في رثاء الشهيدة ست النفور بكار

يا ست النفوس بت أب علي وحسان
كتلوك الما بشبهوك يا دهباية البيشان
كان ما عوج دنيا وسلاحا شايلو جبان
ما برجوك وحاتك كان طبقو الكيمان
الفهم وارثاهو من “بشير” الكان وياما كان
والفرسة راجياك من “حمد” أخو الاخوان
يا بت الأصل الما بحتاجلو لي برهان
دمك ما بضيع ما دام وراهو لجان
وتارك حرّم ضحا اقسم عليهو فلان
ارقدي في سلام يا شهيدة السودان
تفخر بيك “ام هبج” وجميع جنا “رضوان” .