أخبار السودان

السُّودانيون في قطر ينتقدون تكلفة الجواز (الدولارية)

الخرطوم: بهاء الدين عيسى

أبدى مواطنون سودانيون بدولة قطر استياءهم من الرسوم الجديدة التي تم فرضتها السفارة على استخراج الجوازات التي وصلت لمبالغ كبيرة جداً.

وقال مقيمون إنهم تفاجأوا بنشرة تضمنت الموجهات الجديدة لإستخراج الجوازات نص البيان
تعلن سفارة جمهورية السودان بالدوحة (قطر) بأن رسوم معاملات استخراج الجوازات إعتباراً من الأحد 1 /8 /2021م وفقاً لتوجيهات الجهات المختصة ستكون كما يلي:

  • جواز عادي 10 سنوات 200 دولار.
  • جواز طفل 5 سنوات 100 دولار.
  • جواز تجاري 10 سنوات 500 دولار.

وفي الخرطوم كانت الإدارة العامة للجوازات والهجرة، قد أعلنت عن تمديد فترة سريان الجواز الإلكتروني السوداني لتكون صلاحية الجواز الجديد (10) سنوات ابتداء من الأول من أغسطس المقبل.

وحددت قيمة الجواز للكبار من عمر (18) عاماً فما فوق ب(10) آلاف جنيه، وأقل من (18) عاماً إلى خمسة أعوام بمبلغ (5) آلاف جنيه.
التيار

‫7 تعليقات

  1. صحيح ان المبلغ كبير مقارنة مع ما يدفعه المواطن في السودان وحتى فيما سبق اذ ان الواجب المساواة خاصة وان هذا المغترب يدفع ضرائب لم يحد مقابلها اي حوافز يعني قيمة الجواز بالسوداني ( تسعون الف جنيه) ومع ذلك يطالب بتحويل عن طريق البنوك،، ،، انا عن الزيادة ارتفت للضعف باعتبار الفترة امتدت الى عشرة سنوات يعني مافي زيادة

  2. ناس قطر و الخليج احمدوا ربكم عندكم سفارات بتجدد ليكم جوازاتكم نحنا في الهند سفارتنا عاجزة عن تجديد الجواز الالكتروني و ووزيرة خارجيتنا لافة العالم ما عارفة حجم معاناة الطلبة هنا يعن نسافر السودان عشان نجدد جوازاتنا و لا شنو جددو لينا قبل سنة لمدة سنة بختم و الان السنة انتهت الحل شنو يا سفارتنا و يا وزيرتنا

    1. ليست وزيرتكم او وزيرتنا
      دى وزيرة حمدوك(ربما حمدوك مغلوب على أمره)
      ووزيرة عسكرالكيزان والجنجويد
      بإرادة الخمارات ومهلكة ال سلول والمصاروة

  3. يعني حكومة السجم دي ما خلو بلد ما رسلوا ليها وفد من اعلي مستوي حتي يسافروا بالطيارات عشان يعيدو علي بعض زيما عمل حميدتي و مي قال يعيد علي البرهان في حلته ما ترسلو وفد من الداخلية يلف السفارات دي يجدد للناس جوازاتهم ده شنو الناس الما عندها احساس دي يا مريومة و يا حمدوك عوووووووووووووووووووووووووووووووووووووووووووك اولوياتكم شنو يعني فهمونا بس

  4. طيب ما هي الجهه التي فرضت الرسوم هل القرار بيد القنصل ولا وزارة الخارجية بالسودان مع وزارة المالية هي من تحدد ………. المدرسة السودانية بقطر ايرادها يعادل ايراد محليات بوسط العاصمة اين تذهب هذه الاموال حزب الهبوط الناعم متناغم مع الكيزان

  5. لسه مسلسل الإبتزاز والنهب من جيوبنا مستمر وهذه التي تسمى سفارة لا تشبه سفارات الدول الأخرى في شيء معاملة زي الزفت وعدم إحترام ولا تعين جاليتها أو تساندها بأي خدمات صدقوني يا جماعة الخير لسه ما سقطت ….
    ما عافين ليكم من حقوقنا تدخل عليكم بالساحق والماحق .

  6. الدولار الان سعره ثابت ما الداعي لهذا التفاوت الكبير بين الرسوم بالجنيه مقارنة بالدولار وهل هذه الرسوم الدولارية فكرة السفارة ام وزارة الداخلية
    كنت اتوقع تغييرا في معاملة المغتربين للاحسن بعد الثورة لكن الظاهر العقلية التي تدير امورهم هي نفسها
    يجب مراعاة ان احوال المغتربين ليست كالسابق

زر الذهاب إلى الأعلى