الخرطوم ـــ رشا التوم
أقرّ وزير الطاقة جادين علي عبيد باستمرار برمجة قطوعات الكهرباء، وقال “نحن نعمل بحسب قدرة البلاد والاقتصاد وليس هنالك أي إهمال أو تقصير”.
وأكد جادين لـ(الصيحة) أن لديهم مشاريع كاملة في تأهيل البنية التحتية في قطاع الكهرباء، وأضاف “نحتاج إلى أكثر من 3 مليارات دولار لمشروعات الكهرباء لإنتاج 50% من الطاقة إضافية للطاقة المنتجة حالياً”، وأقر بحوجتهم لوقت طويل للوصول إلى الطاقة القصوى لتوفير كافة الاحتياجات من الكهرباء، وتابع “مافي زول واقف عن العمل وكل ما ظروف البلد اتحسّنت سيشهد قطاع الكهرباء مزيدا من الاستقرار”.
ونفى جادين ما تداولته وسائل إعلام بشأن توجيه رئيس الوزراء انتقادات له بسبب ضعف رؤية الوزارة بشأن قطوعات الكهرباء وإمهاله 6 أشهر لمعالجة إشكالية قطوعات التيار، مؤكداً أن حمدوك لم يجلس معه ولم يوجه له انتقادات حول ضعف الرؤية ولم يمهله 6 أشهر لمعالجة قطوعات الكهرباء.
الصيحة
قول حسب قدرتك لان قدرة البلاد كبيرة ولا يوجد وزير لديه شجاعه لاتخاذ قرار ولا خطة عمل كلام حمدوك واضح هنالك دعومات اممية للبنية التحتية واموالها جاهزة ماذا اعددتم لهذا الملف
انت لست سوى وزير جاهل بامكانية ومقدرات البلاد على إنهاء أزمة الكهرباء ولكن هو الفشل حليفكم دائما . وكما كتب الأخ حسب قدراتك انتا . فاشل
اما آن لك ايها الوزير المتخبط في قرارته وبياناته ان تستقيل ؟؟؟
لو كنت في بلاد تمارس الديمقراطية حقاً لقدمت استقالك طوعاً ولصفق لك المواطن .
اللهم ارحم شعب السودان
والله يا جادين شكلك خطوطك مع الطاقة دى ما موفقة وسوف تحرق دمنا ساكت عشان كده رجاء اختاها عسى ولعل ربنا يرزقها بواحد يقدر يتعامل معاها احسن منك ولكن شكلك من النوع اللى ما بيستقيل باخوى واخوك عشان كده دايرلك مليونية تشيلك وتشيل حمدوك معاك لانو الاتنين ما بتحسوا بمعاناة الشعب قاعدين فى الطراوة ومخلين الشعب يقلى من الحر وقطوعات الكهرباء .
انت لو قدرتك محدودة استقيل البلد امكانتها كبيرة جدا لكن ما قادرين تديروها نفسي اشوف وزارة شغاله صح الكيزان حتى اخر يوم طلعه من الحكومه ما كان في اي برمجة قطوعات بعد الكيزان الحصل شنو الجاب لين البرمجه شالو المولدات معاهم ولاشنو يا اخي انت فاشل وجاي تنتقم من المواطن الجابك وختاك في محل انت ماقدره === اتخارج الله لا رحمك