدر تدفع الاقساط لانو مرتبك بعد الخصومات كما ذكرت بعظمة لسانك بسلموك ليهو اخر الشهر 10 مليون و300 جنيه وخمسة قروش
    ولا مش كدا
    وبعد دا كلو ابرز لينا المستندات البنيت بيها المنزل وامتلكتا مزرعة واسطول عربات يا اكل لحوم الاسود والكلاب

  14. اذا اختلف اللصوص ظهرت المسروقات
    لن يستطيع علي عثمان تبرير مصدر أمواله .
    و لن تستطيع لجنة ازالة التمكين اثبات تمويل جهاز الامن لبناء القصر المشيد

    ما اشبه الليلة بالبارحة

  15. اللهم مالك الملك ..
    تؤتى الملك لمن تشاء وتنزع الملك ممن تشاء
    وتعز من تشاء وتذل من تشاء…
    أسأل الله العلى القدير أن يرينا قدرته في كل من ظلم وأذل الشعب السودانى ..
    والديان لا يموت….وكلنا ثقة فى أن عدالة السماء ستأخذ مجراها مع كل الظالمين …

  16. اللهم مالك الملك ..
    تؤتى الملك لمن تشاء وتنزع الملك ممن تشاء
    وتعز من تشاء وتذل من تشاء…
    أسأل الله العلى القدير أن يرينا قدرته في كل من ظلم وأذل الشعب السودانى ..
    والديان لا يموت….وكلنا ثقة فى أن عدالة السماء ستأخذ مجراها مع كل الظالمين …
    يللا ياعلى عثمان ورينا شطارتك ومكرك مع عدالة السماء !!!!!!

  17. اللهم إنا لا نسألك رد القضاء ولكن نسألك اللطف فيه .. اللهم لا شماتة ، بالله عليكم يا جماعة أنظروا في وجه هذا المخلوق والسواد الذي يعتريه … الذي يدعو للغرابة هو فاكر الشعب السوداني غبي وليس فيه من ينازعه الذكاء أسوة بمعلمه وأستاذه المقبور ، عموما” ربنا بالمرصاد لهم واحداً تلو الآخر ولن يفيدهم هذا العويل والصياح .. أرجى الراجيك وشيل شيلتك وأركز .. قال كتائب ظل قال

  18. وانت يا تربية “موز القرود ولحم الأسود” زي ما قال الهالك حسن الترابي ممكن تقول لينا البيت جبتو من وين وبنيتو كيف ؟ والعجل الهطلة البيتكلم ده ما قادر يجمّع ليهو حرفين على بعض ما عارف إنك مجرم وقاتل ومغتصب وناهب .. أحمدو الله إنو لجنتكم الأمنية في السيادي حفظتكم في كوبر لأنو لو لقيناكم برة أقسم بالله عود القذافي ما عندنا ليكم حاجة قاتلكم الله يا حثالة يا رمم

  19. انتو يا ناس الراكوبة الظاهر عندكم غربال لغربلة التعليقات التي تخافون من نشرها، والا خفتو من بت ابو كلام؟

  20. قسما بالله العمل القبيح والحرام باين في وجهك القبيح ٠أنس رضي الله عنه قال: قال رسول الله صلى الله عليه وآله وسلم: ((وجدتُ للحسنة نورًا في القلب، وزَينًا في الوجه، وقوة في العمل، ووجدتُ للخطيئة سوادًا في القلب، وشينًا في الوجه، ووهنًا في العمل)) فعلا حكم الاخوان كان فيه وهنًا في العمل فساد ورشوه ومحسوبية وابادة جماعية

  21. يا ناس خلوا في قلوبكم شوية رحمة أولاد علي عثمان ذنبهم شنو يتشلهتو كدة. حرام عليكم. وين النخوة السودانية. يتشردوا أولاد وشابات بريئين زي ديل ليه؟ نحنا وين اصلو ! في غابة؟
    لجنة التمكين دي بس شغالة قلع لبيوت ناس اشتغلت و ضحت سنين طويلة عشان تبني البلد دي اخرتها يرموا اولادهم في الشارع.
    د.جبريل ابراهيم وزير المالية زاتو اتعاطف مع أسرة الاستاذ على عثمان لانو البحصل دا ما بشبهنا .

  22. يقول الكيزان ملاعين لا خلق لا دين كذلك الجنجويد والجبهة الثورية والاصم والدقير ومريم الصادق:

    شابات وشباب بريئين؟؟؟؟؟؟؟ هَهم لامن شباب وشابات متكلين في البيت الحكومي السرقوا ابوهم ليه كمان بشفعهم؟؟ ما يمشوا يشتغلوا ولا يمشوا السكن البستاني داك؟؟ بعدين ادوهم انذار بالاخلاء العبط في شنو؟؟ وكما تدين تدان ياما الكيزان طردوا ناس من بيوتهم وكمان ملكهم حلالهم بلالهم او من بيوت حكومية استحقوها وكمان طردوهم بدون إنذار ثانيا كوزك جبريل المرتزق دباب خلبهو يحن على ناس المعسكرات اللي تسبب هو كمتمرد ومع اخوانه الكيزان كحكومة في تشرديهم وقتلهم واغتصاب بناتهم ونساءهم وكمان يحن على الشعب السوداني الكل يوم برفع ليهو في اسعار الوقود وايعار الكهرباء وهم اساس كل شيئ وكل سلعة

  23. مفروض اسرة على عثمان تبرز شهادة بحث بملكية المنزل واى مستندات عقود ملكية وشهادة من المقاول المنفذ تثبت أن على عثمان هو من دفع له تكاليف المواد والمصنعية
    بعد كده مافيش اى كلام
    لو ما عندهم شهادة بحث باسمهم تسأل تسجيلات الأراضى من هو المالك
    لو طلع حكومة السودان يخرجوا منه
    لو طلع على عثمان ماحدش يقدر يخرجهم ولو خرجوا اليوم القضاء يرجعهم بكره
    نحن عاوزين اخوتنا فى تفكيك التمكين يكونوا متمكنين من افعالهم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى