مكتب الضغط الثورى
قوي السادس من ابريل المدنية
السادة المكلفين للفترة الانتقالية بين قوسين (قحت) بكل الاحترام والتقدير وبكل حقوقي الدستوريه والقانونية التي منحتها لي ثورة ديسمبر المجيدة بدماء الشهداء الرحمة والمغفرة للشهداء في عليائهم دعواتنا بعودة المفقودين إلى أهلهم سالمين عاجل الشفاء للمصابين في البدء عايز اقول ليكم في الماضي كان لدي سؤال كنت عايز اسألو للنظام البائد المباد بس مالقيت الفرصه دي لانو اي نظام يستخف بعقول الشعب السودانى نهايتو السقوط كويس طيب انتهينا من الماضي صفر سطر جديد ماذا عن الحاضر نفس السؤال ونفس الظروف المعيشية الصعبه للأسف ما كنت متوقع اسأل نفس السؤال لحكومتنا الجبناها عشان تبل الكيزان والمجرمين الذين ينهبون ثروات الشعب السؤال هو هل تعتقدون أن الشعب السوداني مركب قنبور لماذا دائما يعتقد الذين يجلسون على كراسي الحكم انهم افهم مننا وأنهم على حق عايزين تفسير حقيقي لفشل الاقتصاد رقم اننا دوله غنيه بالموارد حاجه تتطير العقل كيف نكون فقرانييين وجعانيين وعيانيين في بلد فيها موارد زي دي كيف ياناس لو ضربنا مثل بسيط لبعض الموارد المعروفه والموثقة فى معلومات العالم اننا اغني دولة فى العالم هو فى زول ماعارف حتى الطفل المولود اليوم من بطن أمه عارف الكلام دا طيب الموارد هي
الثروه المائية والسمكية بين قوسين صدرو مويه بس والله ينعش الاقتصاد
الماشيه صدر جلود براها ثم لحمة مجزئه ومغفله كل دول العالم بتعمل كدا
الجلود
الرمله
الاراضي الصالحة للزراعه تصور رجل الاعمال الراجحي كان زارع قمح صدر الالف الاطنان من القمح الجيد بنجيب قمح وارد لشنو نحنا
الصمغ العربي دا براهو اغلى من الذهب
القطن اه اه اه والف اه وجعتي على البترول الابيض
السكر تصور بصدرو وبجيبو تاني يبعوا لينا بعد الاضافات
زيت الفول
زيت السمسم دا بشترو بره فى الصيدلايات علاج وبالعملة الصعبه
الذهب
اليورانيوم
السياحة والثقافة
وووووووووو الي مالا نهايه هي عملية حسابية سريعة للغاية لو في دوله وعندها منتج واحد بس خام ممكن تطلع منو اكتر من منتج اتخيلي مع ياصديقي كمية الثروات والاصناف الممكن اطلع منها اكتر من صنف ومنتج عالي الجوده اذن ثروات الي ما لا نهاية ماممكن انسان طبيعي واعي عاقل يتخيل او يصور انو السودانيين يموتوا من الجوع أو يموتو من العطش فى ارض النيلين اكتر من 9 انهار موجوده في البلد دي اراضي بالملايين صالحة للزاعة السعوديه بتمتلك مشروع اسمو المراعي بصدر اللبن لدول الخليج فى مزارع صناعيه ونحن بنمتلك 68 مليون راس ماشيه ومراعي طبيعية وماقادرين نشرب لبن خليهو انو نصدرو معقوله ياخي ياناس ياشعب نحن الحارقنا انو ليه بعد دا نحن تعبانيين يجيك زول حمار يقول ليك والله من الشعب كيف من الشعب المزراع هجر زراعتو بسبب عدم الاستقرار والامان والحرب عدم الدعم عدم التامين عدم الترحيل بسبب حاجات كتيره واهمها السكك الحديدية (القطارات) عدم التخطيط و الاستراتجية الناجحة للدوله للاسف .
برضو عندي مداخله للسيد وزير الماليه له الاحترام والتقدير ح انتقدو لانو سياسة الانتقاد بتدي نتايج مضمونه يا وزير الماليه انت فى بيانك وفى المؤتمر فى سونا بتتكلم انو ح يكون في استثمار رقم عدم الاستقرار بس انا عكسك تماما لاني بستند لمعلومات واقعيه عن الوضع الراهن وممكن اكون غلطان برضو لاني حتي ما دكتور في الاقتصاد زيك انا مواطن سوداني بسيط عايش فى الوضع الكعب الموجود في بلدنا و اوجه كلامي برضو للسادة المحترمين في قوي الحرية والتغيير واقولكم المشكلة الحقيقة هي بناء القوات المسلحة الجيش دا ما جيش برهان ولا زول هو جيش من الشعب عشان كدا سميه بقوات (الشعب المسلحة) هي حجر الاساس لبناء دوله قويه مستقره مهيكله يجب عرض هيبتها وقوتها وتماسكها جيش واحد قيادة واحده لوطن واحد عشان نقدر نبني بها باقى أجهزة الدوله التي تقوى الاستقرار كالشرطة والنيابة والقضاء وجميع الأجهزة العدلية عشان يكون الناتج دولة القانون ومن خلال الكلام دا
ان بقدر اضبط التهريب والخارجين عن القانون والبهربو الذهب والمعادن او أي شي يضر باقتصاد الوطن بقدر احاسب أي زول مهما كان وظيفتو فى الدوله في الوطن ما ح يكون فى زول اقوي من القانون لمن نفرض هيبة الدوله حتي الدول المجاوره ح تعمل لينا الف حساب لو داست لينا علي طرف
سيدي وزير المالية الساده قوي اعلان الحرية والتغيير وجود اكثر من جيش يعرض المواطن للخطر ويهدد الامن القومي والناتج لا استثمار في الوطن ستقوم الدول الصديقة باجلاء لمواطنيها من بلادنا اعتقد انها ما عايزه درس عصر.
ثانيا لم تكن هنالك شفافيه ولا عدل في توزيع المناصب كلمة مناصب طبعا تقسيم الكيكة اما بفهمي والدستور انها تعني التكليف للذين قمنا بتكليفهم لخدمة الشعب والوطن اتفقنا جميعا على أن تكون الفترة الانتقالية لحكومة الكفاءات الناس البتقدر تطلع البلد من الأزمة ويجب ان تكون فترة التكليف تكون 3 سنوات فقط ويرشح الاخر عبر انتخابات نزيهة عشان كدا لازم يكون في قانون واضح بين في دستور جمهورية السودان يجيزه المجلس التشريعي لتكليف الوظائف الرئاسية والوزارية
القبلية مشكلة حقيقية
طالما كنت ابدا فى مقولاتي
بالشعب المخضرم الواعي البطل معلم الشعوب في الثورات هذا اللقب كان باعتراف وبشهادة كل دول العالم نحن شعب الحضارة والعادات والثقافات والديانات والالوان المختلفه الرائعة تخيل معي فقط لو كان هنالك استقرار مع هذه الثروه نعم الثقافة هي ثروه سياحية عشان كدا ذكرتها فى الاعلي لاكتشاف حضارة مملكة كوش الفراعين وتاريخ المماليك مملكة النوبة والبجا والفونج وقبائل الدينكا والشلك ثروة من الثقافة سادتي لا يمكننا تصورها اعلان واحد فقد عن ارض الحضارة حنلقي كل العالم جاي السودان عشان يكتشف تاريخ مملكة كوش بس كيف ونحن اعداء نفسنا
نعم الدوله عدوة نفسها ونتتبع ……….
حسن عمران عمر
مكتب اعلام قوي الضغط الثوري
قوي السادس من ابريل المدنية
قوي السادس من ابريل المدنية
السادة المكلفين للفترة الانتقالية بين قوسين (قحت) بكل الاحترام والتقدير وبكل حقوقي الدستوريه والقانونية التي منحتها لي ثورة ديسمبر المجيدة بدماء الشهداء الرحمة والمغفرة للشهداء في عليائهم دعواتنا بعودة المفقودين إلى أهلهم سالمين عاجل الشفاء للمصابين في البدء عايز اقول ليكم في الماضي كان لدي سؤال كنت عايز اسألو للنظام البائد المباد بس مالقيت الفرصه دي لانو اي نظام يستخف بعقول الشعب السودانى نهايتو السقوط كويس طيب انتهينا من الماضي صفر سطر جديد ماذا عن الحاضر نفس السؤال ونفس الظروف المعيشية الصعبه للأسف ما كنت متوقع اسأل نفس السؤال لحكومتنا الجبناها عشان تبل الكيزان والمجرمين الذين ينهبون ثروات الشعب السؤال هو هل تعتقدون أن الشعب السوداني مركب قنبور لماذا دائما يعتقد الذين يجلسون على كراسي الحكم انهم افهم مننا وأنهم على حق عايزين تفسير حقيقي لفشل الاقتصاد رقم اننا دوله غنيه بالموارد حاجه تتطير العقل كيف نكون فقرانييين وجعانيين وعيانيين في بلد فيها موارد زي دي كيف ياناس لو ضربنا مثل بسيط لبعض الموارد المعروفه والموثقة فى معلومات العالم اننا اغني دولة فى العالم هو فى زول ماعارف حتى الطفل المولود اليوم من بطن أمه عارف الكلام دا طيب الموارد هي
الثروه المائية والسمكية بين قوسين صدرو مويه بس والله ينعش الاقتصاد
الماشيه صدر جلود براها ثم لحمة مجزئه ومغفله كل دول العالم بتعمل كدا
الجلود
الرمله
الاراضي الصالحة للزراعه تصور رجل الاعمال الراجحي كان زارع قمح صدر الالف الاطنان من القمح الجيد بنجيب قمح وارد لشنو نحنا
الصمغ العربي دا براهو اغلى من الذهب
القطن اه اه اه والف اه وجعتي على البترول الابيض
السكر تصور بصدرو وبجيبو تاني يبعوا لينا بعد الاضافات
زيت الفول
زيت السمسم دا بشترو بره فى الصيدلايات علاج وبالعملة الصعبه
الذهب
اليورانيوم
السياحة والثقافة
وووووووووو الي مالا نهايه هي عملية حسابية سريعة للغاية لو في دوله وعندها منتج واحد بس خام ممكن تطلع منو اكتر من منتج اتخيلي مع ياصديقي كمية الثروات والاصناف الممكن اطلع منها اكتر من صنف ومنتج عالي الجوده اذن ثروات الي ما لا نهاية ماممكن انسان طبيعي واعي عاقل يتخيل او يصور انو السودانيين يموتوا من الجوع أو يموتو من العطش فى ارض النيلين اكتر من 9 انهار موجوده في البلد دي اراضي بالملايين صالحة للزاعة السعوديه بتمتلك مشروع اسمو المراعي بصدر اللبن لدول الخليج فى مزارع صناعيه ونحن بنمتلك 68 مليون راس ماشيه ومراعي طبيعية وماقادرين نشرب لبن خليهو انو نصدرو معقوله ياخي ياناس ياشعب نحن الحارقنا انو ليه بعد دا نحن تعبانيين يجيك زول حمار يقول ليك والله من الشعب كيف من الشعب المزراع هجر زراعتو بسبب عدم الاستقرار والامان والحرب عدم الدعم عدم التامين عدم الترحيل بسبب حاجات كتيره واهمها السكك الحديدية (القطارات) عدم التخطيط و الاستراتجية الناجحة للدوله للاسف .
برضو عندي مداخله للسيد وزير الماليه له الاحترام والتقدير ح انتقدو لانو سياسة الانتقاد بتدي نتايج مضمونه يا وزير الماليه انت فى بيانك وفى المؤتمر فى سونا بتتكلم انو ح يكون في استثمار رقم عدم الاستقرار بس انا عكسك تماما لاني بستند لمعلومات واقعيه عن الوضع الراهن وممكن اكون غلطان برضو لاني حتي ما دكتور في الاقتصاد زيك انا مواطن سوداني بسيط عايش فى الوضع الكعب الموجود في بلدنا و اوجه كلامي برضو للسادة المحترمين في قوي الحرية والتغيير واقولكم المشكلة الحقيقة هي بناء القوات المسلحة الجيش دا ما جيش برهان ولا زول هو جيش من الشعب عشان كدا سميه بقوات (الشعب المسلحة) هي حجر الاساس لبناء دوله قويه مستقره مهيكله يجب عرض هيبتها وقوتها وتماسكها جيش واحد قيادة واحده لوطن واحد عشان نقدر نبني بها باقى أجهزة الدوله التي تقوى الاستقرار كالشرطة والنيابة والقضاء وجميع الأجهزة العدلية عشان يكون الناتج دولة القانون ومن خلال الكلام دا
ان بقدر اضبط التهريب والخارجين عن القانون والبهربو الذهب والمعادن او أي شي يضر باقتصاد الوطن بقدر احاسب أي زول مهما كان وظيفتو فى الدوله في الوطن ما ح يكون فى زول اقوي من القانون لمن نفرض هيبة الدوله حتي الدول المجاوره ح تعمل لينا الف حساب لو داست لينا علي طرف
سيدي وزير المالية الساده قوي اعلان الحرية والتغيير وجود اكثر من جيش يعرض المواطن للخطر ويهدد الامن القومي والناتج لا استثمار في الوطن ستقوم الدول الصديقة باجلاء لمواطنيها من بلادنا اعتقد انها ما عايزه درس عصر.
ثانيا لم تكن هنالك شفافيه ولا عدل في توزيع المناصب كلمة مناصب طبعا تقسيم الكيكة اما بفهمي والدستور انها تعني التكليف للذين قمنا بتكليفهم لخدمة الشعب والوطن اتفقنا جميعا على أن تكون الفترة الانتقالية لحكومة الكفاءات الناس البتقدر تطلع البلد من الأزمة ويجب ان تكون فترة التكليف تكون 3 سنوات فقط ويرشح الاخر عبر انتخابات نزيهة عشان كدا لازم يكون في قانون واضح بين في دستور جمهورية السودان يجيزه المجلس التشريعي لتكليف الوظائف الرئاسية والوزارية
القبلية مشكلة حقيقية
طالما كنت ابدا فى مقولاتي
بالشعب المخضرم الواعي البطل معلم الشعوب في الثورات هذا اللقب كان باعتراف وبشهادة كل دول العالم نحن شعب الحضارة والعادات والثقافات والديانات والالوان المختلفه الرائعة تخيل معي فقط لو كان هنالك استقرار مع هذه الثروه نعم الثقافة هي ثروه سياحية عشان كدا ذكرتها فى الاعلي لاكتشاف حضارة مملكة كوش الفراعين وتاريخ المماليك مملكة النوبة والبجا والفونج وقبائل الدينكا والشلك ثروة من الثقافة سادتي لا يمكننا تصورها اعلان واحد فقد عن ارض الحضارة حنلقي كل العالم جاي السودان عشان يكتشف تاريخ مملكة كوش بس كيف ونحن اعداء نفسنا
نعم الدوله عدوة نفسها ونتتبع ……….
حسن عمران عمر
مكتب اعلام قوي الضغط الثوري
قوي السادس من ابريل المدنية
