الاستاذ ابو عيسى : جهاز أمن حزب البشير احتجزني لمدة (7) ساعات دون توجيه اتهام..واكتفوا بـ (الونسة) معي ..سأكشف التفاصيل في مؤتمر صحفي

اقبضوا ابو عيسي واقبضوا حتي الكديسه دي الثوره جايه وكل واحد رئيسه
لو سرق او شرب المريسه او تخابر مع الكنيسه دي الثوره جايه ووصلت لي ميسه
كل واحد وكل زول وكل زوله من سياطكم شبعوا ومن عفن فعلكم شموا الفطيسه
والليله نحن شميناكم شم
وما بينا وبينكم الا الدم
اضربوا العزيز اهلو واضربوا البقوم بحهلو والليله الشعب جاي بمهلو

متين الثورة دى بالله استعجلوا لينا شوية لانه ابو عيسى العمر ما بيسعفوا عشان ينظر ليها احسن منه شيخ الترابى اهو ناسوا قربوا لى التلاتين سنة وهم فاقعين مرارتكم ومنتظرين من يقلعهم … المؤمن صديق اهو مصدقين كلامكم دا ومنتظرين يلا عشان خاطر ابوعيسى والامام وشيخ حسن زاتو داير يغير ليش ما تستفيدوا من خبراتو الانقلابية ؟؟

الثوره قادمه ياكيزان كان اعتقلتهم السودان كله
لانه الانقاذ انكشفت للشعب ولم يعد في جعبتها ماتقدمه ولم تعد اكاذيبها ووعودها الفاشله تنطلي علي المواطن
ماقصرنا في السودان … منو الضيعنا بلاالكيزان

الثوره جايه لامحال وياشباب وياامهات ادعمو الثوره وادعو افراد الشرطه واذكرهم انهم من الشعب وان رجل البوليس ماهو الا اخى او نسيبى او ابن عمى اما مليشيا النظام من افراد الامن الذين يحسبوا جميعهم الى منطقه حجر العسل وحجر الطير اصحاب العقول الفارقه نحن نعرف كل مكان لتجمعاتكم فى سوبا والرياض وبحرى وطيبه الحسناب والجيلى وامدرمان حتى اعدادكم التى اصبحت تقل كل يوم بسبب الهروب من الخدمه ومقدور عليكم باذن الله وبقوة الله وشباب الثوره اما البوليس والجيش لا زال فيهم الشرفاء الزين لن يرضو اهانه الشعب

حفظ الله فاروق ابو عيسي وكل مناضل جسور من امنجية ومرتزقة بشبش ,,,نطالب بتكوين حكومة للمعارضة بها وزير للدفاع والداخلية ومدير للامن لضم كل اطياف المعارضة السودانية تحت لواء وهدف واحد وهو اسقاط النظام بدلا من التشرزم والانقسام واستفراد الذئب الكيزاني بهم …
اثنين سودانين ركبو "بص" لندن بدورين,, اللي فوق سال اللي تحت انتو ماشين بسرعة كم ؟؟؟
قاله :بسرعة 80 وانتو ماشين بكم ؟؟؟
قاله: نحنا السواق بتاعنا لسه ما جاء

تعقيبا علي ما كتبه خالد عثمان أقول له الثورة قادمة نعم ومن جميع مناطق السودان الفضل بما فيها حجر الطير وحجر العسل التي نسبت إليها عناصر جهاز الأمن إن كاتب التعقيب يتشرف بأنه ينتمي لتلك المناطق التي ذكرت وأعلم ياخالد أن منطقتنا لايجب أن تواخذ بما فعل السفهاء منهما ولانريد جهوية ولامناطقية ولاقبلية ولاعنصرية فكلنا سودانيون وسياسة فرق تسد التي مارستها الإنقاذ يجب أن لاتكون شعار للمرحلة القادمة فنحن نريد إنقاذ السودان السودان الفضل من حزب شمولي سلطوي يحكم بإسم الدين وما زال يخدع أهانا البسطاء لانريد أن تفشل ثورتنا قبل بدايتها وهي الأن في طور النمو وما كتبته سيؤدي لإجهاض المولود الذي ينتظره الشعب السوداني كله عزيزي خالد هذه المناطق التي ذكرت سوف تري منها وتسمع عنها كل خير عندما تكتمل الثوره بل أعاهدك بأن جميع منسوبي الأمن من هذه المناطق سوف يكونوا أول من يتمرد علي النظام عندما يقرر الشعب فهم ياعزيزي ليسوا م}دلجين ولامنظمين في الحركة الأسلامية فقط الحكاية أكل عيش عندما ضاقت عليهم الأرض بما رحبت وعندما قفلت أمامهم كل الطرق عدا الطريق للعمل في جهاز الأمن مع العلم أنهم ليسوا بالكمية التي ذكرت عموما الأيام بيننا وسوف تعلمك الأيام ما كنت تجهل هذا مع شكري وتقديري وإحترامي

فاروق ابو عيسي دا مش وزير (العدل ) في زمن نميري ؟؟؟؟؟؟؟؟؟ سبحان الله بقي بتاع حقوق انسان ؟؟؟؟؟؟؟؟؟؟؟؟؟