الخرطوم: الراكوبة
استباقاً لمليونية 25 ديسمبر التي دعت لها لجان المقاومة،؛ أغلقت سلطات الأنقلاب خدمات الانترنت من العاصمة السودانية في الصباح الباكر لليوم السبت الموافق 25 ديسمبر.
ويبدو أن وصول الثوار في مليونية 19 ديسمبر قد أثار الهلع في قلب البرهان وحميدتي، فسارعوا يوم أمس الجمعة بإحكام اغلاق الكباري بقوات مشتركة، ونفذت قوات مشتركة حملة اعتقالات في عدد من أحياء العاصمة استهدفت لجان المقاومة.
ولإكمال مخطط وأد الحركة الجماهيرية في مليونية السبت 25 لم تجد سلطات الإنقلاب بُداً من ايقاف خدمات الانترنت.
مسدار الجيش:-
مانشيت الصحف نشرت كباسن شاكي قال الجيش تغازم وهان كرامة الكاكي
يا بلد السمر قوليلي ايه الجاكي بتريدي البزلك وتكرهي البهواك
الجيش في الضعين ضاق المهازل عرقة اتهرشوا الجنود واندق قايد الفرقة
الفعل الحصل يا ديشنا كان بتدرقة في وجه الشعب الاحترام بتفرقة
السوس كان كتر عود المرق بنشق والجيش كان سلم من الوسخ بتنق
معليش يا عميد الجنجويد من حقه دام الجيش تسيس كل يوم تندق
في عهد الملايش وانعدام العيش خربانه البلد ما فيها هيبة جيش
تندق يا عميد برضك تقول معليش وخليه الشعب الدولة تحمي الجيش
صقر الجديان حزن خو وتباكي علينا وقال بالصريح النصرما لينا
ما دام الحكم كتل الرجال الزينة اتهانت عروضنا ولامست كرعينا
ديل اكلوا السمح والجيش اكل طعمية واتخطوا الرتب بي رتب وهمية
يا حليل البلد لما كان محمية بالكاكي المدرع وهيبته القومية
رغم الظلم عاس فوق الضماير وفذة لسع باقي في وجدانها عسكور عزة
لو ما الجيش تقلبن والمكان بتنز ما بتنهز كان كل الخلق ينهز
الجيش قومي كان لا عرب لا نوبة وهسع تخصخص في رتب ملعوبة
لو ما حكم القجر والدنيا جات مقلوبة ما بنزل يمين علم الشعارها قروبة
يا حليل الزمن العد روح جيلها زمن العساكر ما بعرفوا قبيلة
بلدا رجال فيها مخدر نيلها كيف تنزل لي شلة وتفك دا الحيلة
الجيش تهمل وسيسوا الطابور وجينج التعنصر في الحصل معزول
النضم الهرش في الدار صبح محظور وبقت الملايش وحدها العسكور
القال الحقيقة بيدخل الزنزانة وبتهرش المليشيا الدولة بي اركانها
راتبهم مضخم والجيوب مليانة والجيش بالفلس متقحبد الجبخانة
ما شفنا الاسد من النعام بتحاب وما اظن الضكر في يوم بيكون مشاط
هم والرئيس كل البيكون يوم في بلاط وقدام العساكر بكتلوا الضباط
سوي الناجدة يا جيش واتحد في لامة وقوميتك تفيض فينا وتغطي العامة
لاك الشعب وجع ومراير سامة والحاكم تجبر واتنفخ في هامة
كان هضلم ظلم بي عازة في اولادها ورحمها يوت بينجب في الجنود والقادة
ماتوا الرجال والجيش فقد اوتادها بس غيرهم بكون دام امهم ولادة
جمع الغبش شان سلطة ما هو فراسة وكل الفتن يا ديش بقت من ساسة
الايدهم بقت فوق الجراح نخاسة هم في القصور والميري بكتل ناسها
اقتصبوا البلد بالظلم تلاتة عقود وزادوا الكروش والشعب ناشف عود
كان هم الشعب فوق الكبك مفقود ينكال الرماد في خشمكم هبوت
ديل همهم سلطة وعرس نسوان وشبع البلد في حكمهم توهان
هم والاباليس في الاصل اخوان وانكسرت عشانهم هيبة السودان
صوت ثالث : صوت الاغلبية الساكتة منذ فجر الاستقلال نقول كل الفاعليين الموجودين المفروضيين علينا من ( العسكر / المدنيين) مرفوضين اؤكد ان الكل صلاحيته منتهية لانه مجرب و فاشل و المجرب لا يجرب مرة اخرى من اقصى اليمن مروراً بالوسط و من ثم العسكر و من بعد اليسار بشقيه العروبي و الشيوعي الكل ساهم في تدهر السودان ، و نقول ان الاستبدال قادم و بقوة الى السودان من الغرب الافريقي و جنوب الصحراء و القرن الافريقي و يتم ذلك تحت ناظرنا ، خليكم انتم يا عسكرتارية و مدنيين في مطاحنتكم.. السودان حا يستبدال بقاطننين جدد لا رحم فيهم لكم جميعكم ،
لا لفوضي المظاهرات نعم لفرض هيبة الدولة.
ههههه قالوا شر البلية ما يضحك،
انتو تتركوا جيشكم يساهر كل الأيام
وما يشوف النوم عدة أيام متواصلة ،
سهر الجداد ولانومو، اتركوا حراسة دكتاتور
يريد ان يحكم فقط وصاحب البطل قبلوا،
والشباب يتبادلوا التناوب ناسى تمشى البيت وتنوم
والباقى يحرس التروس وحراسة الشارع،
أرى انك تدفقوا المويه في الرهاب،