*مركزية لجان مقاومة كرري*
*مكتب الرصد والمتابعة*
*الثورة ثورة وعي*
ما يدور داخل ميدان المولد النبوي الشريف بحوش الخليفة بامدرمان . يوجد بميدان المولد 95 خيمة لكل الطرق الصوفية وكل خيمة يوجد بها 4افراد من الدعم السريع وكل خيمة تم تسليمها 500مليون جنية سوداني دعم من نائب رئيس المجلس السيادي ياعني تم صرف 55مليار جنية للمشايخ الطرق الصوفية وحتي المصورين تم تسليمهم 500 مليون . هدية من الدعم السريع
ويوجد بوكسي به مليارات الجنيهات والشعب غير قادر علي شراء خبز
*السؤال المهم* ما هو سبب صرف هذة الاموال وهل له علاقة بالتقويض التحول الديمقراطي واجهاض تحقيق اهداف الثورة العظيمة التي جاءت لوضع بداية الدولة المدنية .
*والسؤال الثاني* هل يرتبط هذا الامر الذي يدفع له اموال خيالية *بقاعة الصداقة*
ما هو سبب تمسك المجلس السيادي بالسلطة بسبب جرائم الابادات التي تلاحق قادات المجلس السيادي وختامهم بافظع ما يكون فض اعتصام القيادة العامة التي تم ابادة الشعب بلا رحمة بالرصاص والعصي وربط الثوار بطوب البلك ورميهم داخل النيل هل مثل هذا المجلس سيدفع اموال لهذا الشعب وهو الذي اغتصبه واباده اما كل العالم هل كل من اخذ المال بميدان المولد له زرة من الانسانية وتم اعطاءه هذا المال من اجل سكاته وهل سوف يساند من قتل ومن اغتصب ومن يخلق الازمات الاقتصادية ومن تاجر بابناء الشعب السوداني بالخارج مز اجل المال والتمسك بالسلطة
بس تزكر يا ايها الشعب يوم غدا سوف تدفع ثمن هذا المال بروحك وروح ابنك وبناتك عندم تدعم هذا الامر
*ولماذا يتم استاجار بصات في كل المحليات والولايات من اجل ماذا*
من اجل تقويض التحول الديمقراطي وهدم اهداف ثورة ديسمبر المجيدة .
*21مليونية تهز كل مجلس السيادي واعوانهم داخل مجلس الوزراء*
*نعم لدعم التحول الديمقراطي*
*لا لا لا لحكم العسكر سلم السلطة يابرهان لشق المدني*
*الثورة ياداب بدتت*
*والنصر اكيد*
*اعلام مكتب الرصد*
١٣_١٠_٢٠٢١
هو مفتكر انه حيشتري زمم الناس ولكن هيهات الشعب السوداني واعي وفاهم
موجودين المستعدين يبيعوا ذمتهم بصحن فتة ولحمة مشوية
اخر خبر إغلاق واجب اكثر من 900 موقع دعاية للدعم السريع
……المال السياسي مثل الزبده في الليل يطلع عليه الشمس يسيح
لا حول ولا قوة الا بالله الشعب زاتو استكان غايتو ربنا يرحم الذين ضحوا بارواحهم عشان الثورة دى !!
كل الشادين لديه فهم راسخ بان السودانيين بطونيين ” القرش وبس ولايهم من هو الحاكم ” حتى المعلمين فاتحين بطونهو والطرق الصوفيه ودليل بان الاداره الاهليه شالات وعلما الشادى حمرتى ماعنده حاكوره واحده بالسودان ِ زول ابناء الشمال الكيزان جابوه ليضربوا بيه ابنا الغرب ” الغرابه” ولكن اتغدى بيهم قبل يتعشوا بى الغرابه
نفس حركات الكيزان شراء الحشود بالمال وتوفير المواصلات والعضة وتحفيظهم الشعارات، ودة عشان يخدعوا ناس الخارج ويصوروا ليهم إنهم مدعومين وعندهم أنصار، طبعا الشعب السوداني عارف البير وغطاها، خليهم يصرفوا القروش على ضعاف النفوس المحتاجين ما حتغير شئ، يكفي إننا نفضحهم، الناس والعالم عارفين الحاصل.
اكلوا توركم وادوا زولكم
الامور واضحة ديل يمارسون ممارسة الكيزان لانهم منهم
سارقي قوت الشعب يسرقوا مال الشعب من اجل شراء الذمم
البرهان وحميدتي والكباشي اثبتوا بانهم مستعدين يحاصروا ويجوعوا ويقتلوا كل الشعب السوداني د
من اجل ان يجلسوا على الكراسي وينهبوا ثرواته وينفذوا من العقاب
لكن هيهات
يوم 21 اكتوبر ثورة جديدة لاقتلاع الخماسي المجرم ،، نصير الكيزان ،، اللجنة الامنية للمخلوع
اقتلاعهم يعني عودة الجيش والضباط الشرفاء الى الشعب
ويعني عودة 82% من موارد الشعب الاقتصادية الى دعم التعليم والصحة وتنمية مناطق الهامش
ويعني انتهاء عهد سرقة اموال الشعب ،، وشراء الذمم بها
يجب ان يكون هناك توضيح لشيوخ الطرق الصوفية ولكل من في المولد بان هذا المال هو مال الشعب السوداني
يريدون قتل الشعب السوداني من اجل ان تخرجوا معهم لابادة الشعب وتجويعه
اخدوا المال فهو حلال عليكم ويجب ان لا تنفذوا اجندتهم الخبثة
يجب ان تكون هناك توعية لكل من داخل خيم المولد لهذا المخطط الحقير
سوف يفشلون زي كل مرة
لكن ثورة 21 اكتوبر الاسبوع القادم يجب ان تكون لاقتلاع هؤلاء القتلة
سبحان الله هو طغى وتجبر وافتكر انه امتلك السلاح والمال افتكر نفسو حا يمتلك الشعب وحا يمسح جرائمه لكن سبحان هنا تتجلى ارادة الخالق بهذا الفعل ربنا فضحه وكشفه انه خايف من جرائمه هذا ما كان يفعله في الخفاء شراء ناس ربنا كشفه الان في العلن سبحان الله
فعلا كيف لحكومة محترمة تسمح لمثل هذا الشخص بشراء ولاء الشعب الفقير بالمال
مال المدعو حميدتي (كالنفتلين) كلما تعرض للسوق تبخر.
لا تعليق
من دقنو وفتلو في الأساس هذة الأموال هي حق للمواطن مقابل ثروته المعدنية التي يجري تهريبها
عشان كدة دايرين انتخابات مبكرة، المصوتيين جاهزين والقروش جاهزة والفوز مضمون.
الخطأ قديم هو عدم مراجعة ميزانية الجيش
من اين اتى حميدتى بالأموال
الذي يبيع ذمته كالتي تبيع شرفها وهواها.. كلاهما سواء في بيع القيم والأخلاق.
حتى لو كانت المعايش جبارة.. تبقى بائعة الهوى بائعة هوى..
هل يطبع حميدتي العملة؟ هل يعرف بنك السودان كمية العملة المطبوعة؟ بلد فوضى يكون فيها الأجنبي وزيرا للداخلية والمالية وحتى رئيسا
من يتسلق البناية من خلال أنابيب المجاري يعتقد انها الطريقة الوحيدة للوصول إلى قمتها.
كانت أمام هذا الشخص فرصه تاريخية ليكون قائداً متميزاً و متمتعاً بكاريزما القيادة اذا ما كان له بُعد نظر و إستقراء الحاضر و ربطه بالمستقبل و معالجة أخطأ الماضي، و لكن هذه المسالك تحتاج إلى شخصية تتمتع بمقدرات فكرية لها ابعادها في عالم الخيال و الخُبث َ و المُكر و الدهاء، و ليس سرعة البديهة البدائية، فثقافات حياة البوادي ليست كثقافة حياة الحضر و سكان كل منهما يختلفان في اساليبهما عند ممارسة السياسة؛ فقد إنغمس هذا الشخص في اعامق الخُبث الحضري و قد جذبه بريق السلطة و تلاعبت به أمواج تداعيات السياسات الخارجية التى غايتها هي مصالحها فقط و دوماً اعمارها قصيرة، ففيها تنعدم الثقة و لا وجود للصدق و الشرف و الأمانة و الدين و الأخلاق، كل هذه المعاني التى يتشرب بها اهل البوادي، فكان ان حدث إنتقال صاروخي مُتسارع الخطى كلليلة القدر فتم هذا و وجد هذا الشخص نفسه في وسط دهاقنة و كهنة المكائد و الدسائس و الغدر و الخيانة و هو مُنتشي من نشوة المال و سطوة السلطة، فقام هؤلاء الكهنة بجعله الأداة التى ينفذون بها الجرائم التى يتورعون يخشون من القيام بها بانفسهم خيفة ان توردهم موارد الهلاك، فجعلوه هذا الغرير سابحاً في فلكهم حاملاً لجميع اوزارهم غير مدركاً لمالات ما حاق به من احابيل نُسجت حول عنقه، فليس أمامه الا ان يهد المعبد على نفسه و من ساقوه إلى حتفه، أو كشفهم و ما فعلوه حاملاً في يده شرف المُجاهرة بالتوبة و إن لم تكن مقبولة.
من يتسلق البناية من خلال أنابيب المجاري يعتقد انها الطريقة الوحيدة للوصول إلى قمتها.
كانت أمام هذا الشخص فرصه تاريخية ليكون قائداً متميزاً و متمتعاً بكاريزما القيادة اذا ما كان له بُعد نظر و إستقراء الحاضر و ربطه بالمستقبل و معالجة أخطأ الماضي، و لكن هذه المسالك تحتاج إلى شخصية تتمتع بمقدرات فكرية لها ابعادها في عالم الخيال و الخُبث َ و المُكر و الدهاء، و ليس سرعة البديهة البدائية، فثقافات حياة البوادي ليست كثقافة حياة الحضر و سكان كل منهما يختلفان في اساليبهما عند ممارسة السياسة؛ فقد إنغمس هذا الشخص في اعامق الخُبث الحضري و قد جذبه بريق السلطة و تلاعبت به أمواج تداعيات السياسات الخارجية التى غايتها هي مصالحها فقط و دوماً اعمارها قصيرة، ففيها تنعدم الثقة و لا وجود للصدق و الشرف و الأمانة و الدين و الأخلاق، كل هذه المعاني التى يتشرب بها اهل البوادي، فكان ان حدث إنتقال صاروخي مُتسارع الخطى كلليلة القدر فتم هذا و وجد هذا الشخص نفسه في وسط دهاقنة و كهنة المكائد و الدسائس و الغدر و الخيانة و هو مُنتشي من نشوة المال و سطوة السلطة، فقام هؤلاء الكهنة بجعله الأداة التى ينفذون بها الجرائم التى يتورعون يخشون من القيام بها بانفسهم خيفة ان توردهم موارد الهلاك، فجعلوه هذا الغرير سابحاً في فلكهم حاملاً لجميع اوزارهم غير مدركاً لمالات ما حاق به من احابيل نُسجت حول عنقه، فليس أمامه الا ان يهد المعبد على نفسه و من ساقوه إلى حتفه، أو كشفهم و ما فعلوه حاملاً في يده شرف المُجاهرة بالتوبة و إن لم تكن مقبولة.
لكن بنقول لك و ممن هم مثلك:
(أبطال الرصة)
تقتُل تخطِف ترهِب
سَيل الهبّة شابي لهب
قصدك تحذف ثأ الثورة كِذّب؟
قايل الحاصل فُورة والّا لِعِب؟
حنشيل الشيلة ولو صابه تعب
شعللّ نيرانك وكُب فينا شُهب
نحن الواقفين من ما قمنا شُعب
ساندين الفاتو و حلفناها كُتب
كابي الموكب انهاره سُحب
تتراكم صابه امطاره غضب
البيناتنا رابطينو عصب
و للماماتو وما خانو بنينا قُبب
حرّش اقزامك نوريها ادب
نسيقها المُر ولينا سبب
حق الكانو معانا ما بنسيبو كعب
عايزينو زيادة الليلة غصُب
ما بنخاف ولو ختيتا دهب
نجوم السماء فوق اكتافك سميتا رُتب
طلقاتك ما بتحرق فينا خشب
الخوف الجايبو معاك شايفينو هرب
هدير امواجنا يجلجل فينا طرب
لهيب الثورة بركانه سرب
ما بنسيب القومة ما هي كضب
القدام الكانو معانا ورونا عَجَب
و الواقفين سادين الخانا ورانا عتب
اهدينا الروح للسودان زي ما ورونا ماهو صعب
ورانا صفوف ما ليها عدد
ورينا صحابك ولو جايبو مدّد
شهيدنا معانا سايقينو أسد
يرفل في الميدان ما ليهو صفّد
حرية سلام وعدالة آبد
قلناها قبيل والخوف الفينا لبَدَ
بركان اللمّة الفاكرو خمد
حرّك نيرانه جوانا كَمَد
سايق حِممو قدامو ولد
تحرق معبد غدرك بينا جلِد
طريقنا زرعناهو عُشب
رويناهو الدم الكابي سَكِب
يحكي ملاحم الشهداء سرِد
الوروك الوقفة المافيها شرِد
ورصاصك يمرق من جوه كبِد
الدم الفينا من جوانا حِرِد
وسال شفقان لاقى الدم التاني وبقينا نسب
و رسم اللوحة لبنساها عقِد
شايلة من كل سودانا ورِد
دي الكنداكة القالدة الجمرة قلِد
وداك تهراقا الحوّل نار الشمس برِد
ما بيناتنا الفيهم خِسة
و لا هبشنا سوط الجِرسة
ما فينا الزول الممكن يدّسه
لما يقع حارس الرصة
بقينا كُتار ضاع الواحد فينا خِلسة
ما بتقدر تهبش وهج اللحظة
شُعاعا بعيد يتراقص بهجة
دغدغ فينا لذة طعم الوحدة
وهدهد جوانا الشوق للّمة
و ما بتقدر تقتل فينا روح الأُمة
ولا ياكا الكنت زمان غول الضُلمة
ولّع فينا نور الفكرة لمبة
ملانا ضجيج الآمل ألفي بُكرة
ع. ع. ح (شاعر الثورة)