الخرطوم: الراكوبة
تقدم عدد من المواطنين السودانيين انطلاقا من الحق العام ببلاغ ضد المدعو محمد محمد احمد الأمين ترك وآخرين، لدعوتهم لتقويض سلطة الدولة المدنية وتهديد الفترة الانتقالية والتحريض على الكراهية والعنف والقبلية وتخريب الاقتصاد الوطني بتخريبهم لخطوط السكة الحديد وخط الانابييب الناقلة للمواد البترولية وقطع الطريق البري الرابط بين الخرطوم بورتسودان .
وتم فتح بلاغ ضد ترك بالرقم ( 36 ) بنيابة الجرائم الموجهة ضد الدولة والإرهاب.
وتم فتح البلاغ بواسطة الشاكية ايمان حسن عبد الرحيم المحامية، وأحمد إبراهيم حامد سعيد “صحفي” وعبد الله علي من لجان مقاومة غرب أم درمان وآخرين، يمثلون لجان المقاومة بمدن العاصمة الثلاثة.
وقد خاطبت النيابة حكومة البحر الأحمر بافادتها عن: هل تم فعلا تم إغلاق خط الانابيب الناقل للنفط ،او قطع الطريق الرابط بين الخرطوم بورتسودان ، او تفكيك قضبان السكة الحديد وحجم الخسائر جراء ما قام به ترك واتباعه وحجم والاضرار بالبلاد والمواطن ،وما مدي التأثير الجنائي للفعل محل الشكوي.
ويشار الى انه لم تصدر أوامر بعد باعتقال او قبض بحق محمد الامين ترك بانتظار رد حكومة البحر الأحمر وتعزيز البلاغ بشهادة وأقوال شهود من مكان الحادث عن هذه الانتهاكات.
وافاد مقدمو الشكوى ان هناك خطوات أخري سوف تتخذ حال إستكمال إجراءات البلاغ.
شر البلية ما يضحك، يا ناس انتو وين الناظر ترك الآن كل اقاليم السودان تتوافد عليه مثل المهدي المنتظر، وقفل الشرق برا وجوا وبحرا، وتقول لي رسلوا رسالة لحكومة البحر الاحمر ترد وتأكد.
اذا كان الغراب دليل قوم
فما وصلوا و ما وصل الغراب
وديل كانو وين لما كانت الحركات المسلحه تقتل وتدمر… قوموا لفوا… نحن ضد اذدواجية المعايير.
هل تري عمل ترك قانوني يامحمد؟
وتم ضرب مناطق الحركات بالقنابل والبراميل المتفجرة وتم قتل عشرات الآلاف.من الأبرياء والعزل والأطفال والعجز والنساء وتم التشريد..وتم انتهاك حقوق الإنسان والاغتصاب وارتكاب جرائم حرب..بواسطة الجيش السوداني ..
وترك كان وين قبل 30 سنة الظم والتهميش هذا له سنتين فقط م تقول الحق ي شاب
دا اجراء سليم
يمكن حسم امثال المدعو ترك وامثاله بالقانون
الي مزبلة التاريخ هذا الكوز الارعن ترك واتباعة من الفاقد التربوي
خطوة ممتازة في طريق بناء دولة القانون فلا احد فوق القانون لاترك ولا البشير يجب الردع بالقانون لكل من يتسبب في خراب البلد لمصالحه ومصالح اسياد
ي جماعه ديل راس مالهم عجوه وريت وكروته طحنيه ولو في سرق ليهو بقرة او غنمايه بتروج بي الشهامه قومو لفو السودان كلو موانيء