حوارات

في أول حوار بعد الهجوم عليه….صلاح ولي :غنيت في اعتصام القصر بدون قروش

انا الجبت حمدوك بـ(شكرا حمدوك)

أنا زي الجيش ومحمود عبدالعزيز

لم يتم طردي من منزلي ببري..

حوار: محاسن أحمد عبدالله

واجه الفنان الشاب صلاح ولي هجوما شرسا في مواقع التواصل الإجتماعي المختلفة بسبب مشاركته مؤخرا بالغناء في إعتصام القصر وترددت أحاديث بطرده من منزله بواسطة ثوار بري بسبب مشاركته في اعتصام القصر وأحاديث أخري بشروع أسرة الشاعر محجوب شريف لتحذيره من ترديد أعمال والدهم والكثير.وجهنا له خلال هذا الحوار عدد من الاتهامات التي طالته للإجابة عليها…نتابع ما جاء فيها:

#بداية…كيف تمت دعوتك للمشاركة بالغناء في اعتصام القصر وكم المبلغ الذي دفع لك مقابل الغناء ؟

تم دعوتي كأي فنان ولبيت الدعوة وشاركت بالغناء بدون مقابل مادي.

# أتهمك البعض بالمتاجرة بقضايا الوطن واعتبرت مشاركتك خيانة للثوار ؟

أبدا…أنا فنان ملك الشعب السوداني أغني لكل شخص طلبني انا (حق الكل).

# هناك تناقض واضح تغنيت للثوار في اعتصام القيادة والان تغني في اعتصام القصر ؟

أنا غنيت (شكرا حمدوك) في كل حفلاتي وأنا الجبت حمدوك ب شكرا حمدوك وحتي الان أغني لحمدوك واقول شكرا حمدوك وأنا مع الثوار اغني لكل السودانيين وغنيت في اعتصام القصر لانهم أيضا سودانيين.

# يبدو أنك تميل مع الكفة الراجحة (مع كل حكومة)؟

اختلاف الحكومات ماعندي بيهو شغلة ..غنيت للمدنية وللتمرد والمعارضة والحركات المسلحة والجيش والشرطة…الخ.

# هل لديك انتماء سياسي ؟

ابدا ..ماعندي اي انتماء سياسي ولا اتبع أي حزب ،انا سوداني زي الجيش وزي الفنان الراحل محمود عبدالعزيز انا ملك الشعب السوداني.

# هل تم طردك من منزلك بواسطة ثوار بري بعد مشاركتك في اعتصام القصر ؟

أبدا…دي شائعات مغرضة هدفها الفتنة ، الحمدلله الان موجود في بيتي في بري وسط اسرتي وناس بري كلهم اهلي وناسي .

# بعد الهجوم الاخير عليك …هل ابلغتك أسرة الفنان الراحل حمد الريح بإيقافك من ترديد أعمال والدهم كما تردد ؟

غير صحيح لم يحدث ذلك وقريبا احيت حفل زواج إبنته ،بيننا كل حب واحترام.

# رددت في اعتصام القصر أغنية (يا شعبا تسامي) للشاعر الراحل محجوب شريف..هناك أحاديث متداولة عن شروع أسرة الراحل لمنعك من ترديد اغنياته ؟

غنيت للراحل محجوب شريف لانه شاعر الشعب ،محجوب وطن وما تردد عبارة عن شائعات لا صحة لها.

‫20 تعليقات

      1. هههههه… حتى الفنانين لحقتوهم بالشتائم…. انا افتكرت انكم ضد الفلول لكن الظاهر كل الشعب السوداني ماعاجبكم الا القطيع.

        1. يا Moh أنا ما شتمتو، أنا فقط وصفتو.. خلاص جيبو إنتا يغني ليك في عرسك ولا عرس بتك ولا ان شاء الله في طهورك، بس ما تنسى توفر لي أكبر كمية موز

    1. وردي غنى للبشير وصور الجلسة موجودة ومن حق ولي ان يغني لجميع السودانيين باختلاف توجهاتهم.

      هو السودان ده حق أبو واحد فيكم؟! حقنا كلنا شئتم ام ابيتم ولن نتركه تتحكم فيه شلة فاشلة. كفاية في سنتين بس الرغيفة من ١ جنيه الى ٥٠ جنيه.

      انتهى زمن السواقة بالخلا وطالعين يوم ٢١ أكتوبر من اجل تشكيل حكومة كفاءات مستقلة.
      بالمناسبة ثورة أكتوبر قادها الترابي .

      1. ولمن جيتوا انتم كانت بكم الرغيفة في 1989م هل تتذكر كانت بخمسة قروش ووصلتوها ألف جنيه ، اذا نسيتوا نحن ما نسينا

  1. الم تتعلموا اى شيئ عن الوطنية كأيقونات الفن مثل الراحل محمد وردى له الرحمة, شغالين بس تجارة بدون أى وازع أخلاقى أو مبادىئ!!

    1. يعني أنت ملك للشعب السوداني وممكن تغني للكيزان مثلا لأنهم جزء من الشعب السوداني؟!

      يا زول أمشي أقعد مع نفسك وراجع حساباتك وشوف انت قاعد تعمل في شنو بالضبط

  2. قال انا ملك الشعب السوداني هههههههههه كويس يا مصطفى سيد احمد ولا محجوب شريف وانحنا ما عارفين وممكن تكون حميد يا فنان الغفلة تفو عليك وعلى من يسمع لك تاني يا جربوع

  3. هذا التافه المجنون. كان يغني ويننط ذي الككؤ ابلايء ياريسء شنو ياريس للوسخان -برهان؟ ياناس بري اطردو هذا المعطوع ولا مكان لمن يستهزا ء بشهدائنا؟؟؟

  4. مغرور.. قال انا جبت حمدوك..

    صوته نشاز وما بعرف يغني..

    الفكره في المبدأ يا حقير.. المومسات في النهاية مومسات سواء مارسن مهنتهن بمقابل او بدون مقابل..

    رحم الله الامبراطور وردي

  5. المسطول دة غنى في شجرة ومرة برضو غنا وقدم خطبة جمعة في الحفلة

    لا تؤخذوا المجانين والسفهاء بما ينططون

  6. ولمن جيتوا انتم كانت بكم الرغيفة في 1989م هل تتذكر كانت بخمسة قروش فقط ووصلتوها ألف جنيه ، اذا نسيتوا نحن ما نسينا .

زر الذهاب إلى الأعلى