الخرطوم : محاسن أحمد عبدالله
أعلنت الفنانة ميادة قمرالدين الغاء حفلها الجماهيري بليالي البروف المقام في فندق القراند يوم الجمعة القادم نسبة للظروف الصعبة التي تمر بها هذه الايام وتضامن مع المواطن ،مؤكدة استعدادها لمواكب ٢١ الخميس وان الثورة مستمرة .
وأوضحت ميادة خلال بوست قامت بنشره :(أحب حاجة على قلب الفنان لقاء جمهوره وإحساسه بتقديرهم وسعادتهم وكل فنان بيحاول يوصل إمتنانة ومحبته للناس بطريقته واسلوبه).
وواصلت (الحفلات الجماهيرية هى الحاجة الوحيدة البنحب عن طريقها نعبر عن حبنا للبلد ومشاركتنا للناس ومحاولاتنا المتواضعة لإننا نعكس ظروفهم ومشاعرهم عبر الفن الإتخذناه وسيلة ورسالة عشان كده ونظراً للظروف البتمر بيها البلاد الأيام دي، وتضامناً مع المواطن الغلبان في أهمية اننا نتجاوز المرحلة دي بخير وأمان قررت تأجيل حفل ليالي البروف المقام في فندق القراند يوم الجمعة ٢٢/١٠/٢٠٢١ وكلى حزن على ما آل إليه حالنا لانه صعب تقدم فنك لانسان شاغل باله الفترة دي (كيف يعيش وهو آمن؟) و(يعمل شنو عشان أولاده يعيشو حياة كريمة)؟ .
وأضافت(نحن الآن بنمر بمنعطف صعبمحتاجين كلنا نقيف ونسأل نفسنا عملنا شنو عشان البلد. وقدمنا شنو لى بعض؟!! ربنا يكف عننا شر الفتن ويجمع شمل كل السودانيين فى ما يرضاه ويكتب لينا الخير والنجاة).
اختمت قمرالدين :(نتلاقى قريب فى رحاب سودان جميل وسعيد ).
