لجنة إزالة التمكين ترحب بقطاري عطبرة والجزيرة في مواكب اليوم الخميس
أكدت استعدادها لاستقبال جموع الثوار ..
جنة تفكيك نظام الثلاثين من يونيو ١٩٨٩ واسترداد الأموال العامة
أمس قد مر طاغية من هنا
نافخا بوقه تحت أقواسها
و أنتهي حيث مر
ترحب لجنة تفكيك نظام الثلاثين من يونيو ١٩٨٩ واسترداد الأموال العامة بمواكب شعبنا الثائر المنتصر، في كافة اصقاع السودان، وترحب اللجنة بقرار الثائرات والثوار بالعاصمة القومية بتحديد مقر لجنة تفكيك نظام الثلاثين من يونيو، نقطة التقاءثوار الحرية والسلام والعدالة، وتُبدي استعدادها الكامل لاستقبال جموع الثوار في مقرها المقدس، فمن الموقع الذي أعلن فيه شعبنا تحرره من ربقة المستعمر، يجدد شعبنا تمسكه بالتحول لدولة الحكم المدني الديمقراطي، وسيادة حكم القانون، وتفكيك تمكين النظام المباد، واستكمال مساعي تحقيق السلام.
وترحب اللجنة بقطار المجد والسؤدد القادم من أتبرا
أتبرا الطيبة.. منجم الثورات.. رجالك الهيبة ونسوانك الحارات
كما ترحب بقطار العز والكرامة القادم من الجزيرة الخضراء، ارض المحنة … التي تستنشق الكبرياء أوكسجينا تزفر وجداً للوطن.
لجنة تفكيك نظام الثلاثين من يونيو ١٩٨٩ واسترداد الأموال العامة، تتعهد بالمضي قُدما في الطريق الذي خطه الشهداء الأماجد، فالدماء الطاهرة التي روت ارضنا البكر، هي مشكاة روح الثورة، و مواكب شعبنا الظافر، هي مشعلنا المنير، وزورق عبورنا لشاطئ التحول المدني الديمقراطي الكامل، الذي تتزاحم داخله رايات الثائرات والثوار، وتزاحم آفاق الهدف الحلم، ببناء السودان المدني الديمقراطي، سودان الحرية والعدالة والسلام، وهذا هدف دونه خرط القتاد.
زط
(وترحب اللجنة بقطار المجد والسؤدد القادم من أتبرا)
فعلا كلام بتاع ناشطين واركان نقاش
يا جماعة بطلوا الهبل البتسووا فيه دا
والله فعلا اصبحت معيلة بعد 3 سنين من الثورة ما زلنا في محطة قطار عطبرة بنفس الجوع ونفس المشاكل بل أكثر منها
ايه يعني تلملم لي الشفع من انحاء السودان وتعطلوا العمل والانتاج.. نفس الطريقة نفس الاساليب تبع النظام البائد
هو في شخص كان اشطر من البشير في حشد الناس طيب النتيجة كانت شنو
ولله احبطتو الشعب بصبيانيتكم دي لانكم اثبتم تماما انو مافي شي اتغير
ولو في شي اتغير اتجع نحو الاسوأ
مين قال ليك احبطوا الشعب، وكمان تحلف بإلله، أتقي الله وأستغفر ربك يا ولد!!!!!!
بالله عليك ساعدنا بالصمت
هو دي مش نفس طرق حشود الكيزان !
وكمان قالو موفرين ليهم بصات ووجبات للجامعات الولاىية حسب خطاب متداول بكثافة على وسائل التواصل.
قطر مستنشق اكسجين ويزفر وجدا….يا سلام علي شاعرية السنابل …بس سؤال بسيط في ظل الازمة الاقتصادية الخانقة دي الما لقينا فيها حق الطعمية ولا المواصلات القطارين ديل الدفع تكاليف السفر فيهن منو ؟؟؟؟ ما تقول لينا البنك الدولي
ان شاء يكون بعد توفير نفقة السفر والوجبات تكونوا وفرتوا للناس حق اليومية غير كدى ما في زول عنده امكانية يطلع من حر ماله اللهم الا اذا كان انسان مستفيد من النظام وكمان ممكن تصيبه طلقة ولا بمبان منو البتحمل النتيجة ودالفكي متوقع انه يكون رئيس المجلس الجديد عشان كدا بكافح بشدة
هولاء ثوار لهم اخلاق ومبادى وقيم مش ماجورين بحق الرصيد ووسندوتشات الطحنية وغداء امواج
انت بتمثلني يا مصطغي,,,هؤلاء الارزقية مفتكرين اخلاق الثوار مثل اخلاقهم
في هبالات وعبط فلول كيزان في المداخلات الفوق دي .. دي قطارات دعم لإكمال التحول وإجبار العسكر على تسليم رئاسة السيادي للمدنيين حسب نص الوثيقة خاصة بعد ما ظهر وكشف من نواياهم الخبثة لتعطيل قطار الثورة خشية أن تطالهم الملاحقة القانونية لمن قتلوهم وسحلوهم أمام القيادة العامة
لان الكيزان متعلمين اطلعوا بالاجرة وسندوتشات الطحنية وغداء امواج ولا يعلمون ان للثوار قيم ومبادى ماتوا من اجلها… الكوز كائن غريب لم يصنف بعد.
الناس الما بتفهم فى المواكب حاجة دى اسمها تسليم الحكومة للمدنيين وليس حشد البشير لان الاحوال اليوم ليست على ما يرام
يا ريس المواكب كما تسمي نفسك ناس الانقاذ كانو بعملوها بظرافة يعني ياخدوا كشف الحضور في الترحيل وانت عارف مودنك موكب لا ناقة لك في ولا كديسة طوالي من تصل ساحة الخضراء تستلم البارد وسندوتشك وتتخارج قبل بشة يصل …انتو الان مأجرين عطالة الولايات ومالينهم خرشة وبنقو ولما ما لقيتو العدد اليملا عربية قطر واحدة قلتو السكة حديد اتخربت كمية من البلادة والهبل
الراكوبة اليوم والايام السابقة والايام التالية مليانة ضبان ودجاج ؟؟!!
يا ترى هل هي صدفة ؟؟؟؟؟!!!!
أخخخخخخخخخخ
بالله ما بتخجلو
انتو لما قلتوا للناس هبوا وزول هب ليكم مافي لجأتم لتسيير القطارات والبصات وتقديم الوجبات!!!!!!!
طيب لو جمعت مليون زول بهذه الطريقة الرخيصة هل يمكن ان يعبروا عن عفوية قطار عطبر اللي كان دعم الثورة
وهل يمكن يعبروا عن عفوية مليونيات 30 يونيو لما شعر الشعب انو هناك انقلاب على الثورة.. دا كان امس
اليوم الناس البتجمعهم من كل انحاء السودان كثير منهم جاي لانو لقاها فرصة للسفر والتغيير والساندوتشات المجانية ومصاريف الجيب في زمن الساندوتش فيه أصبح أغلى من ثمن خروف قبل أن تأتي قحت للحكم!
كوز يعني المتوقع منك شنو غير الكذب ومغالطة الحقائق .؟!؟!؟
كل الحراك العنيف واليومي على مدار الساعة ما شايفه ؟؟؟؟!! خليك من هبتنا نحن ما شفت العالم كله قام ضدك وضد اسيادك الكيزان وجاي بكل قوة عين وعدم حياء تتكلم انو الناس ما هبت هههههههههههههههه والله انكم اكذب من مشى على الارض يا بانقات
أي تعليق لا يؤيد الجمع المذكور، فواضح جداً انو تابع للكيزان، لا تعطيل يذكر، فالشوارع لا تخون، وإثبات ان الشعب صاحي والثورة مستمرة تعتبر أهم من الثورة نفسها، فكم من ثورة ضاعت في غياهب الجب والطمع نحو السلطة، الشعب حين يتكلم لابد أن ينصت الجميع.
يا سلام يا دوشة!!! أهو الكلام الرد البسد القد ويلقم الفلول دراب
قدام بس ..حرية سلام و عداله
متابعين قنوات الحدث والجزيرة مباشر …شايف حبة الشفاتة الاتلموا بدو يفرتقو اهلهم من جنب السكة حديد لانو الظاهر قطر عطبرة بصل بالليل والجماعة الأدوهم نثريات خدمة الثوار من عضات وبارد وهلمجرا قامو اختفوا من صباح بدري بعد جابو حبة سندوتشات طعمية وفول بايت ….وين سندوتشات ناس داوود ومين حجار داك ايام الاعتصام ودردمة السفة للثوار..
حريه سلام عداله بيان اللجنة يمثلني وكفى.
وعدنا للمواكب المستجلبة بالقروش
انا كنت اشوف العدد المحدود اللي جابوه
كان يبدو عليهم فعلا انهم من الفئات المهمشة والضايعة .. يبدو انهم جاءوا ياخدو المعلوم ويمشو، ودا من حقهم لانو الناس ديل حقوقهم مهدرة!
بس هل دي التظاهرة الانتو كنتو عايزين تثبتوا بها للعساكر وللناس انو الشعب معاكم؟
وافضيحتكم
المليونية المزعومة انقلبت لموكب صغير من احزاب السلطة،
والشعب السوداني اكتفى بالتفرج على المهزلة
(كوز يعني المتوقع منك شنو غير الكذب ومغالطة الحقائق .؟!؟!؟
كل الحراك العنيف واليومي على مدار الساعة ما شايفه ؟؟؟؟!! )
ياخي عصلجي
بالحيل شفت الحراك وبشوفه كل يوم
شفت حراك الجوع \شفت حراك الفقر والمسغبة
شفت حراك جيراني اللي قالوا السنة دي حايجمدوا لاولادهم العام الدراسي لأنهم ما قدارين على تكاليفهِ
شفت حراك الذبا والبعوض
شفت حراك الاوساخ وهي تدفن الناس دفنا
شفت حراك مدننا وقد اصبحت الاقذر في العالم
شفت حراك الجوعى والمحرومين في كل مكان
شفت حراك تسعة طويلة
كلامك صحيح
شفنا حراك ِ
وشبعنا حراك
ونسأل الله ان يجعلك معنا من زمرة امتحركين
هسع فهمنا دى الملياااااار دولار القالت الضفيدعة دفعها النصااااااااااب الدولي!
استثمارات امريكا و الغرب و اليهود زرااااااااعة المخدرااااااات في جنوب دارفور و نهب الثروات حيث تم تكوين حركات مسلحة لهذا الغرض من العملاء و الخونه و المرتزقه.
نطالب بعمل فحوصات لبعض المشاركين في الاعتصام عينات عشوائية و ركزوا على الشباب من الجنسين بدون فرز كما يجب مراقبة اصحاب السوابق.
المخدرات تدسها العصابات مجانا في الاطعمة و المشروبات و الشاي بالمطاعم و الكافتريات و بعض بائعات الشاي و المأكؤلات الشعبية و هي خطه مأخوذة من الغرب و امريكا و شمال افريقيا و غربها و امريكا الجنوبية و بعض دول اسيا حيث يكون هدفها في البداية هو ان يتعود الزبون الجديد عليها و يظل يتردد على نفس المكان باستمرار حيث يجد الاسعار مرتفعه عن المرة السابقة و هكذا حتي يصل مرحلة الادمان بعدها تباع اليه بسعر يتفق عليه حسب النوع المطلوب.
الكيزان منتظرين حشود حميدتي قال عنده شارع برضو