شيكاغو – الراكوبة
أفاد شاهد عيان الراكوبة بأن ويسترن يونيون تحارب حكومة الثورة من خلال عرض قيمة للدولار أقل كثيراً مما تعرضه البنوك في السودان، ويدفع هذا الأمر السودانيون إلى استخدام طرق بديلة للتحويل، وهذا قد ينعش السوق الأسود للعملات مجدداً.
وأفاد شاهد العيان أن قيمة 1 دولار تساوي 401.2317 جنيه، بينما سعر الدولار اليوم في البنك حسب موقع البنك المركزي تساوي 440.0349
علماً بأن ويسترن يونيون تأخذ عمولة قيمتها 31 دولار مقابل تحويل مبلغ 1200 دولار.
وأضاف شاهد العيان بأنه اضطر إلى التحويل عبر الصوماليين الذين أخذوا عمولة قيمتها 48 دولاراً، على أن يعطوا المستلم في السودان مبلغ الـ1200 دولار.
وأكمل قائلاً: “يستطيع أهلي أن يحولوا المبلغ في البنك وسوف يتحصلوا من البنك على مبلغ 528,041.88 جنيهاً، وذلك أفضل من ويسترن يونيو الذي كان سيمنحهم حوالى 480478.04 فقط.
الاسوأ من ذلك ان الاستلام في السودان كاش فقط مما يعني ارهاق المستلم وعدم القدرة على تحويل مبالغ كبيرة. نأملان تسعى الحكومة لحل هذا الاشكتل وتمكيننا من التخويل لحساب بنكي.
و كيف بنك عالمى لا يسمح لك باستلام نفس العملة المرسله؟!
خبر كذب لترويج للتحويل عبر الصوماليين و هم اكبر محتالين.
اولا وسترن يونين يدفع للعميل حسب سعر الدولار من البنك المركزي السوداني الموجوظ في النت.
ثتتيا
الاحتيال من البنك المركزي على المغتربين و ليست من الوسترن.
ثالثا
يجب ان تحول المبلغ على دفعتين مثلا ٥٠٠ و ٧٠٠ و ليست ١٢٠٠ مره واحده و اطلب منهم ان يتم تسليم المستلم بالسودان اليوم الثاني و ليست في نفس اليوم بهذه الطريقة تنخفض قيمة التحويل من ٣١ دولار الى ١٢ دولار فقط لا غير.
و لا تسمع كلام المنافقين حتى اذا استلمتها دولار من البنك في السودان بالخارج كل التجار سوف يدفعون لك اقل من سعر البنك و لن تجد تاحرا واحد يدفع لك نفس قيمة البنك و في نهابة الامر سوف تجد نفسك متورط ساااكت و كان رجعت للبنك و بستلم منك بسعر اقل من سعر الوسترن يونين دى حاليا لعبة السلم و الثعبان الجديدة في الاقتصاد السوداني الفطيسه.
كلامك صاح انا حولت كتير ب ويسترن الخبر المكتوب ده ماحقيقي ديل الصومالين في الوقت الحالي احسن خيار للمغتربين ويسترن ناس بوبا والترس كنت بحول بيها لقيت اسعارهم غاليه وهسا موقفين من ناس التمكين
كلام صح الصومالين اكبر نصابين
على الحكومه الانتقاليه الإسراع بحل اشكالية التحويل من الخارج للأهل بالسودان، لان البلاد في غاية الحاجه للعمله الصعبه، والمغتربون يرغبون في التحويل لبلادهم… يرجي من بنك السودان الإسراع في هذا الامرلمصلحة البلاد والعباد..،،،
اين النصب هنا؟ ما عاوز ما تحول بيها وبس! عالم وهم.
الكلام ده كزب والله انا بحول من امريكا من ولايه كلفورنيا والسعر لمن تستلم في السودان ب سعر البنك الجاري او تستلم دولار هم صاح بكتبو سعر الدولار فعلا اقل لكن لمن المستلم يمشي البنك بدوهو ب السعر الفي يوم الاستلام يا ناس الراكوبه صححو المعلومه دي احسن صرافه ل تحويل السودان ويسترن في الوقت الحالي احسن من الترس وبوبا ل ناس اوروبا وامريكا والعالم كلو لحدي ما يشغلو التحويل الفوري ب البنوك
الكلام ده ما سليم وانا عن تجربة اكثر من خمسة مرات لمن بحول بي ويسترن يونيون بديني فعلاً فى التحويل قيمة اقل من سعر البنك لكن عند الاستلام لك الخيار الاستلام دولار او جنية سوداني وبسعر البنك ما بسعر الويسترن يونيون واكرر لمن تستلم بتستلم بسعر البنك
ما ذكرته اخ زهير كلام سليم وانا عن تجربة
ههههها
ديل صومالين ولا شنو…
عاوزين يروجو لي شغلهم….
كما زكر الشباب قبلي فوق.. الوسترن يونين بي يكتب ليك السعر البنك لكن عند الاستلام لك خيار دولار او سعر اللحظة ومافي اي لف و دوران
الخبر كازب .الوسترن يونيون افضل مكان لتحويل الاموال.مصداقية عالية و ادب و احترام في التعامل وممكن تستلم قروشك هنا في السودان دولار.
كيف يسمح لصوماليين بالتعامل في الاقتصاد السوداني ؟؟؟؟؟؟؟؟؟
هل وصلنا للمرحلة دي كلها ؟؟؟؟؟؟؟؟؟؟
مصريين وصوماليين وحبش وتشاديين واريتريين ؟؟؟؟؟؟؟؟؟؟؟؟؟
يجب ان تقوم ثورة تكنس حمدوك والبرهان وكل هؤلاء الفاسدين
دا كلام غريب جدا
شهرياً بستلم حوالاتي من ويسترن عبر بنك التضامن و بستلمها دولار بعد داك ليك خيار انك تفكها في البنك بسعر البنك او تشيلا معاك لكن ما بتستلمها جنيه من البدايه
انا حولت بيوستر ينيون الاسبوع الفات والله بنفس سعر البنك وحولت قبلها بفورى بنك الجزيره برضوا نفس سعر البنك بطلوا نفاق البلد مانقصاكم
الملاحظه اختلاف سعر رسوم التحويل يونيون بى 25 ريال وفورى بى 21 ريال
واذا لا قدر الله حصل تاخير او خطاء فى الحواله ترجع لصاحبها فورا من غير تعقيد
وستريون يونيون بتاخد في 100 دولار 6 دولار عند الاستلام وكان بيكون عن طريق بنك الخرطوم
انا في القاهره كنت بحول بيها من السودان لكن حاليا وقفت التعامل معها
اذا عاييزين مستندات عندي
بحول عن طريق الصوماليين من اكتر من ١٥ سنة ومن غير اي مشاكل. ويسترن يونيون نصابين وكمان جواسيس لانها كانت الشركة الوحيدة التي تحول للسودان برغم الحظر وكان وكيلهم صرافة الميج الكيزانية ويسلموك بالسوداني برغم تاكيد ويسترن زفت بان الاستلام بالدولار وانضربت في مبلغ محترم لانه وقتها الفرق كان كبير . ابعدو من الشركة المشبوهة دي.
Send Money Online
Your receiver’s country and send amount
Send to
Sudan
Send to
Send amount
700.00
EURReceiver gets
355154.25
SDG
Send up to 2,486.26 EUR
1.00 EUR = 507.3632 Sudan Pound (SDG) 2
Exchange rate varies with delivery and payment method.Details
How does your receiver want the money?
CASH6
How would you like to pay?Fee31
Credit/Debit card3
In minutes1
Fee2, 5 2.90 EUR
BANK TRANSFER
1-2 Business days1
Fee2, 5 2.90 EUR
Transfer fee2,5+ 2.90 EUR
Transfer total702.90 EUR
Total Receiver gets355,154.25SDG
Delivery time:1In minutesIn minutes
I have a promo code
——————————————–
سعر اليورو حسب بنك السودان ٥٣٠ جنبه وحسب التحويل المرفق بواسطة الوسترن يونيون ب ٥٠٧.٦٣٣٢
فرق السعر ٢٤ جنيه.
بالاضافة لرسوم التحويل وهي ثابتة لأي مبلغ 2.9 يورو.
المشكلة التي حدثت لي انني استلمت مبلغ بالجنيه السوداني باقل من المبلغ المتفق عليه.
ذكر لي فرعهم بالسودان انهم قاموا مرة اخري بتحويل المبلغ الي دولار ثم تحويله لجنيه سوداني.
ظللت في مكاتبات معهم ولم اصل لنتيجة منذ اكثر من ٤ اشهر.
انا حصلت لي نفس المشكله وراسلت الشركه وردهم انهم كشركه أمريكيه عملتهم هي الدولار فقط وبالنسبة لسعر الصرف فعلاً سعرهم اقل شويه من السعر المعروف