الخرطوم : ايات فضل
تسبب الازدحام المروري أمس في تأجيل جلسة النطق بالحكم في قضية منظمة العون الإنساني التي يحاكم فيها القيادي بالمؤتمر الوطني المحلول “علي عثمان محمد طه”، والأمين العام لمنظمة العون الإنساني والمستشار المالي للمنظمة، لاتهامهم بالتصرف في مبلغ (3) ملايبن جنيه سوداني تم تخصيصها من وزارة المالية للمنظمة.
ولم تتمكن السلطات من إحضار المتهم علي عثمان محمد طه من سجن كوبر، في ذات السياق حدد قاضي محكمة جرائم الفساد ومخالفات المال العام المعز بابكر الجزولي جلسة الأحد القادم القرار.
وكانت المحكمة في وقت سابقة وجهت تهماً تحت المواد (89) الإخلال بواجبات الوظيفة العامة، والمادة (10) من قانون الإجراءات المالية والمحاسبية، والمادة (35) قانون مكافحة غسيل الأموال وتمويل الإرهاب، فيما حررت ورقة اتهام تحت المادة (177/1) من القانون الجنائي والمادة (35) من قانون مكافحة غسيل الأموال تمويل الارهاب في مواجهة الامين العام لمنظمة العون الانساني كما وجهت المحكمة تهمة تحت المادةت (181) استلام مال مسروق والمادة (35) من قانون مكافحة غسيل الأموال وتمويل الارهاب في مواجهة المستشار المالي لمنظمة العون الإنساني” وردوا التهمة بإنهم غير مذنبين .
السوداني
اسع في ذمتكم ما بيخجلوا ناس المحكمه ديل . زحمة شنو الماقادرين يوصلوا فيها متهم المحكمه . دي المفروض بعربات أمن فيها سارين عشان يفتحوا ليهم الطريق . ثم ٣ مليون جنيه شنو البحاكموا فيها السفاح علي عثمان ؟؟؟؟
والله كلامك صاح علي فار الفحم اعترف بقتلهم ٢٨ ضابط من القوات المسلحة بدم بارد في تسريبات قناة العربية يحاكم في تلاتة مليون اي مهازل نعيشها في العدالة ،،،،
ماتتعبوا أنفسكم قرار القاضي الكوز سيكون مرسل من اللجنة الأمنية والجنجويد وفلول الكيزان يعني معد سلفاً بالبراءة يعني أي محاكمات تتم في عهد اللجنة الأمنية يأتي ملقناً للقاضي ، عاوزين تقنعونا أن العدالة حيادية ألعبوا غيرها الشعب واعي !!!
الله يخيب ها الوجه ( فار الفحم ) كتال الكتله بتاع شوت توكل وبتاع كتائب الظل قاعدين يدلعوا فيه بدال ما يشيلوا رقبتوا بره ..ليهم حق الجنجويد يركبوكم.
انتو متاكدين هو مازال موجود في كوبر؟ لا يكون مع عبدالحي في تركيا؟