عاطف عابدون
في الغالب انو البرهان وعصابتة الان شغالين علي تشكيل حكومتهم الإنقلابية وحيتم الإعلان عنها باكر او بعده. قبل الإعلان عن تشكيل الحكومة غالبا ما يكشف سدنة الانقلاب من الاحزاب والحركات والشخصيات العامة عن وجوههم ويطلعو يقنعو الشارع انو دي ثورة تصحيحة وليس انقلاب. كل المؤشرات بتقول انو #تحالف_همج هو الراعي الرسمي للانقلاب وهو الحيشكل منه البرهان حكومته الانقلابية. في الغالب الانقلابيين حيحاولو يحشدو باي شكل لمسيرة موز جديدة ترحب ومباركة وتايد للانقلاب واليوم دا مفترض الثوار يتحاشو اي مواجهة معاهم لانو اغلبهم حيكونو عساكر وامنجية في زي مدني. في الغالب حيتم اطلاق سراح المعتقلين بعد الاعلان عن الحكومة الانقلابية الجديدة. اعادة الانترنت في الغالب حيكون مرتبض بحجم القتل المارسوه في فترة الانقطاع لانو كل خوفهم هو انو ما تطلع صور وفيديهات للقتل والقمع البيتمارس من الجنجويد والجيش وعشاكر الحركات المؤيدة للانقلاب. الناس في الداخل ما حيقروا كلامي دا لكن متاكد انهم ما حيتراجعو عن موقفهم ضد الانقلابيين رغم كل التضليل الحيتم عبر الاعلام المحلي والعربي ومحاولات تجميل الانقلاب وتسميته بانه ثورة تصحيحية. نحن كسودانيين في الخارج مفترض مظاهراتنا ومواكبنا تشكل مادة اساسية في الاعلام خلال الايام انقطاع الانترنت لانو ال في الداخل لازم يعرفو من القنوات الخارجية اننا وافقين الف احمر ضد الانقلاب.
والله العقليه ذي بتاعتك دي مفروض تختفي..الجيش لازم يقلب الهوانات ديل ..عمبلوك…وشلة الصعاليك الجو ركبوا في الثوره..
لازم البرهان يحكم بقوه لانو الضدو ضد الوطن وطز في المدنيه وطز في العملاء
انا شخصيا مع التصحيح الذي حدث وبشدة
نحن كسودانيين في الخارج مفترض مظاهراتنا ومواكبنا تشكل مادة اساسية في الاعلام خلال الايام انقطاع الانترنت لانو ال في الداخل لازم يعرفو من القنوات الخارجية اننا وافقين الف احمر ضد الانقلاب.
********************************************************
الله ينور عليك دة الكلام الصح… انا اؤيد فكرتك دي بنسبة 100%