كمال كرار
لحزب الشيوعي يراهن على الشارع والجماهير، والسلطة الانتقالية راهنت على الشراكة مع العسكر والصندوق والبنك الدولي.
ورهان الجماهير الذي لا يخيب كان بالأمس موكبًا حاشدًا في قلب الخرطوم جهرًا وليس سرًا سار فيه الألاف نحو ولاية الخرطوم احتجاجًا على تردي الأحوال المعيشية والاقتصادية، وحمل الموكب رسائل سياسية بالغة الأهمية.
ورهان السلطة الانتقالية أوصلها لحافة الأزمة، والشراكة المزعومة أصبحت مناكفات وملاسنات و(ردحي).
وكان الحزب قد خرج من الحرية والتغيير بسبب الانحراف عن أهداف الثورة، لأن الحل في البل وليس غيره.
ومن صعدوا للسلطة على أكتاف الثورة ثم تنكروا لها وظنوا أنهم فوق الثوار لن يتخلوا طواعية عن مناصبهم.
والمكون العسكري نفسه استهان بالثورة، وأحلام عودة النظام المخلوع تراوده.
وظن هؤلاء أن الشعب في سابع نومة..
ولكن موكب الأمس هزم ظنونهم المريضة..
الترس صاحي والشارع لا يخون هذه هي الرسالة الأولى لموكب الحزب الشيوعي
والرسالة الثانية أن إرادة الجماهير لا غالب لها وأن الثورة مستمرة.
والرسالة الثالثة أن الرهان على الشعب هو المنتصر دوما..
إن شعارات حرية سلام وعدالة مدنية قرار الشعب، وتسقط شراكة الدم، ولن يحكمنا البنك الدولي بالأمس كانت حاضرة..
والخرطوم بالأمس وجهت رسالة للمدن الأخرى مفادها أن الأقاليم صانعة الثورة هي أيضًا لا تنام..
أعلام الشيوعيين الحمراء التي رفرفت في قلب الخرطوم قالت للعالم أجمع (نحن هنا)..
وقالت لشراكة الهبوط الناعم إن قطار الثورة ينطلق نحو محطة الانتصار..
وأي كوز مالو؟
الميدان
________
Up
ويجى واحد يقول ليك عددهم ٧
**صناعة التاريخ ليست بالكم” الكونتيتى” اردم اردم كييل ….بل بالكيف ” الكواليتى”
يحرق يومكم انتو و الكيزان ..انتم سبب بلاوي السودان ..لا تشتغلوا لا تخلوا زول يشتغل ….بدل المواكب الفارغة و الكتابة علي الحيطان وجهوا طاقاتكم للعمل و الانتاج ..قل لي كم عدد عضوية الحزب الشيوعي في السودان ..؟ ياهي اهل الشيوعية خلوها انتو لسه ماسكين فيها ..تبا لكم
تعودنا من الكيزان وقت ينعصروه يقول لك ما الشيوعيين سوها قبلنا ما يقدرو يعيشون بدون (أنا واخوى الكاشف)خليك واضح زي الشيوعيين وقل انتم الشيوعيين ونحن الكيزان سبب البلاوي والشارع يحكم
بفكرة انتهاء الصراع الطبقي و نهاية التاريخ لا يمكنك التحدث عن ديمقراطية كديمقراطية يقصدها الشعب السوداني بمعنى الحرية و العدالة. في ظل الشيوعية التي يؤمن اتباعها بنهاية التاريخ و انتهاء الصراع الطبقي لا يمكن التحدث الا عن نظم شمولية و قطعا هذا ليس ما تقصده ثورة ديسمبر المجيدة و الشعب السوداني الذي يجسم فوق كل سلطة و أعلى من اي حزب يقصد ديمقراطية و حرية على قياس الليبرالية الحديثة و ليست ديمقراطية الاحزاب الشيوعية في بلدان العالم الثالث.
ترديد اسطوانات مشروخة للفكر الليبرالي المهزوم عالميا واللي نتيجته صعود امثال ترامب ….
وين هي الليبرالية اللي بتتكلم عنها …
الناس بقت تتكلم عن الاشتراكية داخل الكونقرس الأمريكي دي سوابق تاريخية …
في البرتغال الحزب الشيوعي شريك في الدورة التانية للحكم
في البيرو الرئيس الجديد بيقول انو هو ماركسي
في بوليفيا …. وغيرغا وغيرها
الأحزاب اليسارية المعادية للأفكار الليبرالية هي الآن ذات الحظوظ الكبرى انتخابيا …
الفكر الليبرالي الى مزبلة التاريخ نهائيا قريبا …
وما يفضل ليكم الا الاسظواتنات المشروخة اللي بترددو فيها زي نباح الكلاب والجما ماشي
خلونا من القوص وسط المواكب لإيهام انفسكم بان الذين خرجو ديل عضوية الحزب الشيوعى …اعملو دعوة واضحة لعضويتكم لتسيير موكب بأسم الحزب وورينا شطارتكم
أنت سيد العارفين تنظيم وتسيير المواطن بتكلف الملايين انتو نفسكم فلستو بمواكبكم الديكورية شيتاً سندوتشات وشيتاً باصات ومصاريف تحشييد هههههه المصاريف دي الشيوعيين يجبوها ليك من وين
كدي قارنوا بين موكبكم ذاك ومواكب الحرية والتغيير في ٣٠ سبتمبر
ثم ثوبوا إلي رشدكم
ما تباري الأوهام ديل ناس الخطيب وعلي الكنين وفتحي يا كمال
إنت ما بتشبهم
ديل بيصفوا في الحزب —
يا ناس الراكوبة, الحاصل شنو؟ كلما اكتب وقبل ما اكمل كلامي, يتم حظري. حرية التعبير عندكم في المحك؟
نظام حماية جديد وهذا ساري على الجميع عندما تشعر انك طولت في الكتابة اعمل نسخ لتعليقك لانه النظام لديه ثلاثة دقائق على ما اعتقد للتعليق
يا ناس الراكوبه نظام الكيزان مشى… الحاصل شنو تحضروا الناس ليه… الفكر شمولى برضو ولا شنو