وصل الثائر الطيب التميلي عضو لجنة أبوقوتة الذي تحرك سيرا على الأقدام من ولاية سنار للالتحام مع الثوار في موكب ١٩ ديسمبر وصل إلى محلية الحصاحيصا الجمعة وقال الطيب في مقابلة مع راديو دبنقا إنه تحرك يوم الأربعاء الماضي حيث قضي ليلته الاولي في مدينة الحاج عبدالله والتي تحرك منها حتي وصل مدني ومن ثم تحرك حتي وصل الحصاحيصا وأوضح الطيب إن ارجله تورمت جراء السير الطويل لكنه مصمما علي إكمال مشواره وقال إن ثورة ديسمبر الظافرة بهرت العالم و تميزت بشعارات وطنية قومية تعبر عن حقوق المواطنة ودولة الوطن حيث مازال شعبنا يقاوم الإستبداد وتسلط قادة العسكر عبر الإنقلاب.
الى ذلك حذرت شبكة الصَّحفيين السُّودانيين، من تواصل الانتهاكات الجسيمة ضد الصَّحفيين والإعلاميين أثناء أداء مهامهم، واستهداف المُؤسّسات الإعلامية المُستقلة بالتهديد والإغلاق والمُضايقة والمراقبة منذ وقوع الانقلاب العسكري في 25 أكتوبر الماضي. وحذرت الشبكة في بيان لها من قطع خدمة الإنترنت والاتصالات يوم مليونية 19 ديسمبر المُرتقبة..وطالبت الشبكة، في بيانها جميع العاملين بالمُؤسّسات الإعلامية الرسمية عدم مُمارسة الرقابة الذاتية، والجهر بحقيقة ما يجري على الأرض، والامتناع عن إذاعة وترويج التقارير الكاذبة والمُضلّلة التي تبثها سُلطة الانقلاب.
دبنقا
لطالما هنالك ثوار مثل هؤلأء فراسنا مرفوعة عاليا ولن يكسره برهان ولأ شلة الموز
اتعبت نفسك في الفاضي..في النهاية ما بتطلع بشي
علي الاقل يحلم بالتغيير وانت بماذا تحلم ان يحكمك حميدتي؟!!! قل خيرا او اسكت يا عاطل والبلد دي لو ما ماتو الجلاكيم والناس الكل همها تاكل وتشرب ما بتمشي أتكلو علي الله وحلو البلد للشباب انتم زيادة عدد بس
دا لا عندو شغلة لا مشغلة لا مسئوليه، مستعد يمشي شهر لمن يصل، لا عندو زول بياكلوا لا عندوا بيشربوا،،،
اها لو ركب عربية والا بص بيحصل شنو؟؟
مشكلتنا في البلد كل زول عامل مناضل، الراكب عربية والماشي بي رجولوا واللابس كاكي، وابو طويله،،
كل السودان مناضل، اها وبعدين؟؟؟
وانت شنو؟!!
لو جهدو ده اشتغل بيو كان نفع نفسو، وأسرتو، ووطنو، لكن السياسة تعمي الابصار.
لو المليونيات دي مشت زراعةسمسم و بصل بس للتصدير كان السودان عبر.
دا يسموه حب الظهور!!!
يا شيخ خليك في سنارك بلا عبط معاك.
ده حايكون وزير الشباب والرياضه بعدين… اخونا مدني صار وزير تجاره بسبب قميصو المقطع وما حد احسن من حد.