فيديو، تحديث: مطاردات، ومطالبة بتفتيش الأمتعة، أنصار ترك يطلقون النار على مغترب عائد
نشرت الراكوبة في
وقد نفى مدافعون عن “ترك” صحة الخبر. ولاحقاً امتدح البكاشي سلمية حراك ترك، وقال أنه لم تبدر منه أي حادثة تهدد الأمن القومي، كأن قطع الطرق القومية وردم قضبان السكك الحديدية لا يهدد الامن القومي.
الراكوبة تحصلت مؤخراً على معلومات اضافية وفيديوهات تسند روايتها، نرسلها لمن يهمه الأمر.
سنكات: الراكوبة
أطلقت مجموعة الناظر ترك التي تقوم بإغلاق الطريق القومي عند منطقة العقبة النار واعتدت على مواطن سوداني عائد من الاغتراب أثناء محاولته تخطي المتاريس.
وأبلغ شهود عيان الراكوبة أن المغترب العائد من إحدى دول الخليج إلى منطقته المسيكتاب محلية شندي كان يقود عربة برادو حاول تخطي المتاريس مما دفع أنصار ترك إلى إطلاق النار عليه لكنها إصابة العربة وحيث تهشم الزجاج وأحد الإطارات.
ويغلق الناظر ترك الطريق القومي منذ ايام مما أدى إلى شلل تام في الحركة.
تورد الراكوبة رسالة أوردها المغترب السوداني بعد اطمئنانه على سلامته:
“بعد وصولنا لارض الوطن بسلامه الله وحفظه ، في طريقنا لشندي من بورتسودان في تمام الساعه الثامنه والنصف صباحا
اعترضتنا مجموعه من معتصمين احد تروس اعتصام الشرق قبل مدينه سنكات .
تعرضنا لاطلاق رصاص وتهشيم سيارتنا .ولو لا ستر الله علينا لانعلم ماذا كان سيحدث
الحمد لله … الحمد لله الحمد لله .. سلمت ارواحنا والجات في الحديد ساهله ..”
“ودار الحوار التالي بيننا :-
.. المعتصمين ووووووقققققف
انا … وقفت …. السلام عليكم
المعتصمين .. وعليكم السلام
من وين جاي ي زول …
انا .. من السعوديه
المعتصمين .. وين مااااشي ي خيناااااا
انا.. ماشي شندي
المعتصمين .. ايش في السياره
انا.. ملابس واغراض خاصه مواد تموينه فقام احدهم اخد لفه علي السياره وجاني تاني من بابي ..
قلت وين مااااااااااشي
انا .. شندي
.. المعتصمين نزل عفششششش
انا.. ماننزل عفش
المعتصمين .. تنزل عفش ولاماتنزلي عفش
انا.. ماحننزل عفش
قام عمل اشاره بيده للموجودين اسفل الجبل في الخيمه وبدت مجموعه تنزل من اليمين من الجبل بدو يتحركو نحوي يحملون سيوف عصي خشب حجاره ..
بسرعه شغلت السياره ودست علي البنزين للصاجه تخطيت حبل الترس الاول والترس التاني بعده ب ٥٠ متر عباره عن حبل يقف يمنه واحد قام شال حجر اوووووف علي القزاز الامامي ذي ماشايفنه في الفيديو مهرووووس .
وانطلقت بسرعه وفي نفس الوقت بعاين في المرايا للخلف اتفقد زملاي ..
المهم ….
لحقوني بي بوكس ٢٠١٦ غمارتين متروس ادروبات ف البدايه فكرتهم ناس عاديين قامو اتخطوني تقريبا ٢٠٠ م
عرضو سيارتهم في نص الشارع ونزلو جارين علي بالسيوف وعصي وسلاح ..
المهم ..
طوالي بي سرعتي اول ماقربت منهم شلت العربيه يمن بره الاسفلت رغم ارتفاع الاسفلت وطلعت الاسفلت تاني ..
في اللحظه دي العنايه الالهيه نحتمي منهم حمد لله ..
المهم..
وجو جارين وراي بعربيتهم مطارده عنيفه مسافه ١٥ كيلو تقريبا ..
الى ان وصلت حاميه سنكات قياده الفرقه البريه . نزلت عندهم حكيت الحصل قامو مشكورين بالواجب جزاهم الله خيرا ضباط وافرد ..
واوجه رسالة شكر خاصة لسعادة اللواء محمد ابو دومه قائد الحامية وسعادة العميد حافظ والمقدم احمد استخبارات الحاميه والذي احتوانا بكلامه الطيب وكرمه وضيافته وارسل في رفقتنا مجموعه من الاستخبارات رافقتنا حتى خرجنا بعد مدينه هيااااا…
والشكر اجزله لمدير شرطه سنكات ..
واخص بالشكر العمده سيدي الذي اصرررر ان يضيفنا بداره واعتذاره عما بدر وقبلنا اعتذاره .. ورافقنا حتى خروجنا من مدينه سكنات ..
وكل التفاصيل التفاصيل لدي مدير شرطه سنكات وقياده القوات البريه سنكات ..
دي سلمية ناس ترك القالو لينا عنها
والكضباشي يقول ليك لم يخلو بالأمن ! قاتلكم الله يا سفلة يا منحطين
ناس الراكوبه ما قادرين يفهموا الحاصل شنو
كباشي عندما يمتدح مجموعة ترك ويلوي عنق الحقيقه فهو يمارس الدفاع عن نفسه والبرهان وحميدتي لانهم هم الدافعين العميل ترك لهذه الفوضى
يا جماعة بطلوا النفاق
الناس ديل قالوا ليكم الثورة شرعنت التتريس ضمن الوسائل السلمية. ونحن اخدنا بيه. ما تقول لي تضايق المواطن وتتريس الثورة ما كان يضايق المواطن
وحتى لما كانت الثورة في اوجها لما واحد يرفض يقيف او يتخطى الترس بعملو ليه شنو
يعني هنا سلمية وهناك ارهابية
بطلوا النفاق!
لم ترو شيء بعد من عصابة ترك، يقتلون ويروعون الآمنين، والكباشي يبرر لهم،
ما غريبة على حدس ما حدس انه يلوي عنق الحقيقة قبل كدا في قناة الجزيرة الثورة تظهر فض الاعتصام وهو يقول المعتصمين موجودين
دا فات الصحاف في الكذب
اذا كان اعمال ترك سلمية …..لماذا حدث ما حدث…. في ساحة الاعتصام
ابشرك الشارع حا تفتحو الحركاتالمسلحة وبالقوة .بعد ما يضيق عليها الحصار ويحصل ليها نقص فى اى امداد
وين اطلاق النار في رواية المغترب؟
من أول وهلة، كان من المفترض وقف هذه الحركة المتمردة في حدها، بقوة السلاح المبني على القانون الذي يحمي الوطن ويحفظ حق وسلامة المواطن، مع تأمين كافة مرافق الدولة. للأسف ما يجري والى متى لا ندري، يدل على ضعف المركز والفوضى العارمة التي تسري في مفاصل الدولة .. ولا نعلم ماذا سيحدث في مناطق أخرى !!!
كان تجيب ليهم ربع رطل طحينه وعجوزة بي ٥٠ و ربع رطل؛ زيت للحرامية المانافعين ديل
ترك فاكيها في نفسه قليل ادب ناظر اولياب عايز يغش باقي السودان انه ناظر كل الشرق كضاااااااااااب