يوم الأربعاء الماضي كتبت مقالاً بعنوان إلى الكرام ناشدت فيه أهل الخير بدعم المعلمات اللائي يعملن في تصحيح إمتحانات الشهادة السودانية ، وقد جاء المقال عقب زيارتي لمركز تصحيح إمتحانات مادة اللغة الإنجليزية بحي العمارات بالخرطوم .
فوراً وعقب نشر المقال جاءت الإستجابة الأولى و السريعة جداً من اللواء عادل العبيد المدير العام للمؤسسة التعاونية الوطنية والذي أرسل عربة ثلاجة ضخمة تحتوي على مجموعة كبيرة من الاحتياجات الضرورية و المواد الغذائية .
كانت عبارة عن عدد خمسة كراتين شاي حب الكرتونه الواحدة بها١٢رطل شاي و عدد خمسة كراتين عدس
الكرتونه بها ١٢ كيلو وعدد ٥ كراتين أرز الكرتونة بها ١٢كيلو و عدد خمسة كراتين صابون بودرة الكرتونة بها ١٢ كيلو
وعدد عشرة كراتين شعيرية الكرتونة بها ٢٤ كيس وعدد عشرة كراتين معكرونة الكرتونة بها ٢٤ كيس و عدد عشرون صندوق كبير زادنا الصندوق به عشرون عبوة
وعدد عشرة صناديق سكر الصندوق به عشرة كيلو وعدد خمسة كراتين بصل الكرتونة بها عشرة كيلو بصل مجفف
الاستجابة تلتها استجابة من قوات الدعم السريع بالتبرع بعدد ثمانية وعشرين من الخراف ، وعدد كبير من جوالات السكر والفول وجوالات العدس والارز و الحليب و البصل والشاي والزيت
المبادرة التي و رغم تأخرنا في الكتابة عنها إلا أن الصديق الفنان و الكوميديان فخري هو صاحب الفكرة و هو من طلب مني زيارة المدرسة و الوقوف على حال المعلمات .
وقد أثمر مجهوده دعم من جهاز المخابرات العامة بوجبة عشاء للمعلمات و مشاركة في ليلة ترفيهية تحت رعاية جوائز من أبو الفاضل بلازا وزعت للمعلمات و المعلمين كما تبرع اللواء مدثر عبدالرحمن مدير الإدارة العامة للمرور بمبلغ خمسين ألف جنيه للمساعدة في وجبة العشاء .
وشارك الفنانون الجميل صلاح ولي و الرائع طلال الساتة و الصوت الشجي عمر احساس بفاصل من الأغاني جعلت المعلمين يشعرون بتقدير المجتمع لدورهم الكبير .
غداً سنقيم يوماً ترفيهياً آخر للمعلمين وهذه المرة سيكون بمدينة بحري بمركز الامتحانات هنالك .
شكراً نبيلاً لكل الذين استجابوا لنداءنا و فخري ….و في ميزان حسنات الجميع .
خارج السور :
لجنة التمكين ….مازلنا في انتظار كشف بحساباتكم البنكية قبل التمكين و بعده ….؟؟؟
نقلاً عن الانتباهة
شئ طبيعي ان يتفاعل الناس حتي لو ما كتبتي المقال حتي لو راح فخري وعرض الموضوع في التلفزيون الناس فيها الخير من زمان الي ان تقوم الساعه وليس غريب علي الشعب السوداني معلم الشعوب وخاصة في التكافل والتلاحم خارج وداخل السودان
خليك مع عساكرك ديل وشكرك ليهم
ما عندك علاقة بلجنة التمكين
كلامك مظبوط يا عمك
ما منتظرين من لجنة الزالة التمكين غير بل الجماعات والعصابات التي تقف خلف سهير عبدالرحيم وهي معهم ،، وكشف الحساب انه تجمعوا قرائن ودلايل تقدموا بيها اي واحد يتطاول على لجنة ازالة التمكين للمحاكم بل بس
من أين للمتبرعين بالفلوس والمواد التموينيه هل هي من حر مالهم ام من مال الشعب؟؟؟؟سؤال عادي جدا نرجو الاجابه عليه ومن متي كان الدعم السريع هو الداعم للمعلمين ومتي كرم جهاز الامن المعلمين أليس الشهيد احمد الخير رحمه الله كان من المعلمين وتم تعذيبه وقتله علي الذين يتبرعون اليوم ؟؟؟ يوميا هذه الكاتبه تندحدر نحو الاسفل .
والتحيه لكل معلمي ومعلمات بلادي وعجبي جلاد الأمس هو كريم اليوم
بلد العجائب
من أين للمتبرعين بالفلوس والمواد التموينيه هههههههههه سهير عبدالرحيم ما بتسأل عنها ولو ثبت انهم حرامية ما بتلبسها لكياناتهم والمؤسسات العسكرية دي فالح بس تلبس اخطأ موظفين حكوميين للجنة ازالة التمكين الشيء المؤكد ان سهير عبدالرحيم بتعلب دور مرسوم لها بدقة ضمن عمل كامل وممنهج ضد لجنة ازالة التمكين
اصبحتي مثل الحكامه
ولكن الحكامات يمجدن الابطال والفرسان ومقنع الكاشفات..
*اقترح علي سهير ان تشهر لنا كشف حسابها وممتلكاتها ومقتنياتها…
كما ذكرت انها كانت متدربه في بدايه سنين الانقاذ مع استاذها الضو البلال
العسكر ياكلون و يتصدقون من مال الشعب السوداني الجائع، و تفرح هذه و تهلل لهم.
اااااااااااااااااااااااااااااااه من العباطة
ااااااااااااااااااااااااااااااااه من الشتارة
ياجماعة عليكم الله زول يكلم لينا سهير جيفارا دى ويقول ليها بطلي عباطة ولياقة خلاص الفورة بتاعتك انتهت وموضوع مهاجمة (لجنة الثورة) خلاص فقد البريق وبقي ماعندوا اى صدى ومافي زول شغال بيك والاهم من كدا وللمرة المليون لو عندك مستندات امشي قدميها للنيابة وانتهي الموضوع لكن واضح انك مش عارفة حاجة ولا فاهمة شغلك كصحفية ماهو،
مفيش حاجة اسمها نطلب من فلان نشر حساباته البنكية انتى لا نيابة ولا المراجع العام عشان تطلبي دا
تاااااااااانى
لو عندك مستندات ضد اللجنة امشي قدميها للنيابة وانتهي الموضوع
دا شنو دا يااخي
غايتو الزول السودانى راسو ناشف خلاص ولمن يغلط ما بيتراجع ولا بيعترف بغلطو بل بيسوق فيها ويتمترس اكتر ويقوى راسو اكتر واكتر لدرجة كبيرة من الانحطاط والسفاهة.
غايتو محن والله
مصايب وكوارث السودان من حاجتين بس النخب السياسية والصحافة المحلية
انتهى
عصابة التمكين حتى لو كشفت حساباتها ممكن تلقي ما فيها شي لأنهم يحولوها ذهب وينقلوها لدبي.
عصابة النهب والسلب ما قالت اي شي حتى في تحقيقات الشركة الصينية.
ومجدي بعد انكشاف موضوع شحنة السلاح ما جرى التلفزيون تاني زي عادتو عشان يقول للناس أنا اديتكم معلومة غلط.
هؤلاء بأخت سهير بلطجية ينتظرون قيام المحكمة الدستورية التي يهابوها كما يهابون الموت لأنها ستطلعهم عيال في نظر الشعب السوداني.
التحية للمعلمين لكن ديل ناس جايين لمهمة معينة هي تصحيح امتحانات لفترة مؤقتة وماشين الغنا والرقيص والحفلات لزومها شنو؟ حتى الاكل ممكن يكون سندوتشات وخلاص حسه عذبتوهم بالطبيخ وضيعتوا لبهم وقتهم ان شاءالله تكونوا جايبين ليهم طباخين برضو.
مثل هذه الحفلات بيعملوها للمرضى في المستشفى خصوصا الاطفال او العندهم حالات مستعصية وبيقضوا وقت كتير محبوسين..
نصيحتي خلوا الحركات الفارغة دي ووجهوا الجهود حيث الحوجة والمعلمين ديل. لو جبتو ليهم جنرينر يكون احسن.
طيب وين الحوكمة والنظم وولاية وزارة المالية يا سهير؟؟!!
التبرعات دي من ياتو بند في الميزانية؟ المسؤلية المجتمعية؟؟ ولو ما كانت جات للمعلمين كان حتمشي وين؟؟ والدفارات دي الضمان شنو ما يكون نصها مسى بيوت ناس طالما الشغلانية سايبة كده؟؟!! أردول تشيف عساكر ما تشيف؟؟
أمشي شوفي لك شغل غير الصحافة .. أنت لا تشبهين الصحفيين ولا الصحافة……………
وأن شاء الله لجنة إزالة التمكين ستقوم .. بالتحقيق معك في مالك الذي جمعتيه… ولحظتها لن ينفع ندم
سا سهير علي الطلاق إنتي يا إنك ساذجة أو بتفتكري القراء سذج… يا بنت العم كيف تجلسين واضعة رجل على الأخرى و تطلبي بغرور لجنة إزالة التمكين عشان يمشوا البنوك و يجيبوا لى حضرتك كشوف حساباتهم البنكية؟ إنتي فاكرة نفسك شنو يا مدام؟ إذا عندك شكوك إشتكيهم و المحكمة هي اللي تطلب كشوف حساباتهم مش إنتي … يا سيدة سهير، فكري قبل ما تكتبي…